Roundup 2021: ఈ సంవత్సరం ఇండియాలో లాంచ్ అయిన ఆత్యంత సురక్షితమైన కార్లు ఇవే..
ఇటీవలి కాలంలో భారతీయ ఆటోమొబైల్(automobile) పరిశ్రమలో కార్ల సేఫ్టీ రేటింగ్‌లు చాలా చర్చనీయాంశంగా మారాయి. ఈ మార్పుకు బాధ్యత వహించే సంస్థలలో ఒకటి గ్లోబల్ ఎన్‌సి‌ఏ‌పి (global NCAP). ఎన్‌సి‌ఏ‌పి అంటే న్యూ కార్ అసెస్‌మెంట్ ప్రోగ్రామ్ (new car assesment program). గ్లోబల్ ఎన్‌సి‌ఏ‌పి 'సేఫ్ కార్స్ ఫర్ ఇండియా' (safe cars for india)క్యాంపైన్ భారత ప్రభుత్వానికి అలాగే భారత మార్కెట్లోని వాహన తయారీదారులకు కళ్ళు తెరిపిస్తుంది.
Followకొన్ని సంవత్సరాల క్రితం వరకు కారులో సేఫ్టీ ఫీచర్లను విలాసవంతమైనదిగా పరిగణించడం గమనించదగినది. ప్రైమరీ యాక్టివ్ సేఫ్టీ ఫీచర్లు కూడా లగ్జరీ కార్లు లేదా అత్యధికంగా అమ్ముడవుతున్న కార్ల టాప్ మోడల్‌లలో మాత్రమే అందుబాటులో ఉన్నాయి. గ్లోబల్ ఎన్‌సి‌ఏ‌పి క్యాంపైన్ వాస్తవానికి 2014 సంవత్సరంలో ప్రారంభించారు. ఈ క్యాంపైన్ కారణంగా ప్రభుత్వం వాహనాల భద్రతపై ఉద్ఘాటించింది ఇంకా దేశంలో విక్రయించే కార్ల కోసం మరింత కఠినమైన భద్రతా అవసరాలు అనుసరించాయి.
2014 సంవత్సరం నుండి వోక్స్ వేగన్ పోలో, మారుతి సుజుకి బ్రేజా, మహీంద్రా ఎక్స్‌యూ‌వి 300, టొయోటా ఇటీయోస్, టాటా నెక్సన్ ఇంకా కొన్ని ఇతర కార్లు స్ట్రాంగ్ 4-స్టార్ లేదా 5-స్టార్ పర్ఫర్మెంస్ అందించాయి. గ్లోబల్ ఎన్‌సి‌ఏ‌పి ప్రకారం 2021లో భారతదేశంలో లాంచ్ చేయబోయే సురక్షితమైన కార్లు ఏవో ఇక్కడ చూద్దాం...
టాటా పంచ్
దేశంలోని ప్రముఖ వాహన తయారీ సంస్థ టాటా పంచ్ అతి చిన్న ఎస్‌యూ‌విని అక్టోబర్ 18 2021న భారతదేశంలో ప్రారంభించారు. అప్పటి నుండి వినియోగదారుల నుండి మంచి ఆసక్తిని పొందింది. ఎందుకంటే టాటా పంచ్ గ్లోబల్ ఎన్‌సి‌ఏ‌పిలో అడల్ట్ ఆక్యుపెంట్ ప్రొటెక్షన్ లో 5-స్టార్ రేటింగ్‌ను స్కోర్ చేసింది - 17.00కి 16.45. ఇంకా చైల్డ్ ఆక్యుపెంట్ ప్రొటెక్షన్ కోసం 4-స్టార్ రేటింగ్ - 49.00కి 40.89 పొందింది. మైక్రో ఎస్‌యూ‌వి సెగ్మెంట్‌లో 5-స్టార్ రేటింగ్ పొందిన ఏకైక కారు టాటా పంచ్.
టాటా పంచ్ ఎస్‌యూ‌వి 64 kmph వేగంతో పరీక్షించబడింది అయితే దాని బాడీ షెల్ ఇంటిగ్రిటీ స్థిరంగా రేట్ చేయబడింది. దీని ఫలితంగా అడుల్ట్ ఆక్యుపెంట్ భద్రతకు మొత్తం 5-స్టార్ రేటింగ్ అండ్ పిల్లల భద్రత కోసం 5 స్టార్లకు 4 స్టార్ రేటింగ్ లభించాయి. అంతే కాకుండా టాటా పంచ్ లో రెండు ఎయిర్‌బ్యాగ్‌లు, ఏ‌బి‌ఎస్ బ్రేక్‌లు, ISOFIX యాంకరేజ్‌లతో అమర్చబడిన అత్యంత ప్రాథమిక భద్రతా స్పెసిఫికేషన్‌లతో పరీక్షించబడింది.
#SaferCarsForIndia ప్రచారంలో భాగంగా గ్లోబల్ ఎన్‌సి‌ఏ‌పి అండ్ టాటా అత్యంత బడ్జెట్ ఎలక్ట్రిక్ వాహనం టాటా టిగోర్ ఈ‌వి (Tata Tigor EV) పరీక్షించింది. టాటా టిగోర్ ఈ‌వి అడల్ట్ అక్యూపెంట్ సేఫ్టీలో 17.00కి 12.00 స్కోర్ చేసింది, అలాగే 5 స్టార్ కి 4 స్టార్ స్కోర్ చేసింది. చైల్డ్ ఆక్యుపెంట్ ప్రొటెక్షన్ కోసం, 49.00కి 37.24 స్కోర్ చేసింది.
గ్లోబల్ ఎన్‌సి‌ఏ‌పి ప్రకారం టాటా టిగోర్ ఈ‌వి బాడీ షెల్ ఇంటిగ్రిటీ అస్థిరంగా రేట్ చేయబడింది. ఎక్కువ లోడ్‌లను తట్టుకోగల సామర్థ్యం లేదు.
ఎక్స్‌యూ‌వి500 స్థానంలో వచ్చిన మహీంద్రా ఎక్స్‌యూ‌వి700 ఎస్‌యూ‌వి కూడా బలమైన ప్రదర్శనను కనబరిచింది. మహీంద్రా ఎక్స్‌యూ‌వి700 టాప్ సేఫ్టీ స్కోర్‌ను సాధించింది. ఎక్స్‌యూ‌వి700 అడల్ట్ అక్యూపెంట్ సేఫ్టీ కోసం 5-స్టార్ల రేటింగ్‌ను పొందింది. ఎక్స్‌యూ‌వి700 17.00కి 16.03 స్కోర్ చేసింది. కారు నిర్మాణం కూడా స్థిరంగా రేట్ చేయబడింది. ప్రమాదం జరిగినప్పుడు ముందున్న ప్రయాణికులకు కూడా గాయాలు చాలా తక్కువ.
పిల్లల భద్రత కోసం అధిక స్కోరు
మహీంద్రా ఎక్స్‌యూ‌వి700 కూడా పిల్లల భద్రత కోసం 49కి 41.66తో అత్యధిక స్కోర్ సాధించింది. బాడీ షెల్ ఇంటిగ్రిటీ స్థిరంగా రేట్ చేయబడింది. ఇటీవల విడుదల చేసిన మహీంద్రా ఎక్స్‌యూ‌వి700 అత్యంత బేసిక్ సేఫ్టీ ఫీచర్స్ పై పరీక్షించబడింది. ఇందులో రెండు ఎయిర్‌బ్యాగ్‌లు, ఏ‌బి‌ఎస్ బ్రేక్‌లు, ISOFIX యాంకారేజ్‌లు ఉన్నాయి.
ఇప్పుడు ఆడి క్యూ5 (audi Q5) లేదా మెర్సిడెస్ బెంజ్ ఎస్-క్లాస్ (mercedes benz s-class) కార్లు సురక్షితం కాదని చెప్పలేదు. #SaferCarsForIndia ప్రచారంలో భాగంగా వారు గ్లోబల్ ఎన్‌సి‌ఏ‌పి ద్వారా పరీక్షించబడలేదని దీని అర్థం. ఏది ఏమైనప్పటికీ, హై లెవెల్ లగ్జరీ కార్లు చాలా ఎక్కువ సేఫ్టీ ఎక్విప్మెంట్ తో వస్తాయని చెప్పాలి, ఎందుకంటే అవి చాలా ఎక్కువ ధరను కలిగి ఉంటాయి, అందుకే అవి తప్పనిసరిగా భద్రతా లక్షణాలను కలిగి ఉంటాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
