రూ. 10 ఖర్చుతో 100 కి.మీ. మైలేజ్ ఇచ్చే ఎలక్ట్రిక్ సైకిల్ ఇదిగో..

మీకు సైక్లింగ్ ఇష్టమా? రోజువారీ మీ పనులు చేసుకోవడానికి, ప్రయాణాలకు అనువైన సైకిల్ కోసం చూస్తున్నారా? అయితే మీకు పర్ఫెక్ట్ గా సరిపోయే సైకిల్ ఏంటంటే హీరో లెక్ట్రో H5 ఎలక్ట్రిక్ సైకిల్. ఇది తక్కువ ధరకే లభిస్తోంది. ఈ సైకిల్ గురించి మరిన్ని వివరాలు ఇక్కడ తెలుసుకుందాం రండి. 

సైక్లింగ్ ఆరోగ్యానికి చాలా మంచిదని డాక్టర్లు చెబుతున్నారు. ప్రతి రోజు వాకింగ్ చేయడం వల్ల కూడా అనారోగ్య సమస్యలు దరి చేరవని అంటున్నారు. అయితే ప్రస్తుతం ఉన్న బిజీ లైఫ్ లో నడిచి పనులు చేసుకొనే పరిస్థితి ఉండదు. అందుకే కనీసం సైక్లింగ్ చేయడం వల్ల మన పనులు అవుతాయి. ఆరోగ్యంగా కూడా ఉండొచ్చు. మరి ఎలాంటి సైకిల్ ఉపయోగిస్తే మంచిది అంటే ఫెడలింగ్ ఉన్న ఎలక్ట్రిక్ సైకిల్ బెటర్ అని నిపుణులు చెబుతున్నారు. అలాంటి సైకిల్ ని హీరో కంపెనీ తీసుకొచ్చింది. 

మీరు ప్రతిరోజూ రెగ్యులర్ గా తక్కువ దూరం ప్రయాణించాల్సి వస్తే బైక్ కంటే ఎలక్ట్రిక్ సైకిల్ మంచిదని నిపుణులు చెబుతున్నారు. రోజూ సైక్లింగ్ చేయడం వల్ల గుండె పనితీరు మెరుగవుతుందని డాక్టర్లు చెబుతున్నారు. మీ ఆరోగ్యాన్ని కాపాడుతూ మీ పనులు కూడా జరిగేలా చేసే హీరో లెక్ట్రో H5 ఎలక్ట్రిక్ సైకిల్ మీకు కచ్చితంగా నచ్చుతుంది. దీని ధర కేవలం రూ.28,999.

దీని బ్యాటరీని ఒక్కసారి చార్జ్ చేస్తే 30 కి.మీ. వరకు వెళ్తుంది. సిటీస్ లో ఉన్న వారు తమ ఆఫీసులకు వెళ్లాలన్నా ఈ ఎలక్ట్రిక్ సైకిల్ బాగా ఉపయోగపడుతుంది. దీని వల్ల పొల్యూషన్ సమస్య ఉండదు. ట్రాఫిక్ లో ఇరుక్కోవడం లాంటి ఇబ్బందులు కూడా ఉండవు. 

హీరో లెక్ట్రో H5 ఎలక్ట్రిక్ సైకిల్ మాక్సిమం స్పీడ్ 25 కి.మీ./గం. కాబట్టి దీనికి రిజిస్ట్రేషన్, డ్రైవింగ్ లైసెన్స్ అవసరం లేదు. నగరాల్లో రోజు వారీ పనులు చేసుకోవడానికి ఇది బాగా ఉపయోగపడుతుంది. చిన్న దూర ప్రయాణాలకు కూడా ఇది చాలా బాగుంటుంది. ఇది స్టూడెంట్స్ కి చాలా మంచి ఆప్షన్ అవుతుంది. ట్రాఫిక్ సమస్య లేకుండా టైమ్ కి స్కూళ్లకి, కాలేజీలకు వెళ్లడానికి ఉపయోగపడుతుంది.

రోజూ బ్యాటరీని చార్జ్ చేసుకుంటూ ఉంటే ఇక ఎలాంటి సమస్య ఉండదు. ట్రాఫిక్‌లో ఆలస్యమైనా, బ్యాటరీ పూర్తిగా డిశ్ఛార్జ్ కాదు. ఈ సైకిల్‌లో 36V 5.8Ah లిథియం-అయాన్ బ్యాటరీ ఉంది. 

హీరో లెక్ట్రో ఎలక్ట్రిక్ సైకిల్ 4 గంటల్లో పూర్తిగా చార్జ్ అవుతుంది. అయితే సైకిల్ నుండి బ్యాటరీని తీయలేము. సైకిల్ తో పాటే ఛార్జింగ్ పెట్టాలి. ఈ సైకిల్ బ్యాటరీతో పాటు పెడల్ చేస్తే 40 కి.మీ. మైలేజీ ఇస్తుంది. హీరో లెక్ట్రో హెచ్5 ధర మార్కెట్ లో రూ.28,999 గా ఉంది. Hero Lectro H5 కోసం రెండు రంగులు అందుబాటులో ఉన్నాయి. అవి ఆరెంజ్ గ్రాఫిక్స్‌తో టీల్ ఒకటి, మరొకటి నియాన్ గ్రీన్ గ్రాఫిక్స్‌తో వచ్చిన గ్రే కలర్ మోడల్. రెండూ చూడటానికి చాలా ఎట్రాక్టిక్ గా ఉంటాయి. 

ఈ సైకిల్ పూర్తిగా బ్యాటరీ మీద ఆధారపడి ప్రయాణిస్తే 25 కి.మీ. మైలేజీ ఇస్తుంది. దీనిలో LED డిస్ప్లే ఉంది. ఈ సైకిల్ నిర్వహణ ఖర్చు తక్కువ. 100 కి.మీ. ప్రయాణానికి ఛార్జింగ్ కోసం మీరు కేవలం రూ.10 వరకు ఖర్చు చేస్తే సరిపోతుంది.