కరెన్సీ నోటుపై గాంధీ ఫొటో మొదట ఎప్పుడు వేశారు? అంతకు ముందు ఎవరిది ఉండేదో తెలుసా?

భారతదేశంలో కరెన్సీ ప్రస్తావన చాలా పురాతనమైనది. అయితే, బ్రిటిష్ పాలనలో భారతీయ నోట్లపై కింగ్ జార్జ్ VI ఫోటో ఉండేది.

దేశంలో స్వాతంత్ర్యానికి ముందే కరెన్సీ నోట్లు ఉండేవి. RBI భారతదేశంలో మొదటి కాగితపు నోటును జనవరి 1938 లో విడుదల చేసింది. ఈ నోటు ఐదు రూపాయల నోటు.

బ్రిటీష్ ప్రభుత్వం నుండి దేశం స్వాతంత్య్రం  పొందిన తర్వాత, ఆగస్టు 15, 1947 తర్వాత కూడా భారతీయ నోట్లపై కింగ్ జార్జ్ VI ఫోటో ఉంది. స్వాతంత్య్రం  వచ్చిన రెండు సంవత్సరాల తర్వాత 1949 లో, భారత ప్రభుత్వం తన మొదటి ఒక రూపాయి నోటును రూపొందించింది. దేశంలో మొదటి ఒక రూపాయి నోటుపై కింగ్ జార్జ్ ఫోటో స్థానంలో సార్నాథ్‌లోని అశోక స్తంభంలోని సింహాన్ని ఉంచారు. అయితే, ఆ నోటుపై మహాత్మా గాంధీ ఫోటోను ఉంచాలని భావించారు.

మహాత్మా గాంధీ ఫోటో ఉన్న నోట్లను RBI 1996 లో ప్రారంభించింది మరియు అశోక స్తంభం ఉన్న నోట్లను మార్చడానికి ఒక ప్రచారాన్ని ప్రారంభించింది.

మహాత్మా గాంధీ చిత్రం మొదటిసారిగా 1969 లో భారతీయ కరెన్సీపై ముద్రించారు. దీన్ని ఆయన 100 వ జయంతి సందర్భంగా విడుదల చేశారు. మహాత్మా గాంధీ 100 వ జయంతి సందర్భంగా విడుదల చేసిన నోటుపై ఆయన ఫోటోతో పాటు సేవాగ్రామ్ ఆశ్రమం ఫోటో కూడా ఉంది.