Home Loan: ఇల్లు కొంటున్నారా? తక్కువ వడ్డీకి హోమ్ లోన్లు ఇస్తున్న బ్యాంకులు ఇవే

Home Loan: సొంత ఇల్లు కొనడం ఎంతోమంది కల. అయితే బ్యాంకు నుంచి లోన్ తీసుకొని కొనే వారి సంఖ్యే ఎక్కువగా ఉంటుంది. తక్కువ వడ్డీతో ఏ బ్యాంకు హోమ్ లోన్లు అందిస్తున్నాయో ఇక్కడ సమాచారం అందించాము.

Image Credit : Getty

సొంత ఇంటికి హోంలోన్

సొంత ఇల్లు కొనాలన్నది మీ కోరిక అయితే ఎన్నో బ్యాంకులు మీకు తక్కువ వడ్డీతోనే హోమ్ లోన్ ఇచ్చేందుకు సిద్ధంగా ఉన్నాయి. ఏ బ్యాంకులో హోమ్ లోన్ తీసుకుంటే ఎంత వడ్డీకి ఆ డబ్బు అందుతుందో ఇక్కడ మీకు ఇచ్చాము. దీన్ని బట్టి మీరు ఏ బ్యాంకులో హోమ్ లోన్ తీసుకోవాలో సొంతంగానే నిర్ణయించుకోవచ్చు.

Image Credit : Getty

ఎవరికి లోన్ వస్తుంది?

హోమ్ లోన్ కావాలంటే కొన్ని అర్హతలు ఉండాలి. ఉద్యోగం చేస్తున్నవారి పే స్లిప్పులు, బ్యాంక్ స్టేట్మెంట్ వంటివి అడుగుతారు. ఉద్యోగం చేసేవారికి త్వరగా లోన్ వస్తుంది. ఉద్యోగం చేయని వారు కూడా హోంలోన్ తీసుకోవచ్చు. ఉద్యోగం చేయనివారు, వ్యాపారాలు చేస్తున్నవారు కచ్చితంగా ఐటీ ఫైల్ చేసి ఉండాలి. ఆ వివరాలను బ్యాంకు వారికి అందించాలి.

Image Credit : Getty

ఏ బ్యాంకులు ఎంత వడ్డీ

అన్ని బ్యాంకులతో పోలిస్తే అత్యల్పంగా సెంట్రల్ బ్యాంక్ ఆఫ్ ఇండియా 7.1 శాతానికి హోమ్ లోన్ అందిస్తుంది. అలాగే బ్యాంక్ ఆఫ్ మహారాష్ట్ర కూడా తక్కువ వడ్డీకి గృహ రుణాలను ఇస్తుంది. ఇది కూడా 7.1 శాతానికి అందిస్తోంది. ఆ తర్వాత బ్యాంక్ ఆఫ్ ఇండియా 7.35 శాతం హోమ్ లోన్ అందిస్తోంది. ఇక బ్యాంక్ ఆఫ్ బరోడా 7.2 శాతంతో హోమ్ లోన్ ఇస్తోంది. ప్రైవేట్ బ్యాంకుల విషయానికొస్తే హెచ్‌‌డిఎఫ్సి, బజాజ్ కోటక్ మహేంద్ర వంటి బ్యాంకులు కూడా తక్కువ వడ్డీకే రుణాలు అందిస్తున్నాయి. వీరివి 7.2 శాతం నుంచి 7.75 శాతం వరకు రుణాలను అందిస్తున్నాయి. వారితో మీరు మాట్లాడే విధానాన్ని బట్టి వడ్డీశాతం ఆధారపడి ఉంటుంది.