LIC IPOకు అద్భుతమైన స్పందన, రెండు గంటల్లోనే పాలసీదారుల కోటా 100 శాతం బుకింగ్..శనివారం కూడా అప్లై చేసే చాన్స్

దేశంలోనే అతిపెద్ద బీమా కంపెనీ లైఫ్ ఇన్సూరెన్స్ కార్పొరేషన్ ఆఫ్ ఇండియా ఐపీఓకు రిటైల్ ఇన్వెస్టర్ల నుంచి విశేష స్పందన లభిస్తోంది. మధ్యాహ్నం 12.30 గంటల వరకు పాలసీదారుల వాటా 100 శాతం, ఉద్యోగుల వాటా 51 శాతం. రిటైల్ ఇన్వెస్టర్ల వాటా 33 శాతం. 12 గంటల వరకు ఇష్యూ 31 శాతం బుక్ అయింది.

LIC IPOకి ఉదయం నుంచే ఇన్వెస్టర్ల నుంచి అద్భుతమైన ప్రతిస్పందన లభిస్తోంది.  ఉదయం 10 గంటలకు ప్రారంభమైన వెంటనే, వివిధ వర్గాల ఇన్వెస్టర్లు దీనిపై చాలా ఆసక్తిని కనబరిచారు. IPO ప్రారంభమైన రెండున్నర గంటల్లోనే 30 శాతం సబ్‌స్క్రైబ్ అయింది. 

ఉద్యోగుల భాగం 51 శాతం సబ్‌స్క్రైబ్ అయ్యింది. పాలసీదారుల కోటా 100% సబ్‌స్క్రైబ్ అవడం విశేషం. రిటైల్ ఇన్వెస్టర్ల కోటా కూడా 33 శాతం భర్తీ అయ్యింది. HNI (high net-worth individuals) కోటాలో 5 శాతం ఓవర్‌సబ్‌స్క్రైబ్ అయినట్లు తెలిసింది. ఇదిలా ఉంటే శనివారం కూడా రిటైల్ ఇన్వెస్టర్ల కోసం IPO ఓపెన్ చేసి ఉంటుందని,  నేషనల్ స్టాక్ ఎక్స్ఛేంజ్ నోటిఫికేషన్ విడుదల చేసింది.  నాన్-ఇన్‌స్టిట్యూషనల్ ఇన్వెస్టర్లు (ఎన్‌ఐఐలు) 6 శాతం కలిగి ఉండగా, క్వాలిఫైడ్ ఇన్‌స్టిట్యూషనల్ బయ్యర్లు (క్యూఐబిలు) ఇప్పటివరకు 4,110 షేర్లను కొనుగోలు చేశారు.

IPO వాచ్ ప్రకారం, గ్రే మార్కెట్‌లో ఎల్‌ఐసి స్టాక్ రూ.65 ప్రీమియంతో ట్రేడవుతోంది. ఇది ఇష్యూ ధరతో పోల్చితే తక్కువే. కానీ, ఈ స్టాక్ మే 17న మంచి ప్రీమియంతో లిస్ట్ అవుతుందని భావిస్తున్నారు.  ఈ IPO పూర్తిగా అమ్మకానికి ఆఫర్ (OFS). అంటే ఈ ఐపీఓ ద్వారా వచ్చే సొమ్ము ప్రభుత్వానికి చేరుతుంది. ఇష్యూలో రిటైల్ ఇన్వెస్టర్లకు 31.25 శాతం కోటా రిజర్వ్ ఉంది. పాలసీదారులకు 10 శాతం, ఉద్యోగులకు 0.7 శాతం కోటా రిజర్వ్ ఉంది. ఈ ఐపీఓలో పెట్టుబడులు పెట్టాలని మార్కెట్ నిపుణులు ఇన్వెస్టర్లకు సూచిస్తున్నారు. 

యాంకర్ ఇన్వెస్టర్ల నుంచి రూ.5,627 కోట్లు సమీకరించినట్లు ఎల్‌ఐసీ తెలిపింది. ఒక్కో ఈక్విటీ షేర్‌కు రూ.949 చొప్పున 5.92 కోట్ల షేర్లు యాంకర్ ఇన్వెస్టర్ల కోసం రిజర్వ్ చేసి ఉంచారు. 

ఉద్యోగులు, పాలసీదారులకు ప్రత్యేక డిస్కౌంట్..

ఈ ఆఫర్‌లో మొత్తం షేర్లలో 35 శాతం రిటైల్ ఇన్వెస్టర్ల కోసం రిజర్వ్ చేయబడింది. అదే సమయంలో ఐపీఓ ధరలో ఉద్యోగులకు రూ.45 తగ్గింపు ఇస్తోంది. 10% వాటా ఎల్‌ఐసి పాలసీదారులకు రిజర్వ్ చేయబడింది. పాలసీదారులకు ఒక్కో షేరుపై రూ.60 తగ్గింపు ఇస్తోంది. ఇందులో లాట్ పరిమాణం 15 షేర్లు. పెట్టుబడిదారులు గరిష్టంగా 14 లాట్‌లకు వేలం వేయవచ్చు.

షేర్‌పై రూ.400 వరకు లాభం పొందవచ్చు

బ్రోకరేజ్ రీసెర్చ్ హౌస్ IIFL నిపుణుల అభిప్రాయం ప్రకారం, LIC IPO  లిస్టింగ్ 1300 నుండి 1400 రూపాయల వరకు ఉంటుందని అంచనా వేశారు. LIC  IPO యొక్క ఇష్యూ ధర ఒక్కో షేరుకు రూ. 902-949గా నిర్ణయించగా, ఈ నేపథ్యంలో లిస్టింగ్‌తో పాటు ఐపీఓను కేటాయించిన ఇన్వెస్టర్లు ఒక్కో షేరుపై 300 నుంచి 400 రూపాయల వరకు లాభాలు ఆర్జించవచ్చని నిర్ణయించారు.