పే స్లిప్‌ అవసరం లేదు, సిబిల్‌తో పనిలేదు.. ఆధార్‌ కార్డ్ ఉంటే చాలు లోన్ పొందొచ్చు..

బ్యాంకు నుంచి లోన్ పొందాలంలే సిబిల్ స్కోర్ బాగుండాలి, ఏదైనా ఉద్యోగం చేస్తున్నట్లు తెలిపే పే స్లిప్ లు ఉండాలి. అయితే ఇవేవి లేకుండా కేవలం ఆధార్ కార్డు ఉంటే చాలు రుణం అందిస్తోంది కేంద్ర ప్రభుత్వం. కరోనా సమయంలో ఇబ్బందులు పడ్డ చిరు వ్యాపారులకు అండగా నిలిచేందుకు తీసుకొచ్చిన పీఎం స్వనిధి యోజన పథకం ద్వారా రూ. 10 వేల నుంచి రూ. 50 వేల వరకు రుణం పొందే అవకాశం కల్పించారు.

Narender Vaitla

First Published Jan 8, 2025, 5:27 PM IST | Last Updated Jan 8, 2025, 5:27 PM IST

PM స్వనిధి యోజన

కోవిడ్-19 మహమ్మారి ద్వారా ప్రభావితమైన వ్యాపారాలకు మద్దతు ఇవ్వడానికి 2020లో ప్రధాన మంత్రి స్వనిధి యోజన (PM Svanidhi Yojana) పథకాన్ని ప్రారంభించారు. ఈ పథకం చిన్న వ్యాపారులు ఎలాంటి హామీ లేకుండా లోన్ పొందడానికి సహాయపడుతుంది. కేవలం ఆధార్ కార్డు ఉంటే చాలు రుణం పొందే అవకాశాన్ని కల్పించారు.

లోన్ ఎలా ఇస్తారు.?

వ్యాపారులకు ప్రారంభంలో ₹10,000 వరకు లోన్ ఇస్తారు. వారు సకాలంలో తిరిగి చెల్లిస్తే, తదుపరిసారి రూ. 20,000 వరకు పొందవచ్చు. మునుపటి లోన్ సకాలంలో తిరిగి చెల్లించిన ఆధారంగా తర్వాత లోన్ మొత్తం రూ. 50,000కి పెంచుతారు. వ్యాపారులు తాము తీసుకున్న రుణాన్ని 12 నెలల వాయిదాల్లో చెల్లించాల్సి ఉంటుంది.

PM స్వనిధి యోజన

PM స్వనిధి యోజనకు ఎలా దరఖాస్తు చేసుకోవాలి?

వ్యాపారులు తమ ఆధార్ కార్డును ఉపయోగించి ప్రభుత్వ బ్యాంకులో PM స్వనిధి పథకానికి దరఖాస్తు చేసుకోవచ్చు.

1) లోన్ దరఖాస్తు ఫారమ్ (LAF) కోసం అవసరమైన సమాచార పత్రాలను సేకరించాల్సి ఉంటుంది.

2) మొబైల్ నంబర్‌ ఆధార్‌తో లింక్ అయ్యి ఉండాలి.

3) లోన్ తీసుకునేవారు భవిష్యత్తు ప్రయోజనాల కోసం పట్టణ స్థానిక సంస్థల (ULB) నుండి సిఫార్సు లేఖను పొందాలి.

4) ఈ దశలను పూర్తి చేసిన తర్వాత, పోర్టల్‌లో నేరుగా లేదా సమీపంలోని కామన్ సర్వీస్ సెంటర్ (CSC) ద్వారా దరఖాస్తు ప్రక్రియను ప్రారంభించవచ్చు.

PM స్వనిధి యోజన

వడ్డీ రేటు..

సంబంధిత షెడ్యూల్డ్ కమర్షియల్ బ్యాంకులు, ప్రాంతీయ గ్రామీణ బ్యాంకులు (RRB), చిన్న ఫైనాన్స్ బ్యాంకులు (SFB) సహకార బ్యాంకులకు వడ్డీ రేట్లు ప్రస్తుతం అమలులో ఉన్న రేట్ల ప్రకారం ఉంటాయి.

NBFCలు, NBFC-MFIలు ఇతరులకు, వడ్డీ రేట్లు సంబంధిత లోన్ ప్రొవైడర్ రకానికి RBI మార్గదర్శకాల ప్రకారం ఉంటాయి.