రేపటి నుంచి సామాన్యులకు అందుబాటులో డిజిటల్ రూపాయి, వీటిని ఎక్కడ దాచుకోవాలి, బిట్ కాయిన్, డిజిటల్ రూపీ ఒకటేనా ?

డిసెంబరు 1న భారతదేశంలో డిజిటల్ రూపాయి లావాదేవీలు సామాన్యులకు అందుబాటులోకి రానున్నాయి. రిజర్వ్ బ్యాంక్ ప్రకారం, CBDC (central bank digital currency) అంటే సెంట్రల్ బ్యాంక్ డిజిటల్ కరెన్సీ, అంటే ఆర్బీఐ జారీ చేసిన లీగల్ టెండర్. ఇది ఆర్బీఐ జారీ చేసే కరెన్సీతో సమానం.  ఫిజికల్ రూపాయికి, CBDC డిజిటల్ రూపాయి మధ్య తేడా లేదని మీరు సాధారణ భాషలో అర్థం చేసుకోవచ్చు. డిజిటల్ కరెన్సీ లేదా CBDC లావాదేవీలు బ్లాక్‌చెయిన్ మద్దతు గల వాలెట్ల ద్వారా స్టోర్ చేసుకోవచ్చు.

 ప్రశ్న: మీరు ఇప్పుడు డిజిటల్ రూపాయలను ఎక్కడ ఉపయోగించగలరు?

జవాబు: ఇది పైలట్ ప్రాజెక్ట్, ఇది ఎంపిక చేసిన ప్రదేశాలలో మాత్రమే ప్రారంభం అవుతోంది. SBI, ICICI బ్యాంక్, యెస్ బ్యాంక్  IDFC ఫస్ట్ బ్యాంక్ డిజిటల్ రూపాయల రిటైల్ వినియోగానికి సంబంధించిన ఈ పరీక్షలో పాల్గొన్నాయి. తొలిదశలో ఢిల్లీ, ముంబై, బెంగళూరు, భువనేశ్వర్‌లలో టెస్ట్ ట్రయల్ నిర్వహిస్తారు. కస్టమర్లు డిజిటల్ వాలెట్ ద్వారా డిజిటల్ రూపాయలను లావాదేవీలు చేయవచ్చు.

ప్రశ్న: డిజిటల్ రూపాయలపై వడ్డీ ఉంటుందా?
జవాబు: బ్యాంకుల్లో పేపర్ నోట్లను ఉంచడంపై వడ్డీ లభిస్తుంది కానీ రిటైల్ డిజిటల్ రూపాయలపై కస్టమర్లు ఎలాంటి వడ్డీని పొందరు. అయితే బ్యాంకులో డిపాజిట్ చేస్తే వడ్డీ వస్తుంది. 

ప్రశ్న: షాపింగ్ చేసి ఏదైనా వస్తువులు కొనవచ్చా?
జవాబు: మీరు దుకాణదారుడి QR కోడ్‌ని ఉపయోగించి డిజిటల్ రూపాయలతో లావాదేవీలు చేయవచ్చు.

ప్రశ్న: డిజిటల్ మనీ మరింత సురక్షితంగా ఉంటుందా?
జవాబు: బ్యాంకులకు ఆర్‌బిఐ డిజిటల్ రూపాయిలను జారీచేస్తుంది. కాబట్టి ఇది చట్టబద్ధమైన టెండర్ అవుతుంది. పేపర్ నోట్లతో పోలిస్తే ఇది సురక్షితమైనది.

ప్రశ్న: డిజిటల్ రూపాయిలను జేబులో పెట్టుకోలేకపోతే,  వాటిని ఎక్కడ ఉంచుకోవాలి?
జవాబు: ఇది పూర్తిగా డిజిటల్ రూపంలో ఉంటుంది, బ్యాంకులు వాటిని స్టోర్ చేసుకోవడానికి వినియోగదారులకు డిజిటల్ వాలెట్లను అందిస్తాయి. మొబైల్ ఫోన్ లేదా ఇతర పరికరంలో నిల్వ చేయడం కూడా సురక్షితం.

ప్రశ్న: ఈ డిజిటల్ రూపాయి క్రిప్టో కరెన్సీ ఒకటేనా?
జవాబు: కాదు, ఈ డిజిటల్ రూపాయి క్రిప్టోకరెన్సీ కాదు. ఎందుకంటే క్రిప్టో కరెన్సీ విలువ ఎప్పుడూ పెరుగుతూనే ఉంటుంది. డిజిటల్ రూపాయిలో అలాంటిదేమీ లేదు. దీని విలువ రూపాయితో సమానం.