నేడు స్వల్పంగా పెరిగిన పసిడి ధరలు.. హైదరాబాద్ లో బంగారం, వెండి ధర ఎంతంటే ?
నేడు సోమవారం దేశీయ మార్కెట్లో బంగారం ధరలు స్వల్పంగా పెరిగాయి. అయితే యుఎస్ డాలర్ బలోపేతం కావడం వల్ల లాభాలు పరిమితం అయ్యాయి. ఈ రోజు ఎంసిఎక్స్ పై గోల్డ్ ఫ్యూచర్స్ 0.19 శాతం ( 91 రూపాయలు) పెరిగి 10 గ్రాములకు 47,625 రూపాయలకు చేరుకుంది. వెండి గురించి మాట్లాడితే 0.22 శాతం (రూ. 145) పెరిగి కిలోకు రూ.67,169 వద్ద ఉంది.
Followగత ఒక వారంలో ఫిజికల్ బంగారం ధర 10 గ్రాములకు సుమారు రూ.600 తగ్గాయి, ఈ కాలంలో వెండి కిలోకు రూ .2,000 పడిపోయింది. యుఎస్ డాలర్ పతనం, పెరుగుతున్న కరోనా వైరస్ ఆందోళనలు, యుఎస్-చైనా ఉద్రిక్తతలు, సాంకేతిక సంస్థలపై చైనా అణిచివేత మధ్య బంగారం ధర పెరిగిందని కోటక్ సెక్యూరిటీస్ విపి హెడ్ కమోడిటీ రీసెర్చ్ రవీంద్ర రావు అన్నారు.
నేడు ప్రపంచ మార్కెట్లలో బంగారం ధర క్షీణించింది. స్పాట్ బంగారం ఔన్సు కు 0.1 శాతం తగ్గి 1,799.89 డాలర్లకు చేరుకుంది. అమెరికా గోల్డ్ ఫ్యూచర్స్ 0.2 శాతం తగ్గి 1798.90 డాలర్లకు చేరుకుంది. ఇతర విలువైన లోహాలలో వెండి 0.1 శాతం పెరిగి ఔన్సు 25.18 డాలర్లకు చేరుకుంది. పల్లాడియం 2671.77 ఇంకా ప్లాటినం 1061.55 వద్ద ఉన్నాయి. ఆగస్ట్ గోల్డ్ ఫ్యూచర్స్‌కి సంబంధించి ప్రారంభ సెషన్లో రూ.94.00 పెరిగి రూ.47628.00 వద్ద ట్రేడ్ అయింది. అక్టోబర్ గోల్డ్ ఫ్యూచర్స్ రూ.118.00 పెరిగి రూ.47902.00 వద్ద ట్రేడ్ అయింది. ఇక వెండికి సంబంధించి సెప్టెంబర్ సిల్వర్ ఫ్యూచర్స్ రూ.189.00 పెరిగి రూ.67213.00 వద్ద ట్రేడ్ అయింది. డిసెంబర్ సిల్వర్ ఫ్యూచర్స్ రూ.205.00 పెరిగి రూ.68380.00 వద్ద ట్రేడ్ అయింది.
పసుపు లోహం డిమాండ్ ని ప్రోత్సహించడానికి డీలర్లు భారతదేశంలో బంగారంపై భారీ తగ్గింపులను అందిస్తున్నారు. దేశంలో విలువైన లోహంపై డీలర్ డిస్కౌంట్ ఒక నెల గరిష్ట స్థాయికి చేరుకుందని నివేదికలు చెబుతున్నాయి.హైదరాబాద్ మార్కెట్లో సోమవారం బంగారం ధర నిలకడగానే ఉంది. దీంతో 10 గ్రాముల 24 క్యారెట్ల బంగారం ధరలో ఎలాంటి మార్పు లేదు. అయితే బంగారం ధర నేడు రూ.48,770 వద్ద ఉంది. 10 గ్రాముల 22 క్యారెట్ల బంగారం ధర రూ.44,700 వద్ద స్థిరంగా ఉంది.హైదరాబాద్‌లో వెండి ధర రూ.300 దిగొచ్చింది. దీంతో కేజీ వెండి ధర రూ.72,000 చేరింది.
ముంబైలో బంగారు ధర 22 క్యారెట్ల 10 గ్రాములకు రూ .46,870. చెన్నైలో 22 క్యారెట్ల 10 గ్రాముల బంగారం ధర రూ .45,060. ఢిల్లీలో 22 క్యారెట్ల 10 గ్రాముల బంగారం ధర రూ.46,850. కోల్‌కతాలో బంగారం ధర 22 క్యారెట్ల 10 గ్రాములకు రూ.47,250. బెంగళూరులో బంగారం ధర 22 క్యారెట్ల 10 గ్రాములకు రూ.44,700. హైదరాబాద్‌లో బంగారం ధర 22 క్యారెట్ల 10 గ్రాములకు రూ.44,700. కేరళలో బంగారం ధర 22 క్యారెట్ల 10 గ్రాములకు రూ.44,700. పూణేలో బంగారం ధర 22 క్యారెట్ల 10 గ్రాములకు రూ .46,180. ఉత్తర ప్రదేశ్ లక్నోలో బంగారం ధర 22 క్యారెట్ల 10 గ్రాములకు రూ.46,850. నాగ్‌పూర్‌లో బంగారం ధర 22 క్యారెట్ల 10 గ్రాములకు రూ .46,870.
జూన్ 2021తో ముగిసిన త్రైమాసికంలో ఇన్వెస్టర్లు గోల్డ్ ఎక్స్ఛేంజ్ ట్రేడెడ్ ఫండ్స్ (ఇటిఎఫ్) లో 1,328 కోట్ల రూపాయలు పెట్టుబడి పెట్టారు. ప్రస్తుత ఆర్థిక సంవత్సరంలో మిగిలిన నెలల్లో ఈ పెట్టుబడి ప్రవాహం కొనసాగుతుందని నిపుణులు భావిస్తున్నారు. ఈ ఏడాది జూన్ త్రైమాసికంలో, ఆర్థిక వ్యవస్థలో కోలుకోవాలనే అంచనాల మధ్య పెట్టుబడుల ప్రవాహం స్వల్పంగా తగ్గింది. అసోసియేషన్ ఆఫ్ మ్యూచువల్ ఫండ్స్ ఇన్ ఇండియా (ఏ‌ఎం‌ఎఫ్‌ఐ) డేటా నుండి ఈ సమాచారం లభించింది. గత ఏడాది ఇదే త్రైమాసికంలో గోల్డ్ ఈటీఎఫ్‌లలో పెట్టుబడి రూ .2,040 కోట్లుగా ఉంది. పెట్టుబడి ప్రవాహం తగ్గినప్పటికీ బంగారం ఇటిఎఫ్‌ల అసెట్స్ అండర్ మేనేజ్‌మెంట్ (ఎయుఎం) 2021 జూన్ చివరి నాటికి రూ .16,225 కోట్లకు పెరిగింది. 2020 జూన్ చివరి నాటికి ఎయుఎం రూ.10,857 కోట్లుగా ఉంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
![Jallikattu: Fierce Bull Taming Competition in [Location Name]](https://static-gi.asianetnews.com/images/external/image-9de2a7fa-2f0d-46c8-96ef-845e864a92dc_180x120xt.jpg "Jallikattu: Fierce Bull Taming Competition in [Location Name]")
