రూ.10 వేలకే కొత్త ల్యాప్ టాప్: Flipkart బంపర్ ఆఫర్

ఫ్లిప్‌కార్ట్ బిగ్ బిలియన్ డేస్ సేల్‌ 2024లో ప్రజలను విపరీతంగా ఆకర్షిస్తోంది. మొబైల్ ఫోన్లు, టీవీలు, ఇతర ఎలక్ట్రాన్ వస్తువుల నుంచి హోమ్ అప్లయన్సెస్ వరకు అన్ని రకాల వస్తువులపై భారీ డిస్కౌంట్లు ఇస్తోంది. సెప్టెంబర్ 27న ఈ ఆఫర్ల వెల్లువ కొనసాగుతోంది. ముఖ్యంగా సెల్ ఫోన్లు, ల్యాప్ టాప్ లు చాలా తక్కువ ధరకు దొరుకుతున్నాయి.  
 

HP Touch Chromebook ల్యాప్‌టాప్ Flipkartలో 70% తగ్గింపుతో లభిస్తోంది. ఇది 4 GB RAM, 32 GB స్టోరేజ్ కెపాసిటీని కలిగి ఉంది. Chrome OSతో ఇది పని చేస్తుంది. 11.6 అంగుళాల స్క్రీన్ కలిగిన ఈ ల్యాప్‌టాప్ బేస్ ధర రూ. 37,241. అయితే ఈ ల్యాప్‌టాప్ బిగ్ బిలియన్ డేస్ ద్వారా చాలా తక్కువ ధరకే లభిస్తుంది.

HP Touch Chromebook ల్యాప్‌టాప్ ను కేవలం రూ.10,990కే మీరు ఫ్లిప్‌కార్ట్ సేల్‌లో కొనుగోలు చేయవచ్చు. ఫ్లిప్‌కార్ట్‌లో కొనసాగుతున్న పండగ సీజన్ సేల్‌లో భారీ తగ్గింపు ధరలలో ఈ ల్యాప్ టాప్ లభిస్తుంది. HP ల్యాప్‌టాప్ ఫ్లిప్‌కార్ట్ సేల్‌లో అత్యంత తగ్గింపు ఉత్పత్తులలో ఒకటి. హెచ్‌పీ ల్యాప్‌టాప్‌లకు డిమాండ్ పెరుగుతుండటంతో ఈ ఆఫర్‌ను ప్రకటించడం వినియోగదారుల ఆనందానికి కారణం.

దీంతోపాటు మరికొన్ని ఆఫర్ల ద్వారా మీరు ఈ ల్యాప్‌టాప్‌ని మరింత తక్కువ ధరకు కొనుక్కోవచ్చు. క్రెడిట్ కార్డ్‌లు ఉపయోగించడం ద్వారా మీరు ఈ ల్యాప్ టాప్ కొనుగోలు చేసినట్లయితే మరింత తగ్గింపు అభిస్తుంది. ఈ విధంగా మీరు రూ.1100 వరకు అదనంగా ఆదా చేసుకోవచ్చు. అంటే ఈ ల్యాప్‌టాప్ ధర కేవలం రూ. 9,800 కొనుగోలు చేయవచ్చు. ఈ రకంగా మీరు రూ.10 వేల లోపే చక్కటి ల్యాప్ టాప్ ను సంపాదించవచ్చు. 

ఫ్లిప్‌కార్ట్ బిగ్ బిలియన్ డేస్ సేల్‌లో ఇది గొప్ప డీల్. కొత్త బడ్జెట్ ల్యాప్‌టాప్ కొనుగోలు చేయాలనుకునే వారు ఈ ఆఫర్ ద్వారా సరసమైన ధరలో హెచ్‌పి ల్యాప్‌టాప్‌ను కొనుగోలు చేయవచ్చు. ఫ్లిప్‌కార్ట్ ఇప్పటికే బిగ్ బిలియన్ డేస్ సేల్‌తో కస్టమర్లను ఆకర్షిస్తోంది. 
 

ఈ ల్యాప్‌టాప్‌లో USB 2.0 టైప్ A పోర్ట్, సూపర్ స్పీడ్ USB Type C 5 Gbps సిగ్నలింగ్ రేట్ పోర్ట్ వంటి అనేక ఫీచర్లు ఉన్నాయి. ఇది టచ్ స్క్రీన్ ల్యాప్‌టాప్ కావడంతో చాలా ప్రత్యేకమైనదిగా గుర్తింపు పొందింది.  11.6-అంగుళాల స్క్రీన్ 1366 x 768 రిజల్యూషన్‌తో హెచ్‌డి, ఐపిఎస్, యాంటీ గ్లేర్ ఫీచర్లను కూడా కలిగి ఉంది. స్పీకర్లు, మైక్రోఫోన్‌లు కూడా ఇందులో ఉన్నాయి.

HP Touch Chromebook లో వెబ్‌క్యామ్ సౌకర్యం కూడా ఉంది. HP కంపెనీ ఈ ల్యాప్‌టాప్ కోసం ఒక సంవత్సరం వారంటీని అందిస్తోంది. ఆన్‌లైన్ తరగతుల కోసం, బేసిక్ అవసరాల కోసం ఈ ల్యాప్ టాప్ చాలా ఉపయోగంగా ఉంటుంది. ఈ ల్యాప్‌టాప్ విద్యార్థులకు ఎక్కువ ఉపయోగంగా ఉంటుంది. ముఖ్యంగా ఆన్ లైన్ లో క్లాసెస్  అటెండ్ అయ్యే వారికి ఈ ల్యాప్ టాప్ లో ఉన్న సౌకర్యాలు బాగా ఉపయోగపడతాయి.