నిరాశ పరిచిన 2022 చివరి ఐపీవో, డిస్కౌంట్ ధరతో Elin Electronics IPO లిస్టింగ్..

ఎలిన్ ఎలక్ట్రానిక్స్ IPO పెట్టుబడిదారులను నిరాశపరిచింది. IPO డిస్కౌంటుతో లిస్ట్ అయ్యింది. అయితే ఈ IPOకి మంచి స్పందన లభించింది. దాదాపు 3.09 సార్లు సబ్ స్క్రయిబ్ అయ్యింది. ఐపీఓ ద్వారా కంపెనీ రూ.475 కోట్ల మూలధనాన్ని సమీకరించింది.

స్టాక్ ఎక్స్ఛేంజ్‌లో 2022 సంవత్సరం చివరి లిస్టింగ్ కూడా చాలా నిరుత్సాహకరంగా లిస్ట్ అయి నిరాశపరిచింది. ఎలక్ట్రానిక్స్ మాన్యుఫ్యాక్చరింగ్ సర్వీస్ ప్రొవైడర్ ఎలిన్ ఎలక్ట్రానిక్స్ లిస్టింగ్ IPO ధర కంటే తక్కువగా లిస్ట్ అయ్యింది. కంపెనీ స్టాక్ లిస్టింగ్ ఒక్కో షేరుకు రూ. 244 వద్ద అవ్వగా,  ఐపీఓలో కంపెనీ మార్కెట్ ధర రూ.247 వద్ద నిర్ణయించించింది. ప్రస్తుతం అల్లిన్ ఎలక్ట్రానిక్స్ షేరు 3 శాతం క్షీణతతో రూ.239 వద్ద ట్రేడవుతోంది. 

ఎలిన్ ఎలక్ట్రానిక్స్ స్టాక్ ఎక్స్ఛేంజ్‌లో రూ. 244 వద్ద లిస్ట్ అయ్యింది, అయితే కొద్దిసేపటికే స్టాక్ రూ.235.35 స్థాయికి పడిపోయింది. లిస్టింగ్ తర్వాత కంపెనీ మార్కెట్ క్యాప్ రూ.1177 కోట్ల స్థాయికి దిగజారింది. షేరు బుక్ వ్యాల్యూ రూ.111.68 కాగా, రూ.5 ముఖ విలువతో రూ.247 ఇష్యూ ధరతో కంపెనీ ఐపీఓలో నిధులను సమీకరించింది.

Ellin Electronics IPO (ఇనీషియల్ పబ్లిక్ ఆఫర్) కేవలం 3.09 సార్లు మాత్రమే సబ్‌స్క్రైబ్ చేయబడింది. చాలా బ్రోకరేజీ సంస్థలు ఈ IPO గురించి బుల్లిష్‌గా ఉన్నాయి కానీ ఈ IPO ఊహించిన దాని కంటే తక్కువ సబ్‌స్క్రైబ్ చేయబడింది.

నేషనల్ స్టాక్ ఎక్స్ఛేంజ్ డేటా ప్రకారం, కంపెనీ IPO 1,42,09,386 షేర్లకు మొత్తం 4,39,67,400 షేర్లకు బిడ్లను అందుకుంది. ఇన్‌స్టిట్యూషనల్ ఇన్వెస్టర్ల రిజర్వ్ కోటా 4.51 రెట్లు, నాన్ ఇన్‌స్టిట్యూషనల్ ఇన్వెస్టర్ల కోటా 3.29 రెట్లు సబ్‌స్క్రైబ్ చేయబడింది. రిటైల్ ఇన్వెస్టర్ల కోసం రిజర్వ్ చేసిన కోటా 2.20 రెట్లు సబ్‌స్క్రైబ్ చేయబడింది.

ఈ ఐపీఓ ద్వారా కంపెనీ మొత్తం రూ.475 కోట్లు సమీకరించింది. ఐపీఓ కింద రూ.175 కోట్ల విలువైన కొత్త షేర్లు జారీ చేయగా, ఆఫర్ ఫర్ సేల్ (ఓఎఫ్ఎస్) కింద రూ.300 కోట్లు విడుదలయ్యాయి. IPO డిసెంబర్ 20 నుండి డిసెంబర్ 22 వరకు దరఖాస్తుల కోసం తెరవబడింది.

ఎలిన్ ఎలక్ట్రానిక్స్ కంపెనీ అనేక ప్రధాన బ్రాండ్ల కోసం లైట్లు, ఫ్యాన్లు, హోం అప్లియెన్సస్ తయారు చేస్తుంది. కంపెనీ మెరుగైన ఆర్థిక ఫలితాలు, మంచి వ్యాపార నమూనా మరియు ఆకర్షణీయమైన వాల్యుయేషన్ కారణంగా, చాలా బ్రోకరేజ్ సంస్థలు IPOలో పెట్టుబడి పెట్టాలని పెట్టుబడిదారులకు సలహా ఇచ్చాయి.