Business Ideas: కేవలం ఒక ఎకరంలో ఈ పంట వేస్తే, రూ. 15 లక్షలు సంపాదించే చాన్స్..పూర్తి వివరాలు తెలుసుకోండి..

మారుతున్న కాలానికి అనుగుణంగా, ప్రజల అవసరాలు మారుతున్నాయి, అదే సమయంలో, ఆ అవసరాలను తీర్చడానికి తప్పనిసరిగా డబ్బు అవసరం కూడా పెరుగుతోంది. దీంతో చాలా మంది ప్రజలు ఉద్యోగంతో పాటు ఏదో ఒక రకమైన వ్యాపారం వైపు వెళ్ళడానికి ప్రయత్నిస్తున్నారు. ఈ రోజుల్లో చాలా మంది ప్రజలు వ్యవసాయాన్ని వ్యాపారంగా చూస్తున్నారు.

strawberry

వ్యాపార ప్రయోజనం కోసం, చాలా మంది వాణిజ్య పంటలపై పెట్టుబడి పెడుతున్నారు. వాణిజ్య పంటలు అంటే వీటిని విక్రయించి మంచి లాభం పొందవచ్చు. స్ట్రాబెర్రీ అటువంటి పంటలలో ఒకటి. ఈ రోజు స్ట్రాబెర్రీ సాగుకు సంబంధించిన మొత్తం సమాచారాన్ని తెలుసుకుందాం. దీని ద్వారా మీరు ఎంత సంపాదించవచ్చో కూడా చూడండి.

మహారాష్ట్ర, హర్యానా, జార్ఖండ్, రాజస్థాన్, ఢిల్లీ, హిమాచల్ ప్రదేశ్ , పశ్చిమ బెంగాల్‌లలో స్ట్రాబెర్రీని పెద్ద ఎత్తున సాగు చేస్తున్నారు. ఐస్ క్రీం, డ్రింక్స్, కేకుల తయారీకి వీటిని ఎక్కువగా వాడుతుంటారు. ఇందులో కమరోసా, చాండ్లర్, ఓఫ్రా, బ్లాక్ పీకాక్, స్వీడ్ చార్లీ రకాలు మనదేశంలో విరివిగా పండుతాయి. 

1 ఎకరంలో 22 వేల స్ట్రాబెర్రీ మొక్కలు నాటవచ్చు. ప్రతి మొక్క యొక్క దూరం కనీసం 30 సెం.మీ. దీని పంటను సెప్టెంబరు-అక్టోబర్‌లో పండిస్తారు , పండ్లు మార్చి-ఏప్రిల్ వరకు అందుబాటులో ఉంటాయి. దీని కోసం  ఇసుక లోమీ నేలలు,ఎర్ర నేలలు, నీరు ఎక్కువగా నిల్వని నేలలు సాగుకు చాలా అనుకూలంగా ఉంటాయి. 

స్ట్రాబెర్రీలను 10 రోజుల వరకు కోల్డ్ స్టోరేజీలో నిల్వ చేయవచ్చు. మీరు ఎక్కడైనా స్ట్రాబెర్రీలను దూరంగా తీసుకెళ్లాలనుకుంటే, వాటిని 4 డిగ్రీల సెల్సియస్ వద్ద 2 గంటల పాటు ముందుగా చల్లబరచండి.

1 ఎకరం స్ట్రాబెర్రీ సాగులో దాదాపు 7 లక్షల రూపాయలు ఖర్చవుతుంది. నిజానికి, స్ట్రాబెర్రీ మొక్కలు చాలా ఖరీదైనవి, అందుకే చాలా ఖర్చు అవుతుంది. దీంతో పాటు మల్చింగ్ షీట్లు, స్ట్రాబెర్రీ ప్యాకింగ్ కు పెట్టే డబ్బాలు తదితరాల ఖర్చు కూడా భారీగానే ఉంటుంది.

అయితే, మీరు ఖర్చు కంటే రెట్టింపు ఆదాయాన్ని పొందుతారు. రూ.7 లక్షల పంట నుంచి రూ.15 లక్షలు సంపాదించవచ్చు. అంటే మొక్క ఖరీదు తీసేస్తే రూ.9 లక్షల లాభం వస్తుంది. 6 నెలల్లో 1 ఎకరంలో పండించిన పంట ద్వారా ఈ ఆదాయం వస్తుంది. పాలీహౌస్‌ పద్ధతిలో వీటిని పెంచినట్లయితే మరింత ఎక్కువ రాబడి వచ్చే అవకాశం ఉంది.