నేటి నుంచి దేశవ్యాప్త బ్యాంకు ఉద్యోగుల సమ్మె.. ఈ తేదీల్లో బ్యాంకులు బంద్..

మీరు ఏదైనా పని మీద బ్యాంకుకు వెళ్లాలని ఆలోచిస్తున్నారా.. అయితే ఈ వార్త మీకోసమే. ఏంటంటే నేటి నుంచి వరుసగా  దేశంలోని బ్యాంకులు (banks)మూతపడనున్నాయి. స్టేట్ బ్యాంక్ ఆఫ్ ఇండియా (SBI) సహా పలు ప్రభుత్వరంగ బ్యాంకుల ఉద్యోగులు(bank employees) నేటి నుండి రెండు రోజుల సమ్మె(strike) చేయనున్నారు. 

అలాగే వీకెండ్ సెలవు ఆదివారం కారణంగా  బ్యాంకులు మరొక రోజు అదనంగా మూసివేయనున్నాయి. 

 సమ్మె పిలుపుతో బ్యాంకు ఉద్యోగులు సమ్మెలో ఉంటారని  యునైటెడ్ ఫోరమ్ ఆఫ్ బ్యాంక్ యూనియన్స్ తరపున సమాచారం అందించారు. దేశంలోని పలు బ్యాంకులను ప్రైవేటీకరించాలన్న ప్రభుత్వ నిర్ణయంపై జరుగుతున్న సన్నాహాలను నిరసిస్తూ UFBU ఈ రెండురోజుల సమ్మెను ప్రకటించింది. యునైటెడ్ ఫోరమ్ ఆఫ్ బ్యాంక్ యూనియన్స్ కింద తొమ్మిది బ్యాంకుల యూనియన్లు (bank unions)ఉండటం గమనించదగ్గ విషయం. ఈ సమ్మె వల్ల ప్రజలు తీవ్ర ఇబ్బందులు ఎదురుకోవాల్సి వస్తుంది.

ఈ వారంలో మూడు రోజులు మిగిలి ఊన్నప్పటికీ, షిల్లాంగ్‌లో శనివారం కూడా బ్యాంకులు మూసివేయనుంది. రిజర్వ్ బ్యాంక్ క్యాలెండర్ ప్రకారం డిసెంబర్ 18 శనివారం యు సో సో థామ్ వర్ధంతి కారణంగా బ్యాంకులు పనిచేయవు. కాగా, డిసెంబర్ 16, 17 అలాగే 19 తేదీలలో దేశవ్యాప్తంగా బ్యాంకులు మూసివేయబడతాయి.

2 రోజుల బ్యాంక్ సమ్మె గురించి తెలుసుకోవలసిన 10 విషయాలు ఇక్కడ ఉన్నాయి:

1) వివిధ ప్రభుత్వ రంగ బ్యాంకులకు చెందిన దాదాపు తొమ్మిది లక్షల మంది ఉద్యోగులు సమ్మెలో పాల్గొంటున్నారు.

2) తమిళనాడులోని అధికార డీఎంకే పిలుపుతో  రెండు రోజుల దేశవ్యాప్త సమ్మెకు మద్దతు ఇచ్చింది. పార్టీ ప్రధాన కార్యదర్శి అండ్ రాష్ట్ర మంత్రి దురై మురుగన్ సమ్మె విజయవంతమవాలని ఆకాంక్షించారు అలాగే నిరసనకు తమ పార్టీ "పూర్తి మద్దతు" ప్రకటించారు.

3) ప్రతిపాదిత ప్రభుత్వ రంగ బ్యాంకు ప్రైవేటీకరణకు వ్యతిరేకంగా యునైటెడ్ ఫోరమ్ ఆఫ్ బ్యాంక్ యూనియన్స్ (UFBU) గొడుగు కింద బ్యాంక్ యూనియన్లు డిసెంబర్ 16, 17 తేదీలలో సమ్మెకు పిలుపునిచ్చాయి.

4) కేంద్రం బడ్జెట్ 2021-22లో రెండు ప్రభుత్వ రంగ బ్యాంకులను ప్రైవేటీకరించే ఉద్దేశాన్ని ప్రకటించినప్పటి నుండి యూనియన్లు నిరసనలు చేస్తున్నాయి.

5) బ్యాంకింగ్ కార్యకలాపాలపై దేశవ్యాప్తంగా సమ్మె ప్రభావం చూపుతుందని స్టేట్ బ్యాంక్ ఆఫ్ ఇండియా (SBI) ఇప్పటికే ఖాతాదారులను హెచ్చరించింది.

6) “యునైటెడ్ ఫోరమ్ ఆఫ్ బ్యాంక్ యూనియన్స్ (UFBU) సమ్మె నోటీసును అందజేసిందని భారతీయ బ్యాంకుల సంఘం (lBA) తెలిపింది. AIBEA, AIBOC, NCBE, AIBOA, BEFI, INBEF అండ్ INBOC తమ డిమాండ్లకు మద్దతుగా 2021 డిసెంబర్ 16 & 17 తేదీల్లో దేశవ్యాప్తంగా బ్యాంక్ సమ్మె చేయాలని ప్రతిపాదించాయి. 

7) తమ నిర్ణయాన్ని పునఃపరిశీలించుకోవాలని ఇంకా సమ్మెలో పాల్గొనడం మానుకోవాలని SBI తన సిబ్బందిని ఒక ట్వీట్‌లో కోరింది. "అంతేకాకుండా, కొనసాగుతున్న కరోనా మహమ్మారి పరిస్థితిని పరిగణనలోకి తీసుకుంటే సమ్మెను ఆశ్రయించడం తీవ్ర అసౌకర్యాన్ని కలిగిస్తుంది" అని ట్వీట్ పేర్కొంది.

8) కెనరా బ్యాంక్, PNB, పంజాబ్ అండ్ సింధ్ బ్యాంక్‌తో సహా గతంలో రుణదాతలు తమ ప్రణాళికను పునఃపరిశీలించాలని ఉద్యోగుల సంఘాలను కోరారు.

9) ప్రస్తుతం జరుగుతున్న పార్లమెంట్ శీతాకాల సమావేశాల్లో బ్యాంకింగ్ చట్టాల (సవరణ) బిల్లు, 2021ని ప్రవేశపెట్టాలని ప్రభుత్వం నిర్ణయించింది. ప్రభుత్వ రంగ బ్యాంకులను ప్రైవేటీకరించడమే ఈ బిల్లు లక్ష్యం.

10) ఉద్యోగులు ఇంకా కార్మిక సంఘాలు డిసెంబర్ 1న న్యూఢిల్లీలోని జంతర్ మంతర్ వద్ద 'బ్యాంక్ బచావో, దేశ్ బచావో' నిరసన ప్రచారాన్ని ప్రారంభించాయి.