Business Ideas: భారతీయ రైల్వే సంస్థతో కలిసి ఈ వ్యాపారం చేస్తే, నెలకు రూ.80 వేల ఆదాయం పక్కా...

Business Ideas: భారతీయ రైల్వే టిక్కెట్ బుకింగ్ ఏజెన్సీ తీసుకోవడం ద్వారా నిరుద్యోగులు నెలకు రూ. 80 వేల వరకూ సంపాదించుకోవచ్చు. దేశంలోని  కోట్ల మంది ప్రజలు IRCTCతో ఆన్‌లైన్‌లో రిజర్వ్ చేసిన టిక్కెట్‌లను బుక్ చేసుకుంటున్నారు. ఇది డబ్బు సంపాదించే అవకాశాన్ని కూడా అందిస్తుంది. మంచి నెలవారీ ఆదాయం కోసం మీరు ఆథరైజ్డ్ IRCTC టిక్కెట్ బుకింగ్ ఏజెంట్ కావచ్చు.

Business Ideas: మీరు ఏదైనా వ్యాపారాన్ని ప్రారంభించాలనుకుంటున్నారా, అయితే  ఈ వార్త మీ కోసమే... మీరు ఈ వ్యాపారం నుండి మంచి సంపాదన పొందుతారు. భారతీయ రైల్వేతో కలిసి చేసే ఈ వ్యాపారం ద్వారా చక్కటి లాభాలను పొందవచ్చు. ఆ వ్యాపారం ఏంటో తెలుసుకుందాం. 

నెలకు 80 వేల రూపాయలు సంపాదించే అవకాశం

ఇండియన్ రైల్వే క్యాటరింగ్ మరియు టూరిజం కార్పొరేషన్ అంటే IRCTC అనేది రైల్వే సంస్థ.  దీని ద్వారా, రైలు టిక్కెట్లను బుక్ చేసుకోవడం నుండి అనేక ఇతర సౌకర్యాలు అందుబాటులో ఉన్నాయి. ఇప్పుడు మీరు IRCTC సహాయంతో ప్రతి నెలా వేల రూపాయలు సంపాదించవచ్చు. దీని కోసం మీరు ఎక్కడికీ వెళ్లాల్సిన అవసరం లేదు. ఇంట్లో కూర్చొని ఆదాయం పొందగలుగుతారు. దీని కోసం మీరు టిక్కెట్ ఏజెంట్‌గా మారాలి. ప్రతిఫలంగా, మీరు నెలకు 80 వేల రూపాయల వరకు సంపాదించగలరు.

తప్పనిసరిగా IRCTC ఏజెంట్ అయి ఉండాలి

రైల్వే కౌంటర్లలో గుమాస్తాలు టిక్కెట్లు బుక్ చేసినట్లు, మీరు కూడా ప్రయాణీకులకు టిక్కెట్లు బుక్ చేయగలగాలి. ఆన్‌లైన్‌లో టిక్కెట్‌లను బుక్ చేయడానికి, మీరు IRCTC వెబ్‌సైట్‌ను సందర్శించడం ద్వారా ఏజెంట్ కావడానికి దరఖాస్తు చేసుకోవాలి. ఆ తర్వాత మీరు ఆథరైజ్డ్ టిక్కెట్ బుకింగ్ ఏజెంట్ అవుతారు.  ఇంట్లో కూర్చొని పెద్ద మొత్తంలో డబ్బు సంపాదించగలరు. మీరు IRCTC యొక్క ఆథరైజ్డ్ టిక్కెట్ బుకింగ్ ఏజెంట్ అయితే, మీరు తత్కాల్, RAC సహా మొదలైన అన్ని రకాల రైలు టిక్కెట్‌లను బుక్ చేయవచ్చు. టిక్కెట్లను బుకింగ్ చేయడంపై, ఏజెంట్లు IRCTC నుండి ఆదాయాన్ని కమీషన్ రూపంలో పొందుతారు.

ఇలా సంపాదిస్తారు

మీరు ప్రయాణీకుల కోసం AC, నాన్ ఏసీ కోచ్ టిక్కెట్‌ను బుక్ చేస్తే,  టిక్కెట్‌ను బుక్ చేసినందుకు ఒక్కో టిక్కెట్‌కు రూ. 20  నుంచి రూ. 40 కమీషన్ పొందుతారు. ఇది కాకుండా, టిక్కెట్ ధరలో ఒక శాతం కూడా ఏజెంట్‌కు అందిస్తారు. 

IRCTC ఏజెంట్ కావడానికి, కొంత రుసుము కూడా చెల్లించాలి. ఒక సంవత్సరానికి ఏజెంట్‌గా మారడానికి, IRCTCకి  రూ. 3999 చెల్లించాలి. మీరు రెండేళ్లపాటు ఏజెంట్‌గా మారాలనుకుంటే, మీరు రూ. 6999 చెల్లించాలి. ఇది కాకుండా, ఏజెంట్‌గా నెలలో 100 టిక్కెట్లు బుక్ చేస్తే, ఒక టికెట్‌కు రూ.10, నెలలో 101 నుండి 300 టిక్కెట్లు బుక్ చేస్తే, ఒక్కో టిక్కెట్‌కు రూ.8 చెల్లించాలి, 300 కంటే ఎక్కువ టిక్కెట్లు బుక్ చేస్తే ఒక్కో టిక్కెట్‌కు రూ. 5, చొప్పున రుసుము చెల్లించాలి.

ఎంతమంది టిక్కెట్లు బుక్ చేసుకోవచ్చు

ఐఆర్‌సిటిసి ఏజెంట్‌గా మారడం వల్ల మరో అతిపెద్ద ప్రయోజనం ఏమిటంటే, ఇందులో టిక్కెట్‌లను బుక్ చేసుకోవడానికి పరిమితి లేదు. నెలలో మీకు కావలసినన్ని టిక్కెట్లు బుక్ చేసుకోవచ్చు. ఇది కాకుండా, 15 నిమిషాల్లో తత్కాల్ టిక్కెట్లను బుక్ చేసుకునే అవకాశం కూడా ఉంది. ఇది మాత్రమే కాదు, మీరు ఏజెంట్‌గా మారడం ద్వారా రైళ్లలో మాత్రమే కాదు విమాన టిక్కెట్లను బుక్ చేయవచ్చు.