జస్ట్ ఇది పాటిస్తే చాలు, మీకు జీవితంలో అప్పు చేయాల్సిన అవసరం రాదు

ప్లానింగ్ లేని సంపాదన అప్పులపాలు చేస్తుందని నిపుణులు హెచ్చరిస్తున్నారు. మీరు గాని 50-40-10 రూల్ పాటిస్తే మీరు తక్కువ సంపాదిస్తున్నా అప్పులు లేకుండా భవిష్యత్తు అవసరాల కోసం సేవింగ్స్ కూడా చేయగలరు. మరి 50-40-10 రూల్ ఏంటి? దాని వల్ల ఉపయోగం ఏంటో తెలుసుకుందాం రండి.   

ప్రతి ఒక్కరూ సంపాదిస్తారు. కాని కొందరికి తక్కువ సంపాదన ఉంటే, మరికొందరు ఎక్కువగా సంపాదిస్తారు. అయినా ఈ రెండు కేటగిరీల్లో ఉన్న వారు అప్పుల్లో మునిగి తేలుతుంటారు. దీనికి కారణం సరైన ప్లానింగ్ లేకపోవడం. అవసరాలు ఏంటో? అనవసర ఖర్చులు ఏంటో తెలియక ప్రతి చిన్నదానికి డబ్బులు ఖర్చు పెట్టడంతో అప్పులు చేయాల్సి వస్తుంది. 

మరి ఇలాంటి పరిస్థితి నుంచి బయటపడాలంటే తక్కువ సంపాదిస్తున్నా దాన్ని ఎలా ఖర్చు పెట్టాలో తెలుసుకోవాలి. 50-40-10 రూల్ మీకు చక్కటి ప్రణాళికతో అవసరాలు తీర్చుకొనే ఆలోచనను ఇస్తుంది. 50-40-10 రూల్ గురించి వివరంగా ఇక్కడ తెలుసుకుందాం. 

50-40-10 రూల్ అంటే మీరు సంపాదిస్తున్న ఆదాయంలో 50 శాతం అవసరాలకు ఖర్చు చేయాలి. 40 శాతం పెట్టుబడులకు వెచ్చించాలి. 10 శాతం ఎంటర్‌టైన్మెంట్ కి ఖర్చు పెట్టాలి.

50 శాతం అవసరాల కోసం ఖర్చు చేయడం అంటే ఆహారానికి, ఇంటి రెంట్, ప్రయాణాలు, వైద్యం ఖర్చులు, అత్యవసరంగా తీర్చాల్సిన అప్పులకు ఈ 50 శాతంలోనే డబ్బులు వెచ్చించాలి. 

40 శాతం పెట్టుబడులకు ఖర్చు చేయడం అంటే మీరు సంపాదించే ఆదాయంలో కొంత స్టాక్స్ లో ఇన్వెస్ట్ చేయాలి. ఏదైనా ప్రాపర్టీ కొనడానికి వెచ్చించాలి. సేవింగ్స్ స్కీమ్స్ లో పెట్టుబడి పెట్టాలి. ఇలాంటి వాటికన్నింటికీ మీరు సంపాదించే మొత్తంలో 40 శాతం వెచ్చించాలి.

మీ సంపాదనలో 10 శాతం మీ కోరికలు తీర్చుకోవడానికి ఉపయోగించాలి. అంటే సినిమాలు, ట్రిప్స్, పార్టీలు, డ్రెస్ లు కొనుక్కోవడం లాంటి లగ్జరీ అవసరాలన్నీ 10 శాతంలోనే ఖర్చు చేయాలి. కాని చాలా మంది ఇక్కడే పెద్ద తప్పు చేస్తారు. అనవసరమైన ఖర్చుల కోసం ఎక్కువగా ఖర్చు పెడతారు. అందువల్లనే అప్పుల పాలవుతారు. 

50-40-10 రూల్ ఫాలో అయితే మీరు ఎక్కువ సంపాదిస్తున్నా, తక్కువ సంపాదిస్తున్నా కచ్చితంగా ఆనందంగా, అప్పుల బాధ లేకుండా జీవితాన్ని సాగించవచ్చు.