ప్రభుత్వ సూపర్ స్కీమ్ - వీరికి ప్రతినెల రూ.2000 ఆర్థిక సహాయం: - ఎలా దరఖాస్తు చేయాలంటే ?

చేనేతలను, కల్లు గీత కార్మికులను ఇంకా వృద్ధులను ఆదుకునేందుకు కేంద్ర ప్రభుత్వం  వివిధ పథకాలని  అమలు చేస్తోంది. అలాగే పేద, నిరుపేద మహిళల సంక్షేమం కోసం కేంద్ర ప్రభుత్వం అనేక పథకాలు అమలు చేస్తోంది. 

 అందులో వితంతు పెన్షన్ పథకం ముఖ్యమైనది. వితంతు పెన్షన్ స్కిం  ద్వారా దేశవ్యాప్తంగా అన్ని రాష్ట్రాల్లోని వితంతువులకు ప్రతినెలా ఆర్థిక సహాయం అందజేస్తున్నారు. భర్తను కోల్పోయి ఆర్థిక ఇబ్బందుల్లో ఉన్న మహిళలను ఆదుకోవడమే ఈ పథకం ముఖ్య లక్ష్యం. ఈ పథకం కింద 18 నుంచి 60 ఏళ్లలోపు వితంతువులు  దరఖాస్తు చేసుకోవచ్చు. వితంతువులు మరణించిన తర్వాత, వారి వారసులు లేదా ఇతర కుటుంబ సభ్యులు ఈ పథకంకి  అర్హులు కారు.

ఈ పథకం కింద స్టైఫండ్ నేరుగా లబ్ధిదారుల బ్యాంకు ఖాతాలో జమ చేయబడుతుంది. వార్షిక ఆదాయం రూ.2 లక్షల కంటే తక్కువ ఉన్న  వితంతువులకి  మాత్రమే ఈ ఆర్థిక సహాయం లభిస్తుంది.

వితంతు పెన్షన్ స్కీమ్ కింద ఇచ్చే సహాయం మొత్తం రాష్ట్రాన్ని బట్టి మారుతూ ఉంటుంది. నెలకు కనీసం రూ.300 నుంచి గరిష్టంగా రూ.2000 వరకు అందజేస్తారు. తమిళనాడు రాష్ట్రం విషయానికి వస్తే ఈ పథకం కింద వితంతువులుకి నెలకు రూ.1000 ఆర్థిక సహాయం అందజేస్తున్నారు.

అవసరమైన డాకుమెంట్స్ అండ్ అర్హతలు  ?

దారిద్య్ర రేఖకు దిగువన ఉన్న వితంతువులు  మాత్రమే ఈ పథకం కింద ప్రయోజనం పొందగలరు. ఈ పథకం ప్రయోజనాలు ఏ ఇతర పెన్షన్ పథకాన్ని పొందని మహిళలకు అందించబడతాయి.

*మహిళా దరఖాస్తుదారుల వయోపరిమితి 18 నుండి 60 సంవత్సరాల మధ్య ఉండాలి.

*భర్త చనిపోయిన తర్వాత  మళ్లీ పెళ్లి చేసుకుంటే ఈ పథకం కింద ప్రయోజనాలు పొందలేరు.

* అభ్యర్థి పాస్‌పోర్ట్ సైజు ఫోటోగ్రాఫ్, ఐడెంటిటీ ప్రూఫ్ (ఓటర్ కార్డ్/రేషన్ కార్డ్/ఆధార్ కార్డ్), వయస్సు సర్టిఫికేట్, రెసిడెన్స్ సర్టిఫికేట్, బ్యాంక్ పాస్‌బుక్, భర్త మరణ ధృవీకరణ పత్రం, ఆదాయ ధృవీకరణ పత్రం ఈ పథకం కోసం  దరఖాస్తు చేయడానికి అవసరమైన డాకుమెంట్స్.