మొబైల్ నెట్వర్క్ సరిగ్గా లేదా? ఇలా సింపుల్గా కొత్త నెట్వర్క్ లోకి మారిపోండి
మీ మొబైల్ నెట్వర్క్ సరిగ్గా లేక ఇబ్బంది పడుతున్నారా? మీరున్న చోట సిగ్నల్ ప్రాబ్లమ్ ఎక్కువగా ఉందా? అయితే సింపుల్ విధానంలో మీ మొబైల్ నెంబర్ను పోర్ట్ చేసుకోవడం ఎలాగో ఇక్కడ తెలుసుకుందాం రండి.
మొబైల్ నెంబర్ పోర్ట్
సాధారణంగా మారుమూల గ్రామాల్లో కొన్ని నెట్వర్క్ కు మాత్రమే సరైన సిగ్నల్స్ ఉంటాయి. కొన్ని చోట్ల ఎయిర్ టెల్, జియో సిగ్నల్స్ ఎక్కువగా ఉంటే, కొన్ని చోట్ల బీఎస్ఎన్ఎల్, వోడాఫోన్-ఐడియా నెట్వర్క్ సిగ్నల్స్ ఎక్కువగా ఉంటాయి. ఇలాంటప్పుడు తక్కువ సిగ్నల్స్ ఉన్న నెట్వర్క్ వినియోగదారుల అవస్థలు వర్ణనాతీతంగా ఉంటాయి. ఈ సమస్య నుంచి బయటపడాలంటే మీరు మొబైల్ నెంబర్ పోర్టబిలిటీ చేసుకోవాలి.
మొబైల్ నెంబర్ మార్చకుండానే నెట్వర్క్ మార్చుకోవడాన్ని మొబైల్ నెంబర్ పోర్టబిలిటీ అంటారు. ఉదాహరణకు మీరు BSNL నెట్వర్క్ను ఉపయోగిస్తుంటే Airtel, Jio లేదా Vi లో ఏ నెట్వర్క్ లోకైనా మారవచ్చు. మీ మొబైల్ నెంబర్ను మార్చకుండానే ఈ ప్రాసెస్ చేయవచ్చు.
పోర్టబిలిటీ రిక్వెస్ట్
మీరు నంబర్ పోర్టబిలిటీ చేయాలనుకుంటే మీ ఫోన్లో మెసేజింగ్ యాప్ను ఓపెన్ చేయండి.
PORT అని టైప్ చేసి ఒక స్పేస్ ఇచ్చి మీ 10 అంకెల మొబైల్ నెంబర్ను నమోదు చేయండి.
ఈ Msgని 1900కి SMS ద్వారా పంపండి.
వెంటనే మీకు SMS ద్వారా యూనిక్ పోర్టింగ్ కోడ్ (UPC) వస్తుంది. ఈ కోడ్ వ్యాలిడిటీ 4 రోజులు.
కొత్త ఆపరేటర్ స్టోర్కు వెళ్లండి
తర్వాత మీరు ఏ నెట్వర్క్ లోకి మారాలనుకుంటున్నారో ఆ స్టోర్ కి వెళ్లండి. అంటే BSNL, Airtel, Jio, Vi స్టోర్కి వెళ్లండి. మీ ఆధార్ కార్డు, ఓటరు ఐడి లేదా ప్రభుత్వం జారీ చేసిన ఏదైనా ఐడి కాపీని సిబ్బందికి ఇవ్వండి. పాస్పోర్ట్ సైజు ఫోటో ఇచ్చి, మీకు మెసేజ్ రూపంలో వచ్చిన యూనిక్ పోర్టింగ్ కోడ్ (UPC)ని స్టోర్ సిబ్బందికి చెప్పండి.
పోర్టింగ్ ఫారమ్ సమర్పించండి
కొత్త ఆపరేటర్ అందించిన కస్టమర్ అప్లికేషన్ ఫారమ్ (CAF) తీసుకొని వివరాలు పూర్తి చేయండి. ఆ నెట్వర్క్ లో మీకు నచ్చిన మొబైల్ ప్లాన్ను ఎంచుకోండి. సిబ్బంది మీకు కొత్త సిమ్ కార్డ్ ఇస్తారు. మీ దగ్గర ఉన్న పాత సిమ్ కార్డు మాక్సిమం 4 రోజుల లోపు పనిచేయడం మానేస్తుంది. అప్పుడు కొత్త సిమ్ కార్డు వేసి మొబైల్ స్విచ్ ఆన్ చేయండి. కొత్త నెట్వర్క్ సేవలు ఆనందించండి.