Honda Activa EV: ఒక్క ఛార్జ్‌తో 190 కి.మీ ప్రయాణించే హోండా యాక్టివా ఈవీ విడుదల ఎప్పుడో తెలుసా?

ప్రస్తుతం ఎలక్ట్రిక్ స్కూటర్లపై దేశవ్యాప్తంగా అవగాహన పెరుగుతోంది. ప్రపంచవ్యాప్తంగా మార్కెట్ ఉన్న కంపెనీలు కూడా ఎలక్ట్రిక్ వెర్షన్స్ తీసుకువస్తున్నాయి. ఎలక్ట్రిక్ స్కూటర్లకు పేరు పొందిన ఓలాకు పోటీగా అనేక కంపెనీలు తమ ఈవీలను రిలీజ్ చేస్తున్నాయి. పెట్రోల్ వేరియంట్ స్కూటర్లలో ఇండియాలో టాప్ లో ఉన్న హోండా యాక్టివా కూడా ఎలక్ట్రిక్ వెహికల్స్ తయారు చేస్తూ కంపెనీలకు పోటీ ఇస్తోంది. హోండా యాక్టివా ఈవీ అప్‌డేట్ ఫీచర్లు, బ్యాటరీ, ధర గురించి వివరాలు ఇక్కడ ఉన్నాయి. 

హోండా యాక్టివా ఈవీ అప్‌డేట్ ఫీచర్లు

హోండా యాక్టివా ఈవీ అనేక ఆధునిక ఫీచర్లను కలిగి ఉంటుంది. ఇది డిజిటల్ స్పీడోమీటర్, డిజిటల్ ఇన్‌స్ట్రుమెంట్ క్లస్టర్, ఓడోమీటర్ వంటి స్మార్ట్ ఫీచర్లను కలిగి ఉంటుంది. ఇది కాకుండా ప్రయాణికుల భద్రతను దృష్టిలో ఉంచుకుని ముందు డిస్క్ బ్రేక్, వెనుక డ్రమ్ బ్రేక్ అమర్చారు.

అంతేకాకుండా ఎల్ఈడీ హెడ్‌లైట్లు, ఇండికేటర్లు, ట్యూబ్‌లెస్ టైర్లు, అల్లాయ్ వీల్స్ వంటి ఫీచర్లను కలిగి ఉండటం వల్ల మరింత ఆకర్షణీయంగా ఈ స్కూటర్ ఉండనుంది. 

బ్యాటరీ, మైలేజ్

హోండా యాక్టివా ఈవీలో బలమైన బ్యాటరీ ప్యాక్ అమర్చారు. కంపెనీ 3.4 kWh సామర్థ్యం కలిగిన బ్యాటరీని ఇందులో ఉపయోగిస్తోంది. ఇందులో 6 కిలోవాట్ల పికప్ పవర్ కలిగిన ఎలక్ట్రిక్ మోటార్ ఉంటుంది. అందువల్ల స్కూటర్‌ మంచి పనితీరును కనబరుస్తుంది. యాక్టివా ఈవీ ఒకసారి ఛార్జ్ చేస్తే 190 కిలోమీటర్ల వరకు ప్రయాణించగలదు.

ధర, విడుదల తేదీ

హోండా యాక్టివా ఈవీ విడుదల, ధర గురించిన అధికారిక సమాచారాన్ని కంపెనీ ఇంకా వెల్లడించలేదు. కానీ నివేదికల ప్రకారం ఈ ఎలక్ట్రిక్ స్కూటర్ ఈ ఏడాది ఆగస్టు నెలలో మార్కెట్లోకి రావచ్చని అంచనా. దీని ధర సుమారు రూ. 1 లక్షగా ఉండవచ్చు. ఇది మధ్యతరగతి ప్రజలకు అనుకూలమైన వాహనంగా ఉంటుంది.

మార్కెట్ పరిస్థితి

హోండా యాక్టివా ఈవీ దాని ప్రీమియం డిజైన్, అప్‌డేట్ ఫీచర్ల కారణంగా వినియోగదారుల దృష్టిని ఆకర్షిస్తోంది. కంపెనీ బ్రాండ్ విలువ, దాని విశ్వసనీయత ఇతర పోటీ ఎలక్ట్రిక్ స్కూటర్ల మధ్య బలమైన పోటీదారుగా చేస్తుంది. భారతీయ మార్కెట్లో ప్రస్తుతం అనేక కంపెనీలు ఎలక్ట్రిక్ స్కూటర్లను అందిస్తున్నాయి. కానీ సుదీర్ఘ చరిత్ర, నాణ్యత కారణంగా హోండా యాక్టివా పేరు ప్రత్యేకంగా నిలుస్తుందని మార్కెట్ నిపుణులు అంచనా వేస్తున్నారు.