ఈ నెలలో అప్రిలియా నుండి హయాబుసా వరకు లాంచ్ కానున్న సూపర్ లేటెస్ట్ బైక్స్ ఇవే..
భారతీయ ద్విచక్ర వాహనాల మార్కెట్లో ఏప్రిల్ నెల కాస్త సందడిగా ఉండనుంది. ఎందుకంటే చాలా పెద్ద ఆటోమొబైల్ కంపెనీలు ఈ నెలలో కొత్త బైకులను లాంచ్ చేయలని చూస్తున్నాయి. ఇప్పటికే కరోనా కారణంగా కొన్ని లాంచ్ లు వాయిదా పడ్డాయి.
Followఅయితే ఈ సారి అలా జరగకుండా మరింత ముందస్తు ప్రణాళికలు చేసుకొని జాగ్రత వహిస్తున్నాయి. వీటిలో అప్రిలియా నుండి హయాబుసా వరకు వాటి కొత్త జనరేషన్ బైకులను మార్కెట్లోకి ఎంట్రీ ఇవ్వనున్నాయి.
అప్రిలియా ఎస్ఎక్స్ఆర్ 125
ఇటలీకి చెందిన ప్రముఖ ఆటోమొబైల్ కంపెనీ పియాజియో దేశవ్యాప్తంగా కొత్త స్కూటర్ అప్రిలియా ఎస్ఎక్స్ఆర్ 125 ప్రీ-బుకింగులను ప్రారంభించింది. లూక్స్, డిజైన్ పరంగా అప్రిలియా ఎస్ఎక్స్ఆర్ 125 మాక్సి స్కూటర్ లాంటిది. ఈ స్కూటర్ గత సంవత్సరం లాంచ్ చేసిన 160 సిసి స్కూటర్ ఎస్ఎక్స్ఆర్ 160ల కనిపిస్తోంది.
అయితే ఇంజన్ పరంగా ప్రస్తుతం ఉన్న 125 సిసి స్కూటర్స్ ఎస్ఆర్ 125, స్టార్మ్ 125 లతో ఇది సమానంగా ఉంటుంది. 9 హెచ్‌పి పవర్, 9 ఎన్ఎమ్ పీక్ టార్క్ ఉత్పత్తి చేసే 124.45 సిసి ఇంజిన్ లభిస్తుంది. అప్రిలియా ఎస్ఎక్స్ఆర్ 125ను అప్రిలియా ఎస్ఎక్స్ఆర్ 160 మ్యాక్సీ స్కూటర్ కి 125 సిసి వెర్షన్ అని పిలుస్తారు. ఎస్ఎక్స్ఆర్ 160 మ్యాక్సీ స్కూటర్‌లో లభించే ఫీచర్లు కూడా ఎస్ఎక్స్ఆర్ 125 లో లభిస్తాయని భావిస్తున్నారు.
2021 సుజుకి హయాబుసా
సుజుకి హయాబుసా 2021 బైక్ లాంచ్ తేదీని వెల్లడించకపోయిన, కొత్త జనరేషన్ 2021 సుజుకి హయాబుసా ఈ నెలలో భారతదేశంలోకి రానున్నట్లు సూచించింది. 2021 హయాబుసా కొత్త ఇంజిన్ తో వస్తుంది. కొత్త లుక్స్ అందించారు. ఇన్-లైన్ 4-సిలిండర్ లిక్విడ్-కూల్డ్ డి‌ఓ‌హెచ్‌సిఇంజిన్ గరిష్టంగా 190 పిఎస్ శక్తిని ఉత్పత్తి చేయగలదు. దీనికి మూడు పవర్ మోడ్‌లు, కొత్త ఎల్‌ఇడి హెడ్‌ల్యాంప్‌లు, కొత్త టిఎఫ్‌టి డిస్‌ప్లే లభిస్తాయి. 3 లెవెల్ ఇంజిన్ కంట్రోల్, 10 లెవెల్ యాంటీ-విల్లీ కంట్రోల్, 10 లెవెల్ ట్రాక్షన్ కంట్రోల్ ఉంటాయి.
కే‌టి‌ఎం ఆర్‌సి 390
కే‌టి‌ఎం ఈ రోజుల్లో చాలా బైక్‌లపై పనిచేస్తోంది, అయితే తాజాగా ఆర్‌సి 390ని రోడ్ టెస్ట్ చేయడంతో దానిని ఇండియన్ మార్కెట్లోకి త్వరలోనే తీసుకురాలని సన్నాహాలు చేసినట్లు తెలుస్తుంది. ఈ బైక్ ముందు వైపు నుండి పూర్తిగా మార్చబడింది. ఫ్రంట్ లుక్ కారణంగా ఇంధన ట్యాంక్ ఆకారం కూడా కొద్దిగా మారిపోయింది. డ్యూయల్ ప్రొజెక్టర్ హెడ్‌ల్యాంప్‌లు సింగిల్ ఎల్‌ఈడీ యూనిట్‌తో భర్తీ చేశారు. కానీ ఇంజిన్‌లో ఎటువంటి మార్పు లేదు. దీనికి 373 సిసి సింగిల్ సిలిండర్ లిక్విడ్-కూల్డ్ ఇంజన్ 43 హెచ్‌పి శక్తితో లభిస్తుంది.
టీవీఎస్ అపాచీ ఆర్ఆర్ 310
టీవీఎస్ అపాచీ ఆర్ఆర్ 310 గత వారం లాంచ్ కావాల్సి ఉంది, కానీ కోవిడ్ -19 కారణంగా వాయిదా పడింది. కొత్త వెర్షన్ ధర పాతదానికంటే కనీసం 5000 రూపాయలు అధికంగా ఉంటుంది.
డుకాటీ డయావెల్, ఎక్స్‌డియావెల్
డుకాటీ ఈ నెలలో ఎక్స్‌డివెల్ రేంజ్ ని కూడా అప్‌డేట్ చేయవచ్చు. గతేడాది నవంబర్‌లోనే దీనిని లాంచ్ చేశారు. అయితే భారత మార్కెట్లోకి డెవెల్, ఎక్స్‌డివెల్ 2021 తీసుకురావడానికి దాదాపు అన్నీ సన్నాహాలు పూర్తయ్యాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
