renault kiger facelift: రెనాల్ట్ కైగర్ ఫేస్ లిఫ్ట్ ఫీచర్లు ఎంత బాగున్నాయో చూశారా?

 renault kiger facelift: ఇండియాలో తక్కువ ధరలో లభించే ఆటోమేటిక్ SUV కారు ఏదంటే వెంటనే గుర్తొచ్చేది రెనాల్ట్ కైగర్. ఇప్పుడు ఈ కారు ఫేస్‌లిఫ్ట్ మోడల్ తయారవుతోంది. దీని కొత్త ఫీచర్లు, ధర తదితర వివరాలు తెలుసుకుందాం రండి.

రెనాల్ట్ కైగర్ ఫేస్‌లిఫ్ట్ మొదటిసారిగా కొత్త రూపంలో కనిపించింది. ఈ కారు నాణ్యతను మెరుగుపరచడానికి కొన్ని కాస్మెటిక్ మార్పులు, కొన్ని ఇంటీరియర్ మార్పులు కూడా చేశారని సమాచారం.

నిస్సాన్ కంపెనీ మాగ్నైట్ ఫేస్‌లిఫ్ట్ చిన్న మార్పులు చేసి, మెరుగైన ఇంటీరియర్‌తో అక్టోబర్ 2024లో విడుదల చేసింది. ఇదే కేటగిరీకి చెందిన రెనాల్ట్ కైగర్ ఫేస్‌లిఫ్ట్‌ కూడా కొన్ని అప్డేటెడ్ మార్పులతో వినియోగదారుల ముందుకు రానుంది.

రెనాల్ట్ కైగర్ ఫేస్‌లిఫ్ట్ డిజైన్

రెనాల్ట్ కైగర్ లో పూర్తి మార్పులు ఏమీ లేవు. ముందు, వెనుక బంపర్ మాత్రమే కొత్తగా కనిపిస్తున్నాయి. చక్రాలు, సైడ్ వివరాలు, హెడ్‌లైట్లు, టెయిల్ ల్యాంప్‌లు అలాగే ఉన్నాయి. రెనాల్ట్ లోగో కొత్తగా కనిపిస్తోంది. ఇంకా కొన్ని మార్పులు చేసే అవకాశాలు ఉన్నాయి. మరికొన్ని రంగుల్లో కైగర్ మార్కెట్ లోకి రావచ్చని టెక్ నిపుణులు అంచనా వేస్తున్నారు. 

ఇంటీరియర్ & ఫీచర్లు

రెనాల్ట్ కైగర్ ఫేస్‌లిఫ్ట్ కొత్త ఇంటీరియర్‌తో వస్తుంది. కైగర్ లో చౌకైన ప్లాస్టిక్ భాగాలను తొలగించి క్యాబిన్‌లో మృదువైన టచ్ మెటీరియల్‌లను ఏర్పాటు చేస్తారట. అదనంగా లైటింగ్ మెరుగు పరిచే ఫీచర్స్ ను జోడిస్తున్నారు. ఈ మార్పులు లోపల బిల్డ్ క్వాలిటీని మెరుగుపరుస్తాయి.

నిస్సాన్ మాగ్నైట్ మాదిరిగానే కైగర్ రిమోట్ స్టార్ట్, ఆటోమేటిక్ హెడ్‌ల్యాంప్‌లు, కూల్డ్ గ్లోవ్ బాక్స్, ఆటో డిమ్మింగ్ తదితర ఫీచర్లతో వస్తుంది. 

రెండు ఇంజన్ కెపాసిటీలు

రెనాల్ట్ కైగర్ రెండు పవర్‌ట్రెయిన్ ఆప్షన్‌లను కలిగి ఉంది. అవి 1.0-లీటర్ టర్బో పెట్రోల్ ఇంజన్ (99bhp & 152Nm), 1.0-లీటర్ NA పెట్రోల్ ఇంజన్ (71bhp & 96Nm). టర్బో పెట్రోల్ వేరియంట్ 5-స్పీడ్ MT లేదా CVT గేర్‌బాక్స్‌ను ఉపయోగించారు. 

ధరల నిర్ణయం 

రెనాల్ట్ కైగర్ ప్రస్తుతం రూ.7.16 లక్షల నుంచి రూ.13.30 లక్షల వరకు (ఆన్-రోడ్) ధరను కలిగి ఉంది. ఫేస్‌లిఫ్ట్‌లో చేసిన మార్పులకు అనుగుణంగా రెనాల్ట్ ధరను కొద్దిగా పెంచవచ్చు.