ఇండియాలో 7-ఎలెవెన్ కన్వీనియన్స్ స్టోర్లను ప్రారంభించనున్న రిలయన్స్ రిటైల్

భారతదేశం, ఆసియా అత్యంత ధనవంతుడు ముఖేష్ అంబానీ నేతృత్వంలోని రిలయన్స్ ఇండస్ట్రీస్ లిమిటెడ్ (RIL) అనుబంధ సంస్థ రిలయన్స్ రిటైల్ వెంచర్స్ లిమిటెడ్ (RRVL) భారతదేశంలో కన్వీనియెన్స్ స్టోర్స్ తెరిచేందుకు యూ‌ఎస్  ఆధారిత 7-ఎలెవెన్ ఇంక్ (SEI) తో ఫ్రాంచైజ్ ఒప్పందాన్ని కుదుర్చుకున్నట్లు ప్రకటించింది. 

రిలయన్స్ రిటైల్ వెంచర్స్ లిమిటెడ్ (RRVL) మొదటి 7-ఎలెవన్ స్టోర్ ని అక్టోబర్ 9న ముంబైలోని అంధేరి ఈస్ట్ ప్రాంతంలో ప్రారంభిస్తున్నట్లు తెలిపింది. తరువాత గ్రేటర్ ముంబై క్లస్టర్‌లోని కీలక పరిసరాలు, వాణిజ్య ప్రాంతాల్లో వేగంగా విస్తరించనున్నట్లు కంపెనీ ఒక పత్రికా ప్రకటనలో తెలిపింది.

"7-ఎలెవన్ స్టోర్స్‌  ప్రారంభంతో ఆర్‌ఆర్‌విఎల్ దేశంలోని అతి పెద్ద రిటైలర్‌గా భారతీయ కస్టమర్‌లకు అత్యుత్తమ షాపింగ్ అనుభవాన్ని అందించే ప్రయాణంలో ఒక అడుగు ముందుకు వేసింది" అని ఆర్‌ఆర్‌విఎల్ పత్రికా ప్రకటన తెలిపింది.

7-ఎలెవెన్ స్టోర్స్ ప్రతిరోజూ నిత్యావసర వస్తువులతో పాటు పానీయాలు, స్నాక్స్ అందిస్తాయి. ఈ స్టోర్స్ స్థానిక ఉపాధిని పెంచుతాయని అలాగే కస్టమర్లకు ప్రతిరోజూ ఆహార నిత్యావసరాలను సౌకర్యవంతంగా యాక్సెస్ చేయడానికి ఏకొ వ్యవస్థను నిర్మిస్తాయని భావిస్తున్నారు.

ఫ్యూచర్ రిటైల్ 7-ఎలెవెన్‌తో ఒప్పందాన్ని రద్దు చేసిన తర్వాత ఆర్‌ఆర్‌విఎల్ ప్రకటన వచ్చింది. రిలయన్స్ రిటైల్ వెంచర్స్ లిమిటెడ్ డైరెక్టర్ ఇషా అంబానీ మాట్లాడుతూ, "7-ఎలెవెన్ అనేది కన్వీనియెన్స్ రిటైల్ ల్యాండ్‌స్కేప్‌లో అత్యంత ప్రసిద్ధ ప్రపంచ బ్రాండ్‌లలో ఒకటి. ఎస్‌ఈ‌ఐ (SEI)తో కలిసి మేము నిర్మించే కొత్త మార్గాలు భారతీయ వినియోగదారులకు వారి పరిసరాల్లో ఎక్కువ కన్వీనియెన్స్,  ఛాయిస్ అందిస్తాయి.

రిలయన్స్ రిటైల్ వెంచర్స్ లిమిటెడ్ (RRVL) గురించి:
ఆర్‌ఆర్‌వి‌ఎల్ అనేది రిలయన్స్ ఇండస్ట్రీస్ లిమిటెడ్  అనుబంధ సంస్థ.  అన్ని రిటైల్ కంపెనీలు ఆర్‌ఐ‌ఎల్ గ్రూప్ కిందకు వస్తాయి. ఆర్‌ఆర్‌వి‌ఎల్  టర్నోవర్‌ రూ.157,629 (21.6 బిలియన్ డాలర్లు) కోట్లు, 31 మార్చ్ 2021తో  ముగిసిన సంవత్సరానికి నికర లాభం రూ. 5,481 కోట్లు  ( 750 మిలియన్ల డాలర్లు).  ఆర్‌ఆర్‌వి‌ఎల్ భారతదేశంలో అతిపెద్ద, అత్యంత లాభదాయకమైన రిటైలర్.  డెలాయిట్ గ్లోబల్ పవర్స్‌లో ప్రపంచంలో వేగంగా అభివృద్ధి చెందుతున్న రిటైలర్‌ల జాబితా నిలిచింది. రిటైలింగ్ 2021 ఇండెక్స్ లో టాప్ గ్లోబల్ రిటైలర్ల జాబితాలో 53వ స్థానం పొందింది.  అంతేకాదు టాప్ 100లో చోటు దక్కించుకున్న ఏకైక  భారతీయ రిటైలర్.

7-ఎలెవెన్ ఇంక్ గురించి:
ఎస్‌ఈ‌ఐ అనేది కన్వీనియెన్స్-రిటైల్ పరిశ్రమలో ముందున్న పేరు. ఎస్‌ఈ‌ఐ  18 దేశాలు, ప్రాంతాలలో 77,000 కంటే ఎక్కువ స్టోర్స్ నిర్వహిస్తుంది ఉత్తర అమెరికాలో 16,000 సహా. 7-ఎలెవన్ స్టోర్‌లతో పాటు ఫ్రాంచైజీలు స్పీడ్‌వే, స్ట్రిప్స్, లారెడో టాకో కంపెనీ, రూస్ట్ రైజ్
నివహిస్తుంది. ఎస్‌ఈ‌ఐ 7-సెలెక్ట్  బ్రాండ్ కింద కస్టమర్లకు ఇండస్ట్రి -లీడింగ్ ప్రైవేట్ బ్రాండ్ ఉత్పత్తులను అందిస్తుంది.  కస్టమర్‌లు దీని ద్వారా దేశవ్యాప్తంగా స్టోర్‌లలోని వివిధ వస్తువులపై పాయింట్లను పొందవచ్చు, రీడీమ్ చేసుకోవచ్చు. మరింత సమాచారం కోసం  Www.7-eleven.com, 7-eleven మొబైల్ యాప్ లో తెలుసుకోండి.

Key Contacts:
Reliance Retail: Manish Bhatia; manish.b.bhatia@ril.com
7-Eleven Inc.: media@7-11.com