- Home
- Business
- credit card: క్రెడిట్ కార్డు బిల్లులో మినిమమ్ పేమెంట్ అనేది ఒక ట్రాప్: అందులో మీరు పడకూడదంటే ఇలా చేయండి
credit card: క్రెడిట్ కార్డు బిల్లులో మినిమమ్ పేమెంట్ అనేది ఒక ట్రాప్: అందులో మీరు పడకూడదంటే ఇలా చేయండి
credit card: క్రెడిట్ కార్డు బిల్లు చెల్లింపులో మినిమమ్ పేమెంట్ పద్ధతి వల్ల ఎక్కువ వడ్డీ భారం పడుతుందని నిపుణులు హెచ్చరిస్తున్నారు. మరి క్రెడిట్ కార్డు బిల్లులు భారం కాకుండా ఉండాలంటే పేమెంట్స్ ఎలా చేయాలో వివరంగా తెలుసుకుందాం.
- FB
- TW
- Linkdin
Follow Us
 "మినిమమ్ పేమెంట్ ఒక టెక్నిక్")
మినిమమ్ పేమెంట్ ఒక టెక్నిక్
క్రెడిట్ కార్డ్ బిల్లు చెల్లించేటప్పుడు 'మినిమమ్ పేమెంట్' చేయడం అన్నది ఒక పెద్ద టెక్నిక్. అధిక వడ్డీ రాబట్టే బ్యాంకుల బిజినెస్ ట్రిక్. ఇది తెలియక చాలా మంది వినియోగదారులు మినిమమ్ కడితే ఒక నెల ఇబ్బంది ఉండదని సంతోషపడతారు. కానీ మినిమమ్ కట్టినపుడు భద్రతా ఫీజులు, వడ్డీ మొత్తం పెరిగిపోతాయని వారికి తెలియదు.
క్రెడిట్ వడ్డీ ఎక్కువ
మీరు క్రెడిట్ కార్డు బిల్లులో మినిమమ్ పేమెంట్ చేసినా బ్యాంకులు భవిష్యత్తులో అధిక వడ్డీలు వసూలు చేస్తాయి. దీనివల్ల వినియోగదారులు అసలు మొత్తాన్ని చెల్లించకుండానే వడ్డీ మీద వడ్డీ కట్టాల్సిన పరిస్థితిలో పడుతారు. కొన్ని క్రెడిట్ కార్డులు మినిమమ్ బకాయిలు ఉన్నవారిపై సంవత్సరానికి 36% నుంచి 48% వడ్డీ వసూలు చేస్తున్నట్లు సమాచారం.
మినిమమ్ కడితే వడ్డీ పెరుగుతుంది
ఉదాహరణకి మీరు రూ.10,000 క్రెడిట్ కార్డు బిల్లు కట్టాల్సి ఉంటే మినిమమ్ 5% అంటే.. రూ. 500 చెల్లిస్తే ఆ నెలకు ఇబ్బంది ఉండదు. కాని తరువాత నెల మొత్తం రూ.10,000 కట్టాలి. ఇలా ప్రతి నెలా రూ.500 చొప్పున కట్టుకుంటూ పోతే నెలల తరబడి వడ్డీ పెరుగుతుంది తప్ప అసలు తీరదు. ఇలా మినిమమ్ పేమెంట్ చేసే వినియోగదారుల్లో చాలామంది బకాయిలు పెరిగిపోయి డీఫాల్ట్ స్థితిలోకి వెళ్లే ప్రమాదం ఉంది. ఇది వారి క్రెడిట్ స్కోర్‌ను తీవ్రంగా దెబ్బతీస్తుంది.
డీఫాల్ట్ అవ్వద్దు
అత్యధిక మినిమమ్ పేమెంట్ కట్టేవారిలో 30-40 శాతం మంది తరువాత పెద్ద మొత్తాన్ని చెల్లించలేక డీఫాల్ట్ అవుతున్నారు. దీనివల్ల తర్వాత ఎప్పుడైనా పెద్ద బ్యాంకులు, ఫైనాన్స్ కంపెనీల నుండి రుణాలు పొందలేకపోతున్నారు. ప్రైవేట్ బ్యాంకులు, నాన్-బ్యాంకింగ్ ఫైనాన్స్ కంపెనీలు కూడా ఇలా రిస్క్ పెరిగిన వినియోగదారులకు రుణం ఇవ్వడానికి వెనుకాడుతున్నాయి.
నిపుణులు ఏమంటున్నారంటే..
నిపుణులు సూచించేది ఏంటంటే.. నెలవారీ బిల్లు మొత్తం పూర్తిగా కట్టటం వల్లే తక్కువ వడ్డీ భారం తగ్గుతుంది. డబ్బులు అడ్జస్ట్ కాకపోతే ఒక నెలా లేదా రెండు నెలలు మినిమమ్ కట్టినా ఇబ్బంది లేదు కాని నెలల తరబడి మినిమమ్ పేమెంట్ కడుతూ ఉంటే క్రెడిట్ స్కోర్ పడిపోతుంది.
కనుక మినిమమ్ పేమెంట్ ఒక ట్రాప్ అని గుర్తు పెట్టుకోంది. ఆర్థిక విషయాల్లో తెలివితేటలతో వ్యవహరించాలి. బిల్లులు కట్టడంతో తప్పులు చేయకుండా జాగ్రత్తగా క్రెడిట్ కార్డు వినియోగించడం చాలా అవసరం.
