CNG price hike:రెండు నెలల్లో 13సార్లు పెరిగిన సి‌ఎన్‌జి ధర.. ఒక్క సంవత్సరంలో ఎంత పెరిగిందంటే..?

సిఎన్‌జి ధరలను పెంచే ప్రక్రియ ఆగడం లేదు. దేశరాజధాని ఢిల్లీలో మరోసారి సీఎన్‌జీ ధర కిలోకు రూ.2 పెరిగింది. గత రెండు నెలల్లో CNG ధర  13సార్లు పెరిగింది. ఇంద్రప్రస్థ గ్యాస్ లిమిటెడ్ IGL వెబ్‌సైట్‌లో షేర్ చేసిన సమాచారం ప్రకారం, ఢిల్లీలో CNG ధర రూ.75.61కి చేరింది. 

ఢిల్లీలో ఇప్పటివరకు సీఎన్‌జీ కిలోకి రూ.73.61కి విక్రయించబడుతుండటం గమనార్హం. మార్చి 7 నుంచి సీఎన్‌జీ ధర కిలోకు రూ.19.60 పెరిగింది. మొదటగా పెట్రోలు, డీజిల్ ధరల పెరుగుదలతో ప్రజానీకానికి నష్టం వాటిల్లింది, ఆ తర్వాత  CNG ధరలు నెల రోజులకు పైగా నిలిచిపోయాయి. 

గణాంకాలను పరిశీలిస్తే, గత ఏడాది కాలంలో, CNG ధరలు విపరీతంగా పెరిగాయి. దీని ధర ఏడాదిలో కిలోకు 60 శాతం అంటే రూ. 32.21 పెరిగింది. అంతర్జాతీయంగా న్యాచురల్ గ్యాస్ ధరల కారణంగా  భవిష్యత్తులో ధరలు పెరిగే అవకాశం ఉందని ఐజీఎల్ మేనేజింగ్ డైరెక్టర్ సంజయ్ కుమార్ తెలిపారు. జనవరి 2022 నుండి దాదాపు ప్రతి వారం, CNG కిలోకు దాదాపు 50 పైసలు పెరిగింది. 

ఏప్రిల్ 1 నుండి, స్థానికంగా ఉత్పత్తి చేసిన  న్యాచురల్ గ్యాస్  ధర ప్రభుత్వం ద్వారా MBTUకి  6.1 డాలర్లకి రెండింతలు పెరిగింది. సిటీ గ్యాస్ డిమాండ్‌కు దేశీయంగా ఉత్పత్తి అయ్యే గ్యాస్ సరిపోదు, అందుకే దిగుమతి చేసుకున్న ఇంధనం (LNG) ఉపయోగించబడుతుంది. LNG ధర mmBtuకి US18-20 డాలర్లు. కంప్రెస్ చేసినప్పుడు, గ్యాస్ ధర పెరుగుతుంది అలాగే VAT వంటి స్థానిక పన్నుల కారణంగా వాటి ధరలు మారుతూ ఉంటాయి.