Tata Tiago: టాటా కార్లలో చీప్ అండ్ బెస్ట్ కారు ఇదే. దీనిపై అదిరిపోయే డిస్కౌంట్ ఆఫర్. ఆలస్యం చేయకండి

Tata Tiago: మీరు మీ ఫ్యామిలీ కోసం చీప్ అండ్ బెస్ట్ కారు కోసం చూస్తున్నారా? టాటా టియోగో మీకు సరైన ఆప్షన్. ఎందుకంటే టాటా కంపెనీ కార్లలో తక్కువ ధర ఉన్న కారు టియాగో మాత్రమే. ప్రస్తుతం టాటా కంపెనీ ఈ కారుపై మంచి డిస్కౌంట్ ప్రకటించింది. ఈ కారుకు పెట్రోల్, సీఎన్‌జీ మోడళ్లలో మాన్యువల్, ఆటోమేటిక్ ట్రాన్స్‌మిషన్ ఆప్షన్లు కూడా ఉన్నాయి. ఈ కారు ధర, బెస్ట్ ఫీచర్ల గురించి తెలుసుకుందాం రండి. 

ఇండియన్ మార్కెట్లో అమ్ముడవుతున్న టాటాలో చాలా తక్కువ ధర కారు టియాగోనే. ఈ కారులో 17 రకాల మోడళ్లు మార్కెట్లో ఉన్నాయి. టాటా టియాగో ఎక్స్-షోరూమ్ ధర రూ.4,99,990 నుంచి మొదలవుతుంది. ఇప్పుడు ఈ టాటా కార్లలో 3 ఆఫర్లు ఉన్నాయి. టాటా టియాగో MY2024 మోడల్‌లో ఈ తగ్గింపు ఉంది. ఈ కారు కొంటే రూ.30,000 వరకు ఆదా చేసుకోవచ్చు.

టాటా టియాగోలో రూ.30 వేల వరకు తగ్గింపు

టాటా టియాగోలో మాన్యువల్, ఆటోమేటిక్ ట్రాన్స్‌మిషన్ ఆప్షన్లు కూడా ఉన్నాయి. ఈ కారు MY2024 మాన్యువల్ పెట్రోల్ వేరియంట్‌కు రూ.20,000 వరకు తగ్గింపు ఇస్తున్నారు. ఈ ఆఫర్ XM, XT (O) మోడళ్లకు వర్తించదు. టాటా టియాగో సీఎన్‌జీ మోడల్‌కు రూ.15,000 వరకు తగ్గింపు ఇస్తున్నారు. టాటా టియాగో NRGలోని అన్ని మోడళ్లపై రూ.30,000 వరకు తగ్గింపు ఉంది.

ఇది కూడా చదవండి: ధర తక్కువ.. సేఫ్టీ ఎక్కువ, రూ.6 లక్షల కంటే తక్కువకే 6 ఎయిర్ బ్యాగ్స్‌తో రెండు కార్లు

టాటా టియాగో పవర్

ఈ కారు ఇంజిన్ విషయానికొస్తే 1,199 సీసీ 1.2 లీటర్ రెవోట్రాన్ పెట్రోల్ ఇంజిన్ ను కలిగి ఉంది. కారులో ఉన్న ఈ ఇంజిన్ 6,000 rpmలో 86 bhp పవర్‌ను, 3,300 rpmలో 113 Nm టార్క్ ను అందిస్తుంది. టాటా టియాగో సీఎన్‌జీ కూడా మార్కెట్లో దొరుకుతుంది. టియాగో సీఎన్‌జీ వేరియంట్ లో ఉన్న ఇంజిన్ 6,000 rpm-లో 75.5 పీఎస్ పవర్‌ను, 3,500 rpmలో 96.5 ఎన్ఎం టార్క్ ను అందిస్తుంది. ఈ కారుకు 242 లీటర్ల బూట్ స్పేస్, 170 mm గ్రౌండ్ క్లియరెన్స్ ఉంది. ఈ టాటా కారులో ముందు డిస్క్ బ్రేక్స్, వెనక డ్రమ్ బ్రేక్స్ ఉన్నాయి. అందువల్ల ప్రమాదాలకు ఆస్కారం తక్కువ.

టాటా టియాగో మైలేజ్

టాటా టియాగో పెట్రోల్ మాన్యువల్ వేరియంట్ లీటరుకు 20.09 కిలోమీటర్ల మైలేజ్ ఇస్తుంది. ఆటోమేటిక్ ట్రాన్స్‌మిషన్ లో ఈ కారు లీటరుకు 19 కిలోమీటర్ల మైలేజ్ ఇస్తుంది. అదే సీఎన్‌జీ మోడల్‌లో ఈ కారు మంచి మైలేజ్ ఇస్తుంది. మాన్యువల్ ట్రాన్స్‌మిషన్‌లో 26.49 కిలోమీటర్లు/కిలోగ్రాము మైలేజ్, ఆటోమేటిక్ ట్రాన్స్‌మిషన్‌లో 28.06 కిలోమీటర్లు/కిలోగ్రాము మైలేజ్ ఇస్తుంది.

నోట్: టియాగో ధరలు వివిధ రాష్ట్రాల్లో వేర్వేరుగా ఉంటాయి. మీ ప్రాంతంలో డీలర్ ను సంప్రదించి పూర్తి వివరాలు తెలుసుకోండి.