వుమెన్స్ డే సందర్భంగా మహిళల కోసం హీరో మోటోకార్ప్ స్పెషల్ ఆఫర్.. స్కూటి కొనేవారికి గోల్డెన్ ఛాన్స్..
ప్రపంచ మహిళా దినోత్సవం సందర్భంగా దేశంలోని అతిపెద్ద ద్విచక్ర వాహనాల తయారీ సంస్థ హీరో మోటోకార్ప్ మహిళల కోసం ప్రత్యేకమైన ఆఫర్ తీసుకొచ్చింది. ఇందులో భాగంగా హీరో కంపెనీ స్కూటర్లపై క్యాష్ డిస్కౌంట్ తో పాటు ఎక్స్ఛేంజ్ బోనస్‌ను కూడా అందిస్తోంది. మీరు కూడా కొత్త స్కూటర్ కొనాలని ఆలోచిస్తున్నారా... అయితే ఈ ఆఫర్ మీకు ప్రత్యేక అవకాశంగా ఉంటుంది..
Followఆఫర్ ఏమిటి: కంపెనీ అధికారిక వెబ్‌సైట్‌లో ఇచ్చిన సమాచారం ప్రకారం హీరో స్కూటర్ల కొనుగోలుపై రూ .5,100 క్యాష్ డిస్కౌంట్ ఇస్తున్నారు. అంతే కాకుండా వినియోగదారులు స్కూటర్ల కొనుగోలుపై రూ .3,000 ఎక్స్ఛేంజ్ అండ్ లాయల్టీ బోనస్ కూడా పొందవచ్చు. ఈ ఆఫర్ మహిళలకు మాత్రమే వర్తిస్తుంది ఇంకా వచ్చే మార్చి 12 వరకు చెల్లుతుంది.
హీరో స్కూటర్: ఇండియన్ మార్కెట్లో హీరో మోటోకార్ప్ 3 వేరియంట్లలో ప్లెజర్ ప్లస్ స్కూటి అందుబాటులో ఉంది. ఇది 8 పిఎస్ పవర్, 8.7 ఎన్ఎమ్ టార్క్ ఉత్పత్తి చేసే ఈ స్కూటర్‌లో కంపెనీ 110 సిసి కెపాసిటీ ఇంజన్‌ను అందించింది. దీని ముందు భాగంలో డౌన్ లింక్ సస్పెన్షన్, వెనుక భాగంలో మోనో షాక్ సస్పెన్షన్ ఉంది. ఇది కాకుండా ఈ స్కూటర్ కి డ్యూయల్ షేప్ సీట్లు, మెరుగైన స్టోరేజ్ స్పేస్ కూడా అందించారు.
ప్రత్యేకమైన ఫీచర్లు: హీరో కంపెనీ కొత్త ప్లీజర్ ప్లస్ స్కూటిలో అనేక లేటెస్ట్ ఫీచర్లను జోడించింది, ఇది ఇతర స్కూటర్ల కంటే మెరుగ్గా ఉంటుంది. ఇందులో యుఎస్‌బి ఛార్జింగ్ పోర్ట్, సీటు కింద బూట్ లైట్, తక్కువ పొడవుతో తక్కువ ఎత్తు సీటు, 4.8 లీటర్ల సామర్థ్యంతో ఇంధన ట్యాంక్, 155 ఎంఎం అద్భుతమైన గ్రౌండ్ క్లియరెన్స్, ఎల్‌ఇడి లైటింగ్ వంటి ఫీచర్లు ఉన్నాయి. ఈ స్కూటర్ మొత్తం బరువు కేవలం 104 కిలోలు.
ధర: ఇటీవల కంపెనీ ఈ స్కూటర్ ధరలను అప్‌డేట్ చేసింది. దీని ఎంట్రీ లెవల్ ప్లెజర్ ప్లస్ స్టీల్ వీల్ వేరియంట్ ధర 57,300 రూపాయలు. అలాగే అల్లాయ్ వీల్ వేరియంట్ ధర 59,950 రూపాయలు, టాప్ మోడల్ ప్లాటినం వేరియంట్ ధర 61,950 రూపాయలు (ఎక్స్-షోరూమ్, .ఢీల్లీ). ఈ స్కూటర్ మహిళల్లో బాగా పాపులరిటీ పొందింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
