కొత్త కలర్ స్కీమ్ తో యమహా ఎంట్రీ లెవల్ స్పోర్ట్స్ బైక్.. ధర, మైలేజ్, టాప్ స్పీడ్ తెలిసుకోండి..
జపాన్ స్పొర్ట్స్ బైక్ తయారీ సంస్థ యమహా మోటార్ కంపెనీ పాపులర్ బైక్ యమాహా వైజెడ్ఎఫ్-ఆర్ 15ను కొత్త కలర్ స్కీమ్ తో పరిచయం చేసింది. ఫుల్-ఫెయిర్ స్పోర్ట్స్ బైక్‌కు ఇప్పుడు కొత్త సిల్వర్ కలర్ ఆప్షన్ తీసుకొచ్చింది.
Followదీంతో ఈ బడ్జెట్ ఎంట్రీ లెవల్ స్పోర్ట్స్ బైక్‌ను మరింత ప్రీమియం చేస్తుంది. ప్రస్తుతం దీనిని మలేషియా మార్కెట్లో ప్రారంభించారు అలాగే త్వరలోనే భారత మార్కెట్లో కూడా లాంచ్ చేయవచ్చు.
లుక్స్ అండ్ డిజైన్
యమహా వైజెడ్ఎఫ్-ఆర్15 ఎక్స్టీరియర్ లుక్ ఇంకా డిజైన్ గురించి మాట్లాడితే దీనికి బ్రైట్ ఫ్లోరోసెంట్ యెల్లో విల్స్ అందించారు. ఇది బైక్ ఎక్స్టీరియర్ సిల్వర్ / గ్రే కలర్ స్కీమ్ తో సరిగ్గా సరిపోతుంది అలాగే మరింత ఆకర్షణీయంగా చేస్తుంది. దీనికి ప్రీమియం అప్ సైడ్ డౌన్ ఫోర్కులు లభిస్తాయి. భారతీయ-స్పెక్ మోడళ్లలో టెలిస్కోపిక్ ఫ్రంట్ ఫోర్కులు ఉంటాయి. గోల్డ్ కలర్ ఫోర్క్ ట్యూబ్స్ బైక్ మొత్తనికి స్పోర్టి లుక్ జోడిస్తుంది.
ఆకర్షణీయమైన ఫీచర్లు
కొత్త పెయింట్ స్కీమ్ మినహా ఈ బైక్ లో ఇతర ఎలాంటి మార్పులు చేయలేదు. ఇంకా దీని ముందుభాగంలోని ట్విన్-పాడ్ ఎల్‌ఈ‌డి హెడ్‌లైట్‌ అగ్రెసివ్ లుక్ ఇస్తాయి. అలాగే ఈ బైక్ కి డిజిటల్ ఇన్స్ట్రుమెంట్ క్లస్టర్, స్ప్లిట్-స్టైల్ సీట్లు, ఫుల్-ఫెయిరింగ్ డిజైన్ తో వస్తుంది. ఫ్లాగ్‌షిప్ వైజెడ్ఎఫ్-ఆర్1 బైక్ నుండి ఈ బైక్ ప్రేరణ పొందింది. దీనికి రెండు విల్స్ పై అప్ సైడ్ డౌన్ ఉండే ఫ్రంట్ ఫోర్కులు, వెనుక మోనో-షాక్, డిస్క్ బ్రేక్‌లు లభిస్తాయి.
ఇంజన్
యమహా వైజెడ్ఎఫ్-ఆర్15లో 155 సిసి, లిక్విడ్-కూల్డ్, 4-స్ట్రోక్, ఎస్‌ఓహెచ్‌సి, 4-వాల్వ్, ఫ్యూయల్ ఇంజెక్ట్ ఇంజన్ అమర్చారు. ఈ ఇంజిన్ కంపెనీ పేటెంట్ వేరియబుల్ వాల్వ్ యాక్టివేషన్ (వివిఎ) టెక్నాలజీని ఉపయోగిస్తుంది. ఇది కాకుండా దీనికి అసిస్ట్ అండ్ స్లిప్పర్ క్లచ్ ఇంకా సైడ్ స్టాండ్ ఇంజిన్ కట్-ఆఫ్ స్విచ్ కూడా లభిస్తుంది. యమహా తన లైనప్‌లోని అన్ని మోడళ్లలో ఇప్పుడు ఇంటర్నల్ సైడ్ స్టాండ్ ఇంజన్ కట్-ఆఫ్ స్విచ్ ఉంటుందని చెప్పారు.
ధర
మలేషియా మార్కెట్లో దీని ధర ఆర్‌ఎం11,988 అంటే ఇండియాలో రూ. 2.20 లక్షలు. కొత్త సిల్వర్ పెయింట్ స్కీమ్ బైక్ భారత మార్కెట్లో అందుబాటులోకి ఎప్పుడు వస్తుందో కంపెనీ ఇంకా ప్రకటించలేదు. కానీ ఈ పాపులర్ బైక్ ను కంపెనీ కొత్త కలర్ స్కీమ్‌తో ఇండియాలో విడుదల చేయనున్నట్లు సమాచారం.
ఇండియాలోకి
భారతదేశంలోని యమహా వైజెడ్ఎఫ్-ఆర్ 15 బైక్ కొత్త మెటాలిక్ రెడ్ కలర్ ఆప్షన్‌తో పాటు రేసింగ్ బ్లూ, థండర్ గ్రే, డార్క్ నైట్ అనే మరో మూడు కలర్ ఆప్షన్స్ లో లభిస్తుంది. అంటే, ఈ బైక్ ని ప్రస్తుతం భారతదేశంలో నాలుగు కలర్ ఆప్షన్స్ లో మాత్రమే అందుబాటులో ఉంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
