Business Ideas: ఉద్యోగం ద్వారా వచ్చిన ఆదాయం సరిపోవడం లేదా, కేవలం స్మార్ట్ ఫోన్ ద్వారా నెలకు లక్షల్లో ఆదాయం..
పెరుగుతున్న ఖర్చులు చూసి భయపడుతున్నారా, మీరు చేస్తున్న ఉద్యోగానికి సరిపడా ఆదాయం లభించడం లేదా. అదనపు ఆదాయం కోసం వెతుకుతున్నారా. అయితే కొన్ని గంటలు కేటాయిస్తే చాలు. మీరు ప్రతి నెల కొన్ని వేల రూపాయలు వెనకేసుకునే అవకాశం ఉంది. తద్వారా మీ ఖర్చులను కొద్దిమేర తగ్గించుకోవచ్చు. ప్రస్తుతం అదనపు ఆదాయం కోసం ఏం చేయాలో తెలుసుకుందాం.
డబ్బు సంపాదించడమే మీ లక్ష్యమా.. అయితే రోజుకు కొన్ని గంటల కష్టపడటం ద్వారా మీరు అదనపు ఆదాయాన్ని పొందే అవకాశం ఉంది. ప్రస్తుత ఆన్లైన్ యుగంలో లో మీరు డబ్బు సంపాదించడం చాలా సులభం అయిపోయింది ఒక స్మార్ట్ ఫోన్ ఉంటే చాలు ఇంట్లో కూర్చొని డబ్బు సంపాదించే అవకాశం ఉంది. మీ వద్ద ప్రతిభ ఉంటే చాలు మీ ప్రతిభను ప్రపంచానికి చూపించి ఆన్లైన్ ద్వారా డబ్బు సంపాదించు కోవచ్చు. యూట్యూబ్, ఫేస్ బుక్, ఇంస్టాగ్రామ్ లాంటి ప్లాట్ ఫారం ద్వారా మీరు డబ్బు సంపాదించుకునే అవకాశం ఉంది.
ఉదాహరణకు మీకు ఏదైనా సంగీత వాయిద్యం వాయించడం వచ్చినట్లయితే, దానికి సంబంధించిన మ్యూజిక్ శిక్షణ తరగతులను, మీ స్మార్ట్ ఫోన్ ద్వారా రికార్డ్ చేసి, యూట్యూబ్లో అప్లోడ్ చేసినట్లు అయితే, మీకు వచ్చిన వ్యూస్ ప్రాతిపదికన యూట్యూబ్ డబ్బు చెల్లిస్తుంది. ఫేస్బుక్ ద్వారా కూడా మీ ప్రతిభను ప్రపంచానికి చాటి చెప్పి డబ్బులు సంపాదించుకోవచ్చు.
యూట్యూబ్ లో వీడియో అప్లోడ్ చేయడానికి మీకు ఎక్కువ సమయం పట్టదు. కేవలం కొద్ది నిమిషాల వీడియో అప్లోడ్ చేసి ప్రతి నెల డబ్బులు సంపాదించుకోవచ్చు. అలాగే ఏదైనా ఒక సబ్జెక్టులో ప్రావీణ్యం ఉన్నట్లయితే చాలు, మీరు వీడియో చేసి డబ్బు సంపాదించుకునే అవకాశం ఉంది స్పోకెన్ ఇంగ్లీష్ తరగతులు ద్వారా కూడా డబ్బు సంపాదించుకోవచ్చు. ప్రపంచ వ్యాప్తంగా చాలా దేశాల్లో ఇంగ్లీషు రాని వారు ఉన్నారు, వారికి యూట్యూబ్ పాఠాల ద్వారా ఇంగ్లీష్ నేర్పి డబ్బులు సంపాదించుకోవచ్చు.
యూట్యూబ్ ఛానల్ ఓపెన్ చేయాలనుకుంటే ముందుగా మీకు జిమెయిల్ ఎకౌంటు ఉండాలి. జిమెయిల్ అకౌంట్ ఓపెన్ చేసిన తర్వాత, దానిపైనే మీరు యూట్యూబ్ ఛానల్ ను ఓపెన్ చేయవచ్చు. మీ స్మార్ట్ ఫోన్ ద్వారానే వీడియో రికార్డు చేసి, యూట్యూబ్ లో అప్ లోడ్ చేయవచ్చు. ప్రొఫెషనల్ గా ఎడిటింగ్ చేయాలనుకుంటే, ప్లేస్టోర్ లోనే అనేక ఎడిటింగ్ యాప్స్ లభిస్తాయి. వాటి ద్వారా సులభంగా ఎడిటింగ్ చేసే అవకాశం ఉంది.
మీ పార్ట్ టైం డబ్బు సంపాదనకు ఇది సులభమైన మార్గం. పలువురు యూట్యూబ్ చానల్స్ ఓపెన్ చేసి లక్షలాది రూపాయలు సంపాదిస్తున్నారు. అయితే మీకున్న వనరులతోనే క్వాలిటీ వీడియోలను చేసి అప్లోడ్ చేయడం ద్వారా చక్కటి వ్యూస్ సంపాదించి, డబ్బులు సంపాదించుకోవచ్చు.