ఇప్పుడు ఈ వస్తువులను మాత్రమే బ్యాంకు లాకర్‌లో ఉంచుకోవచ్చు.. రిజర్వ్ బ్యాంక్ కొత్త నోటిఫికేషన్..

మనలో చాలా మంది ఆభరణాల నుండి ముఖ్యమైన డాకుమెంట్స్  వరకు ప్రతిదానిని భద్రంగా రక్షించడానికి బ్యాంకు లాకర్లను ఉపయోగిస్తారు. మీరు కూడా బ్యాంక్‌లో లాకర్‌ని  ఉపయోగిస్తే లేదా త్వరలో  ఉపయోగించాలనుకుంటే  మీరు దీనికి సంబంధించిన కొత్త రూల్స్  తెలుసుకోవాలి. రిజర్వ్ బ్యాంక్ ఆఫ్ ఇండియా (ఆర్‌బీఐ) కూడా బ్యాంకులకు ఈ ఆదేశాలు జారీ చేసింది. 

ఇకపై బ్యాంకులు  కస్టమర్లతో లాకర్ రెంటల్ ఒప్పందాలను రెన్యూవల్ చేసుకోవాల్సి ఉంటుందని ఆర్‌బీఐ పేర్కొంది. కస్టమర్లు తమ లాకర్లలో ఏయే రకాల వస్తువులను ఉంచుకోవచ్చో, ఉంచుకోకూడదో స్పష్టంగా తెలిపే కొత్త నిబంధనల ప్రకారం అగ్రిమెంట్ రెడీ అవుతుంది.

RBI కొత్త నిబంధనల ప్రకారం, ఇప్పుడు ఖాతాదారులు బ్యాంకు లాకర్‌లో ఆభరణాలు, ముఖ్యమైన డాకుమెంట్స్ వంటి చట్టబద్ధంగా చెల్లుబాటు అయ్యే వస్తువులను మాత్రమే ఉంచుకోవచ్చు. బ్యాంకుతో చేసుకున్న ఒప్పందం కస్టమర్ ఏ రకమైన వస్తువులను  ఉంచడానికి అనుమతించబడుతుందో నిర్దేశిస్తుంది. అంతే కాకుండా, బ్యాంక్ లాకర్లు ఇప్పుడు వినియోగదారుల వ్యక్తిగత ఉపయోగం కోసం మాత్రమే అందించబడతాయి.

  బ్యాంకు ప్రస్తుత లాకర్ కస్టమర్ల ఒప్పందాల రెన్యూవల్ కోసం స్టాంప్ పేపర్ ఖర్చును బ్యాంక్ భరిస్తుంది. ఇతర కస్టమర్లు బ్యాంక్ లాకర్‌ కోసం  కాంట్రాక్ట్ స్టాంప్ పేపర్ ఖర్చు  చెల్లించాలి.  

  ఇప్పుడు కస్టమర్లు లాకర్లలో ఏ వస్తువులను ఉంచకూడదో కూడా ఆర్బీఐ స్పష్టం చేసింది. కస్టమర్లు నగదు లేదా విదేశీ కరెన్సీని లాకర్లలో ఉంచుకోలేరని రిజర్వ్ బ్యాంక్ తెలిపింది.

ఇంకా ఆయుధాలు, మాదకద్రవ్యాలు లేదా  నిషేధిత పదార్థాలు లేదా ప్రమాదకరమైన లేదా విషపూరిత పదార్థాలను  ఉంచడం కూడా నిషేధించబడుతుంది.