ప్రపంచంలోని అత్యంత ధనవంతుల పన్ను సమాచారం లీక్.. ఒక్క పైసా కూడా చెల్లించని అమెజాన్ సిఈఓ..
ప్రపంచంలోని అత్యంత ధనవంతుల జాబితాలోని అమెరికన్ బిలియనీర్లు అమెజాన్ సిఈఓ జెఫ్ బెజోస్, టెస్లా సిఈఓ ఎలోన్ మస్క్, వారెన్ బఫ్ఫెట్ ఆదాయపు పన్ను సంబంధిత సమాచారం బయటపడింది. అయితే ఈ-కామర్స్ సంస్థ అమెజాన్అధినేత జెఫ్ బెజోస్ 2007 అలాగే 2011లో ఒక్క రూపాయి కూడా పన్ను చెల్లించలేదని పేర్కొంది.
అలాగే టెస్లా సిఈఓ ఎలోన్ మస్క్ కూడా 2018లో పన్నుగా ఒక్క పైసా కూడా చెల్లించలేదని తెలిపింది. అమెరికన్ బిలియనీర్లు జెఫ్ బెజోస్, ఎలోన్ మస్క్, వారెన్ బఫ్ఫెట్ ఎంత ఆదాయపు పన్ను చెల్లిస్తున్నారో తెలియజేద్దాం ...
న్యూస్ వెబ్సైట్ ప్రో పబ్లికా అమెరికన్ బిలియనీర్ల పన్ను సమాచారాన్ని విడుదల చేసింది. ఇందులో ప్రపంచంలోని అత్యంత ధనవంతులు అతితక్కువ ఆదాయపు పన్ను చెల్లిస్తున్నారని పేర్కొంది. 2007 అలాగే 2011 సంవత్సరాల్లో జెఫ్ బెజోస్ ఆదాయపు పన్ను దాఖలు చేయలేదని, ఎలోన్ మస్క్ 2018 సంవత్సరంలో ఆదాయపు పన్నుగా ఎటువంటి మొత్తాన్ని చెల్లించలేదని ఈ వెబ్సైట్ ఆరోపించింది.
బిలియనీర్ల ఆదాయపు పన్నుపై ఇంటర్నల్ రివెన్యూ అనలైజ్ చేస్తున్నట్లు న్యూస్ వెబ్సైట్ ప్రో పబ్లికా తెలిపింది. రాబోయే వారాల్లో మరిన్ని వివరాలను కూడా విడుదల చేస్తామని వెబ్సైట్ తెలిపింది.
అమెరికా అత్యంత ధనవంతులైన 25 మంది పన్నులు వారి ఆదాయంలో సగటున 15.8 శాతం చెల్లిస్తున్నట్లు వెల్లడించింది. గత కొన్నేళ్లుగా వారి సంపద పెరిగినప్పటికీ, లా స్ట్రాటజీ ద్వారా ఆదాయపు పన్ను మొత్తాన్ని తగ్గిస్తున్నారని తెలిపింది. బిలియనీర్లు వారి ఆదాయపు పన్ను మొత్తాన్ని తగ్గించడానికి స్వచ్ఛంద, ఇతర సహాయక పనులలో ఖర్చులు చూపించి పన్ను చెల్లించకుండ డబ్బు ఆదా చేస్తున్నారని వెల్లడించింది.
ఈ వెబ్సైట్ ఫోర్బ్స్ మ్యాగజైన్ నుండి డేటాను ఉపయోగించుకుంది, అమెరికాలోని ధనవంతులైన 25 మంది సంపద 2014 నుండి 2018 వరకు 401 బిలియన్ డాలర్లు పెరిగిందని, అయితే ఈ కాలంలో వారు 13.6 బిలియన్ల డాలర్లు మాత్రమే ఆదాయపు పన్నుగా చెల్లించినట్లు వెల్లడించింది. వైట్ హౌస్ చెందిన ప్రతినిధి మాట్లాడుతూ "ఈ సమాచారాన్ని పంచుకోవడం "చట్టవిరుద్ధం" అని అన్నారు.
అమెరికా అధ్యక్షుడు జో బిడెన్ దేశంలో సమానత్వం కోసం టాక్స్ సేకరించడం, భారీ మౌలిక సదుపాయాల పెట్టుబడి కార్యక్రమం కోసం ఉద్దేశించిన చర్యలో భాగంగా అమెరికన్లపై పన్నులు పెంచాలని పిలుపునిచ్చారు. పెట్టుబడి కంటే ఎక్కువ సంపాదించే వారిపై పన్నును రెట్టింపు చేయాలని సూచించారు.