ఎల్‌ఐ‌సి కొత్త ధన్ రేఖ పాలసీ: ఈ మనీ బ్యాక్ ప్లాన్ గురించి కొన్ని ప్రత్యేక విషయాలు తెలుసుకోండి

చాలా కాలం తర్వాత లైఫ్ ఇన్సూరెన్స్(life insurance) కార్పొరేషన్ ఆఫ్ ఇండియా అంటే LIC కస్టమర్ల కోసం కొత్త పాలసీని తీసుకొచ్చింది. విశేషమేమిటంటే, ఈ ప్లాన్ మీకు మనీ బ్యాక్‌తో పాటు 100% మెచ్యూరిటీని కూడా అందిస్తుంది. ధన్ రేఖ పేరుతో ఎల్‌ఐసీ ఈ ప్లాన్‌ను ప్రారంభించింది. అలాగే దీని ప్లాన్ నంబర్ 863 అవుతుంది. 

ఎక్కడైనా పెట్టుబడి పెట్టే ముందు సామాన్యుడికి కొన్ని కోరికలు ఉంటాయి. దీన్ని దృష్టిలో ఉంచుకుని ఎల్‌ఐసీ ధన్ రేఖ(dhan rekha) పాలసీని మార్కెట్లోకి విడుదల చేసింది. ఈ ప్లాన్ మీకు 125% వరకు హామీ మొత్తాన్ని అందిస్తుంది. దీనితో పాటు సింగిల్ అండ్ లిమిటెడ్ ప్రీమియం అనే రెండు రకాల ప్రీమియం చెల్లించే అవకాశం కూడా ఇందులో ఇచ్చింది. స్టాక్ మార్కెట్‌తో అనుసంధానం కాకపోవడం వల్ల అందులో రిస్క్ కూడా తక్కువే. చాలా తక్కువ రిస్క్‌తో లభించే ధన్ రేఖ ప్లాన్ ప్రత్యేకత గురించి  తెలుసుకుందాం..

ఎల్‌ఐ‌సి కొత్త  పాలసీ ప్రత్యేకత ఏమిటి
ఈ రకమైన మనీ బ్యాక్ ప్లాన్‌లో ప్రయోజనాలు సాధారణంగా రెండు సందర్భాల్లో ఇవ్వబడతాయి. మొదటిది 'సర్వైవల్ బెనిఫిట్' (survival benefit)అంటే మెచ్యూరిటీ తేదీ వరకు పాలసీదారు జీవించి ఉండటం అలాగే రెండవది 'డెత్ బెనిఫిట్' (death benefit).

ఎల్‌ఐ‌సి ధన్ రేఖ సర్వైవల్ ప్రయోజనాలు
20 సంవత్సరాల పాలసీ - 10వ అండ్ 15వ సంవత్సరం చివరిలో హామీ మొత్తంలో 10%. 20వ సంవత్సరంలో 6వ సంవత్సరం నుండి 20వ సంవత్సరం వరకు 1,000 సమ్ అష్యూర్డ్‌కు రూ.50 చొప్పున సమ్ అష్యూర్డ్ + గ్యారెంటీడ్ అడిషన్ ఇవ్వబడుతుంది. అయితే 1 నుండి 5వ సంవత్సరానికి GA లేదు.

30 సంవత్సరాల పాలసీ - 15వ, 20వ అలాగే 25వ సంవత్సరం చివరిలో హామీ మొత్తంలో 15%. 30వ సంవత్సరంలో 6 నుండి 20 సంవత్సరాల వరకు సమ్ అష్యూర్డ్ + రూ. 1,000 సమ్ అష్యూర్డ్‌కు రూ.50 అదనపు హామీ ఇవ్వబడుతుంది. 21 నుండి 30వ సంవత్సరం వరకు 1,000 సమ్ అష్యూర్డ్‌కు రూ.55 చొప్పున GA ఇవ్వబడుతుంది.

40 సంవత్సరాల పాలసీ - 20వ, 25వ, 30వ ఇంకా 35వ సంవత్సరాల ముగింపులో హామీ మొత్తంలో 20%. 40వ సంవత్సరంలో 6 నుండి 20 సంవత్సరాల వరకు సమ్ అష్యూర్డ్ + రూ.1,000 సమ్ అష్యూర్డ్‌కు రూ.50 ఇవ్వబడుతుంది. 21 నుండి 30వ సంవత్సరం వరకు, 1,000 సమ్ అష్యూర్డ్‌కు రూ.55 చొప్పున GA ఇవ్వబడుతుంది. గత 31 నుండి 40 సంవత్సరాల కాలానికి GA 1000 సమ్ అష్యూర్డ్‌కు రూ. 60గా లెక్కించబడుతుంది.

ఎల్‌ఐ‌సి ధన్ రేఖ డెత్ బెనిఫిట్
ఒక వ్యక్తి గడువులోపు మరణిస్తే, నామినీకి బోనస్‌తో పాటు హామీ మొత్తంలో 125% అందించబడుతుంది. మరోవైపు వ్యక్తి ఎల్‌ఐ‌సి ధన్ రేఖ పాలసీలో లిమిటెడ్ ప్రీమియం చెల్లిస్తున్నట్లయితే వార్షిక ప్రీమియంకు 7 రెట్లు లేదా బీమా మొత్తంలో 125%, ఏది ఎక్కువైతే అది బోనస్‌తో పాటు నామినీకి ఇవ్వబడుతుంది.

 ఈ పాలసీ వల్ల ఎవరు ప్రయోజనం పొందుతారు
ఎల్‌ఐ‌సి ధన్ రేఖ పాలసీ ప్రకారం 40 సంవత్సరాల వ్యవధిలో కనీస వయస్సు 90 రోజులు అలాగే గరిష్ట వయస్సు 55 సంవత్సరాలు. 30 సంవత్సరాల వ్యవధిలో కనీస వయస్సు 2 సంవత్సరాలు అలాగే గరిష్ట వయస్సు 45 సంవత్సరాలు. అదే సమయంలో కనిష్ట వయస్సు 3 సంవత్సరాలు అండ్ గరిష్ట వయస్సు 20 సంవత్సరాల వ్యవధిలో 35 సంవత్సరాలు. దీని కింద భారతీయులెవరైనా ఈ పాలసీని పొందవచ్చు.