కేవలం ఇంటర్ అర్హతతో సెంట్రల్ గవర్నమెంట్ జాబ్స్... నెలకు రూ.81,000 సాలరీ

కేవలం ఇంటర్మీడియట్ అర్హతతో కేంద్ర ప్రభుత్వరంగ సంస్థలో ఉద్యోగాల భర్తీకి నోటిఫికేషన్ వెలువడింది. ఈ నోటిఫికేషన్ వివరాలను ఇక్కడ అందిస్తున్నాం. 

Image Credit : freepik.com

ఐఐసిబిలో ఉద్యోగాలు

ఇండియన్ ఇన్స్టిట్యూట్ ఆఫ్ కెమికల్ బయాలజీ (CSIR – IICB) కేంద్ర ప్రభుత్వ ఆధ్వర్యంలో నడిచే ప్రతిష్టాత్మక పరిశోధనా సంస్థ. ప్రస్తుతం ఖాళీగా ఉన్న వివిధ పోస్టుల భర్తీకి అర్హులైన అభ్యర్థుల నుండి దరఖాస్తులు కోరుతోంది. 12వ తరగతి ఉత్తీర్ణులకు ఇది మంచి అవకాశం. మొత్తం 8 ఖాళీలు ఉన్నాయి. దరఖాస్తు ప్రక్రియ జూలై 28, 2025న ప్రారంభమయ్యింది… ఇది ఆగస్టు 22, 2025న ముగుస్తుంది.

DID YOU
KNOW

?

8,704 కేంద్ర ప్రభుత్వ ఉద్యోగాలు

కేంద్ర హోంశాఖలో కేవలం పదో తరగతి, డిగ్రీ విద్యార్హతలతో ఏకంగా 8,704 ఉద్యోగాల భర్తీకి నోటిఫికేషన్ వెలువడింది. ఇంటెలిజెన్స్ బ్యూరోలో ఖాళీలను భర్తీ చేస్తున్నారు.

Image Credit : freepik.com

IICB భర్తీచేసే ఖాళీలివే

జూనియర్ సెక్రటేరియట్ అసిస్టెంట్ (Gen./ F&A/ S&P): 

మొత్తం 6 పోస్టులు ఖాళీగా ఉన్నాయి.  ఈ ఉద్యోగాలకు 10+2 లేదా తత్సమాన ఉత్తీర్ణత అవసరం. కంప్యూటర్ టైపింగ్ నైపుణ్యం అంటే కంప్యూటర్ పరిజ్ఞానం తప్పనిసరి. జీతం నెలకు రూ.19,900 నుండి రూ.63,200 వరకు ఉంటుంది.

జూనియర్ స్టెనోగ్రాఫర్: 

ఇవి 2 పోస్టులు ఖాళీగా ఉన్నాయి. 10+2 లేదా తత్సమాన ఉత్తీర్ణతతో పాటు స్టెనోగ్రఫీలో నిర్దిష్ట అర్హతలు ఉండాలి. జీతం నెలకు రూ.25,500 నుండి రూ.81,100 వరకు ఉంటుంది.

Image Credit : Getty

IICB ఉద్యోగాలకు వయోపరిమితి

అభ్యర్థుల వయస్సు 18 సంవత్సరాలు నిండి ఉండాలి. జూనియర్ సెక్రటేరియట్ అసిస్టెంట్ పోస్టుకు 28 సంవత్సరాలు, జూనియర్ స్టెనోగ్రాఫర్ పోస్టుకు 27 సంవత్సరాలు మించకూడదు. ప్రభుత్వ నిబంధనల ప్రకారం SC/ STలకు 5 సంవత్సరాలు, OBCలకు 3 సంవత్సరాలు, PwBDలకు 10 నుండి 15 సంవత్సరాలు వయోపరిమితిలో సడలింపు ఉంటుంది.

Image Credit : Getty

దరఖాస్తు ఫీజు

మహిళలు, SC/ ST, Ex-servicemen, PwBDలకు దరఖాస్తు ఫీజు లేదు. ఇతరులు రూ.500 దరఖాస్తు ఫీజు చెల్లించాలి.

Image Credit : Getty

ఎంపిక విధానం

అభ్యర్థులను స్కిల్ టెస్ట్, రాత పరీక్ష ఆధారంగా ఎంపిక చేస్తారు. అర్హులైన అభ్యర్థులు CSIR – ఇండియన్ ఇన్స్టిట్యూట్ ఆఫ్ కెమికల్ బయాలజీ అధికారిక వెబ్సైట్ [https://iicb.res.in/] ద్వారా ఆన్లైన్లో దరఖాస్తు చేసుకోవచ్చు.

Image Credit : Getty

వెంటనే దరఖాస్తు చేసుకొండి

దరఖాస్తు చేసే ముందు అధికారిక నోటిఫికేషన్ లోని అర్హతలను పూర్తిగా చదివి నిర్ధారించుకోవడం ముఖ్యం. ఈ కేంద్ర ప్రభుత్వ ఉద్యోగ అవకాశాన్ని వదులుకోకుండా వెంటనే దరఖాస్తు చేసుకుని మీ ప్రభుత్వ ఉద్యోగ కలను సాకారం చేసుకోండి!