Lunar Eclipse: మనదేశంలో చంద్రగ్రహణం స్పష్టంగా కనిపించే నగరాలు ఇవే
Lunar Eclipse: ఈరోజే చంద్రగ్రహణం. మార్చి 3 2026న కొత్త ఏడాదిలో మొదటి చంద్రగ్రహణం సంభవించబోతోంది. ఇది బ్లడ్ మూన్. అంతేకాదు సంపూర్ణ గ్రహణం కూడా. ఈ గ్రహణం మన దేశంలో ఎక్కడ చూడవచ్చ్ తెలుసుకోండి.
నేడే చంద్రగ్రహణం
2026లో అడుగు పెట్టాక మొదటి చంద్రగ్రహణం మార్చి 3వ తేదీన సంభవించబోతోంది. జ్యోతిష్య శాస్త్రం చెబుతున్న ప్రకారం సూర్యగ్రహణం, చంద్రగ్రహణం రెండూ ముఖ్యమైనవి. మన భారతదేశంలో ఈరోజు సంభవించబోయే చంద్రగ్రహణం మనదేశంలో కూడా కనిపిస్తుంది. ఇప్పటికే సూతక కాలం మొదలైపోయింది. ఈరోజు ఉదయం 6.20 గంటలకే సూతక కాలం ప్రారంభమైంది.
చంద్రగ్రహణం టైమింగ్స్
మార్చి 3న ఏర్పడే ఈ గ్రహణం బ్లడ్ మూన్ గా చెబుతున్నారు సైంటిస్టులు. అలాగే సంపూర్ణ చంద్రగ్రహణంగా వ్యవహరిస్తున్నారు జ్యోతిష్కులు. భారతదేశంలోని కొన్ని నగరాల్లో ఈ చంద్రగ్రహణం కనిపిస్తుంది. భారత కాలమానం ప్రకారం చంద్రగ్రహణం ఈరోజు మధ్యాహ్నం 3.20 గంటలకు ప్రారంభమై సాయంత్రం 6:46 గంటలకు ముగుస్తుంది. మొత్తం గ్రహణం 3 గంటల 27 నిమిషాలు ఉంటుంది. 5.33 నిమిషాలకు గరిష్ట స్థాయికి చేరుకుంటుంది. ఉత్తర భారత దేశంలో చంద్రగ్రహణం మొత్తం 20 నిమిషాల 28 సెకండ్ల పాటు కనిపిస్తుంది. ఇక ఈశాన్య రాష్ట్రాల్లో ఈ గ్రహణం 59 నిమిషాల పాటు కనిపిస్తుంది.
ఏ నగరాల్లో చంద్రగ్రహణం కనిపిస్తుంది?
కొత్త ఏడాదిలో వచ్చిన ఈ మొదటి చంద్రగ్రహణం మన భారతదేశంలో ఢిల్లీతో పాటు, లక్నో, కోల్కతా, భోపాల్, చెన్నై, పాట్నా, బెంగుళూరు, కాన్పూర్, హైదరాబాద్ నగరాలలో కనిపించే అవకాశం ఉంది. ఇక అరుణాచల్ ప్రదేశ్, అసోం, సిక్కిం వంటి ఈశాన్యా రాష్ట్రాల్లో మాత్రం సంపూర్ణ చంద్రగ్రహణం కనిపిస్తుంది.
గ్రహణం సమయంలో ఆహారం వండడం, తినడం వంటివి చేయకూడదని చెబుతారు. అలాగే శుభ కార్యక్రమాలు కూడా మొదలు పెట్టకూడదు. గర్భిణీ స్త్రీలు ప్రత్యేక జాగ్రత్తలు తీసుకోవాలి. గ్రహణం పట్టినంత సేపు దేవుని నామాన్ని జపిస్తూ ధ్యానం చేయాలి. ఈ గ్రహణం స్నానం చేయాలి. ఇంటిని శుద్ధి చేసుకోవాలి.
