KTM Electric Bike: కేటీఎమ్ నుంచి ఎల‌క్ట్రిక్ బైక్ వ‌చ్చేస్తోంది.. 100 కిలోమీట‌ర్ల మైలేజ్‌తో

ప్రపంచవ్యాప్తంగా ద్విచక్ర వాహన కంపెనీలన్నీ ఎలక్ట్రిక్ వాహన విభాగంలోకి అడుగుపెడుతున్నాయి. KTM కూడా ఎలక్ట్రిక్ బైక్ తీసుకొచ్చేందుకు సన్నాహాలు చేస్తోంది.

Image Credit : KTM

పెరుగుతోన్న ఈవీ మార్కెట్

ప్రపంచవ్యాప్తంగా ద్విచక్ర వాహన కంపెనీలన్నీ ఎలక్ట్రిక్ వాహన విభాగంలోకి అడుగుపెడుతున్నాయి, ఎలక్ట్రిక్ స్కూటర్లు విడుదల చేస్తున్నాయి. చాలా కంపెనీలు ఇప్పుడు ఎలక్ట్రిక్ మోటార్ సైకిళ్లపై దృష్టి పెడుతున్నాయి. గత కొన్నేళ్లుగా ప్రీమియం ద్విచక్ర వాహన బ్రాండ్ KTM ఎలక్ట్రిక్ బైక్‌ విడుదల చేయాలని ప్లాన్ చేస్తున్నట్లు వార్తలు వస్తున్నాయి.

Image Credit : Bikewale

ప్రస్తుతం టెస్టింగ్ స్టేజ్

ఇప్పుడు దీని గురించి కొత్త సమాచారం బయటకు వచ్చింది. KTM మొదటి ఎలక్ట్రిక్ బైక్ ఆస్ట్రియాలో టెస్టింగ్ స్టేజ్‌లో ఉందని తెలుస్తోంది. ఇది KTMకి చెందిన ప్రముఖ మోడల్ డ్యూక్ ఆధారంగా రూపొందిస్తున్నారు. దీంతో KTM ఈ-డ్యూక్ త్వరలోనే విడుదల చేయ‌నుంద‌నే వార్తలు వస్తున్నాయి.

Image Credit : Bikewale

డిజైన్ ఎలా ఉండ‌నుందంటే

KTM మొదటి ఎలక్ట్రిక్ మోటార్ సైకిల్‌ను అధునాత‌న డిజైన్‌తో తీసుకొస్తున్నారు. కంపెనీ సిగ్నేచర్ కలర్ ఆప్షన్ లో కూడా వస్తుంది. కొత్త సబ్ ఫ్రేమ్, షార్ప్ బాడీవర్క్, మెరుగైన హెడ్ ల్యాంప్ డిజైన్, మోటోజిపి ప్రేరణ పొందిన ఎయిర్ స్కూప్, కూల్ 3D ప్రింటెడ్ సీట్ వంటి లుక్స్‌తో తీసుకొచ్చేందుకు స‌న్నాహాలు చేస్తున్న‌ట్లు తెలుస్తోంది.

Image Credit : Bikewale

ఫీచ‌ర్లు ఎలా ఉండ‌నున్నాయంటే.?

ఈ బైక్‌లో 5.5 కేడ‌బ్ల్యూహెచ్ కెపాసిటీ బ్యాట‌రీని ఇవ్వ‌నున్నార‌ని స‌మాచారం. ఒక్క‌సారి ఛార్జ్ చేస్తే 100 కిలోమీట‌ర్లు నాన్‌స్టాప్‌గా దూసుకెళ్లొచ్చు. ఈ-డ్యూక్ లో 10kW పవర్ ఎలక్ట్రిక్ మోటార్ ఉండ‌నుంది. అయితే, దీని పవర్ లెవల్, పనితీరు గురించి క‌చ్చిత‌మైన స‌మాచారం అందుబాటులో లేదు. ఫాస్ట్ ఛార్జింగ్, ఇంటిగ్రేటెడ్ ఛార్జింగ్ కేబుల్, వైడ్ హ్యాండిల్ బార్, 4.3 ఇంచ్ TFT డిస్‌ప్లే వంటి అనేక ఫీచర్లు ఉండ‌నున్నాయ‌ని తెలుస్తోంది

Image Credit : Bikewale

కేటీఎమ్‌కు బ‌జాజ్ స‌హాయం

ఆర్థిక ఇబ్బందుల నుంచి బయటపడటానికి బజాజ్ ఆటో ఇటీవల KTM కి చాలా సహాయం చేసింది. ఇది భారతీయ, ప్రపంచ ద్విచక్ర వాహన మార్కెట్ లో గణనీయమైన ప్రభావాన్ని చూపుతుంది, భారతదేశంలో తయారైన ఉత్పత్తులకు డిమాండ్ పెరుగుతోంది. అందువల్ల, భవిష్యత్తులో KTM ఎలక్ట్రిక్ బైక్ భారతదేశంలోనే తయారయ్యే అవ‌కాశాలు ఉన్నాయ‌ని తెలుస్తోంది.