Smartphone: మీ ఫోన్ వర్షంలో తడిస్తే.. వెంటనే ఇలా చేయండి!
Water Damage Recovery: మీ ఫోన్ నీటిలో పడినా లేదా వర్షంలో తడిసినా భయపడకండి. సరైన సమయంలో సరైన చర్యలు తీసుకోవడం ద్వారా మీరు మీ స్మార్ట్ఫోన్ను మళ్లీ పూర్తిగా పనిచేసేలా రీస్టార్ట్ చేసుకోవచ్చు. క్రింద ఇవ్వబడిన చిట్కాలు పాటించండి.
ఫోన్ తడిస్తే ఈ విషయాలను గుర్తుంచుకోండి.
How to save a wet phone: వర్షాకాలంలో స్మార్ట్ఫోన్లు తడిసిపోవడం చాలా సాధారణం. కొన్నిసార్లు నీటిలో పడటం వల్ల లేదా ఫోన్పై కూల్ డ్రింక్ లేదా టీ పడటం వల్ల కూడా ఫోన్ తడిసిపోవచ్చు. కానీ భయపడాల్సిన అవసరం లేదు. మీరు త్వరగా, సరిగ్గా చర్య తీసుకుంటే మీ ఫోన్ ను సేవ్ చేయవచ్చు. నిపుణుల సలహా ప్రకారం మీ ఫోన్ తడిస్తే ఏమి చేయాలో? ఏమి చేయకూడదో ? తెలుసుకుందాం.
ఫోన్ ఆఫ్ చేయండి
ముందుగా చేయవలసిన పని ఏమిటంటే.. వెంటనే ఫోన్ను ఆఫ్ చేయడం. ఫోన్ ఇంకా పనిచేస్తుందో లేదో తనిఖీ చేయడానికి ప్రయత్నించవద్దు, అలా చేస్తే.. ఫోన్ లో షార్ట్ సర్క్యూట్ జరిగి పూర్తి డ్యామేజ్ కావొచ్చు. ఫోన్ ఆన్లో ఉంటే.. అది పూర్తిగా ఆఫ్ అయ్యే వరకు పవర్ బటన్ను నొక్కి పట్టుకోండి.
విడి భాగాలను తొలగించండి
ఆ తరువాత తొలగించగల అన్ని భాగాలను తీసివేయండి. అంటే.. అందులో సిమ్ కార్డ్, మైక్రో SD కార్డ్ ఉంటాయి. బ్యాటరీ తొలగించదగినది అయితే.. దానిని కూడా తీసివేయండి. ఇలా చేయడం వల్ల షార్ట్ సర్క్యూట్ ప్రమాదాన్ని తగ్గుతుంది. అలాగే ఫోన్కు కవర్ ఉంటే దానిని కూడా తీసివేయండి.
ఫోన్ను ఆరబెట్టండి
ఇప్పుడు మీ ఫోన్ లో ఉన్న నీటిని తొలగించడానికి శుభ్రమైన, మెత్తటి బట్ట లేదా కాగితపు టవల్ ఉపయోగించండి. పూర్తిగా శుభ్రం చేయండి కానీ ఫోన్ను కదిలించడం లేదా కుదుపడం వంటి పనులు చేయకండి. అలా చేస్తే.. అందులో ఉన్న నీరు లేదా తేమ మరింత వ్యాప్తి చెందుతుంది. హెయిర్ డ్రైయర్, ఓవెన్ లేదా మైక్రోవేవ్ను ఉపయోగించవద్దు. ఇవి అంతర్గత భాగాలను దెబ్బతీస్తాయి.
ఇలా చేయకండి
చాలా మంది ఫోన్ ను బియ్యంలో పెడుతారు. కానీ, అది అంత ప్రభావవంతమైనది కాదు. బియ్యం కొంత తేమను గ్రహించగలదు, కానీ దాని పిండి వాటిలోకి వెళితే ఫోన్ లోని పార్ట్స్ దెబ్బ తింటాయి.
దీనికి బదులు సిలికా జెల్ ప్యాకెట్లు ఉపయోగించండి. ఈ చిన్న ప్యాకెట్లు తేమను గ్రహించగలవు. మీ ఫోన్ను గాలి చొరబడని కంటైనర్లో లేదా సిలికా ప్యాకెట్లతో కూడిన జిప్లాక్ బ్యాగ్లో ఉంచండి.
మీ దగ్గర సిలికా జెల్ ప్యాకెట్స్ లేకపోతే ఫోన్ను బాగా గాలి ప్రసరింపజేసే వెంటిలేషన్ ఉన్న ప్రదేశంలో ఉంచండి. మీరు కోరుకుంటే, మీరు దానిని ఫ్యాన్ ముందు కూడా ఉంచవచ్చు. అయితే.. పోర్టుల నుండి నీరు బయటకు ప్రవహించే స్థితిలో ఫోన్ను ఉంచండి.
48 నుండి 72 గంటలు అలాగే
ఫోన్ను కనీసం 48 నుండి 72 గంటలు ఆరనివ్వండి. ఇక్కడ ఓపిక అత్యంత ముఖ్యమైన విషయం. మీరు ఫోన్ ను త్వరగా ఆన్ చేయడానికి ప్రయత్నిస్తే, శాశ్వత నష్టం జరిగే ప్రమాదం పెరుగుతుంది. ఈ సమయంలో దాన్ని పదే పదే తనిఖీ చేయడానికి ప్రయత్నించవద్దు.
ఫోన్ ఆన్ చేయండి
ఎక్కువసేపు ఆరిన తర్వాత ఫోన్ను ఆన్ చేయడానికి ప్రయత్నించండి. అది ఆన్ కాకపోతే, దానిని కొంతసేపు ఛార్జర్కు కనెక్ట్ చేయండి. అది ఇప్పటికీ ఆన్ కాకపోతే లేదా స్క్రీన్ బ్లింక్ అవ్వడం లేదా సౌండ్ సమస్యలు వంటివి చూపిస్తే.. నిపుణుల సహాయం తీసుకోండి. ఫోన్ను పూర్తిగా ఆరబెట్టడానికి, దెబ్బతిన్న భాగాలను తనిఖీ చేయడానికి నిపుణులైన రిపేరర్ దగ్గరికి తీసుకెళ్లండి.
వాటికి దూరంగా ఉంచండి
గుర్తుంచుకోండి, మీరు తరచుగా నీటి ప్రదేశాలలో మీ ఫోన్ను ఉపయోగిస్తుంటే, ఖచ్చితంగా వాటర్ప్రూఫ్ కేసును ఉపయోగించండి. కానీ అలాంటి ప్రమాదం ఎప్పుడైనా జరిగితే, సరైన, సకాలంలో చర్య తీసుకోవడం వల్ల చాలా ప్రమాదాన్ని అరికట్టవచ్చు, నివారించవచ్చు.