Kia EV6:ఇంటెర్నేషనల్ ఫీచర్లతో కియా మొదటి ఎలక్ట్రిక్ కారు.. ఈ 5 స్టార్ రేటింగ్ కార్ ధర, ఫీచర్లు వావ్..

కియా ఇండియా  మొట్టమొదటి ఎలక్ట్రిక్ కార్ ఆల్-న్యూ EV6ని భారత మార్కెట్లో విడుదల చేసింది. కియా కొత్త EV6 ధరలను జూన్ 2న అంటే నేడు అధికారికంగా ప్రకటించింది. అయితే లాంచ్ ముందే కియా రాబోయే ఎలక్ట్రిక్ కారు ధర ఇంటర్నెట్‌లో లీక్ అయింది. 

మీడియా నివేదికల ప్రకారం, Kia EV6  ఎంట్రీ-లెవల్ RWD వేరియంట్ ఎక్స్-షోరూమ్ ధర రూ. 65 లక్షలు. టాప్-ఎండ్ AWD వేరియంట్ ధర రూ. 70 లక్షలు. తాజాగా భారత్‌లో ప్రవేశపెట్టిన బిఎమ్‌డబ్ల్యూ ఐ4 ధర కూడా రూ.70 లక్షలు. ఈ ధర ట్యాగ్‌తో మాస్-సెగ్మెంట్ బ్రాండ్‌లో అమ్మకాల సంఖ్యలను చూడటం ఆసక్తికరంగా ఉంటుంది

కియా మొదట భారత మార్కెట్లో కొత్త EV6 100 యూనిట్లను మాత్రమే విక్రయిస్తుంది. అయితే  దీనికి ఉత్పత్తి సంబంధిత సమస్యల  లేక మరేదైనా కారణమా అనేది స్పష్టంగా తెలియరాలేదు. కియా ఇండియాలో సెల్టోస్ అండ్ కారెన్స్ వంటి ప్రముఖ కార్ల కోసం నెలల తరబడి వెయిటింగ్ పీరియడ్ ఉంది. నివేదిక ప్రకారం, కారెన్స్ బుకింగ్‌ను రద్దు చేసి తక్కువ వెయిటింగ్ పీరియడ్‌తో ప్రత్యర్థి మోడల్‌ను కొనుగోలు చేసిన కస్టమర్లు చాలా మంది ఉన్నారు.

Kia కొత్త EV6 AWD  డెలివరీలను సెప్టెంబర్ 2022లో ప్రారంభిస్తుంది. RWD వేరియంట్‌ని సెలెక్ట్ చేసుకునే కస్టమర్‌లు డిసెంబర్ 2022 నుండి కారు డెలివరీ పొందుతారు. కొత్త Kia EV6 దేశవ్యాప్తంగా 12 నగరాల్లోని 15 డీలర్‌షిప్‌లలో అందుబాటులో ఉంటుంది. ఇప్పుడు EV6ని బుక్ చేసుకునే కస్టమర్‌లు దాదాపు 10 నెలల్లో కారు డెలివరీ పొందుతారు. 

అయితే, కియా కొత్త EV6 కోసం ధరను వెల్లడించకుండా బుకింగ్‌లు తీసుకోవడం ప్రారంభించింది. అయితే ధర నచ్చకపోతే బుకింగ్‌ను రద్దు చేసుకునే కస్టమర్లు అందుకు భారీగానే చెల్లించాల్సి ఉంటుంది. 

EV6 బుక్ చేసుకోవడానికి కియా రూ. 3 లక్షలు వసూలు చేస్తోంది. కస్టమర్ బుకింగ్‌ను రద్దు చేసి డబ్బును తిరిగి పొందాలని నిర్ణయించుకుంటే అతను రద్దు ఛార్జీగా రూ. 50,000 చెల్లించాలి. EV6 కోసం 300కి పైగా బుకింగ్‌లు వచ్చాయని కియా పేర్కొంది.

5-స్టార్ రేటింగ్
Kia ప్రస్తుతం దేశంలో సోనెట్ (sonet), సెల్టోస్ (seltos), కార్నివాల్ (carnival), కేరెన్స్ (carens) వంటి ICE (ఇంటర్నల్ కంబషన్ ఇంజిన్) కార్లను మాత్రమే విక్రయిస్తోంది. EV6 భారతదేశంలో కంపెనీ  5వ కారు. అయితే, కంపెనీ భారతీయ పోర్ట్‌ఫోలియోలో ఇదే మొదటి పూర్తి ఎలక్ట్రిక్ కారు. కంపెనీ ఇప్పటికే  ఎలక్ట్రిక్ కార్ EV6ని ప్రపంచ మార్కెట్లలో ప్రవేశపెట్టింది. భారతీయ మార్కెట్లో, ఈ మోడల్ CBU (పూర్తిగా నిర్మించబడింది) మార్గంలో విక్రయించబడుతుంది. తరువాత కంపెనీ స్థానిక ప్లాంట్‌లో అసెంబుల్ చేయబడుతుంది. దేశంలో ఎలక్ట్రిక్ కారును విడుదల చేయడానికి ముందు, ANCAP ఇటీవల జరిగిన క్రాష్ టెస్ట్‌లో EV6కి 5-స్టార్ రేటింగ్ ఇచ్చింది.

లుక్ అండ్ డిజైన్
కారు  ఎక్స్టీరియర్ డిజైన్ కి వస్తే EV6 చాలా కాంటెంపరరీ డిజైన్‌తో వస్తుంది, దీని ప్రధాన ఆకర్షణ బ్యాక్ టెయిల్‌గేట్ నుండి బయటకు వచ్చే కనెక్ట్ చేసే టెయిల్‌లైట్లు. మోడల్ ముందు భాగంలో  ఎయిర్ డ్యామ్ పైన  స్లిమ్ గ్రిల్‌తో LED హెడ్‌ల్యాంప్‌లు ఉన్నాయి. ఈ మోడల్ భారీ 19-అంగుళాల అల్లాయ్ వీల్స్‌ పొందింది, ఇంకా  స్పోర్టీ లుక్‌ను జోడిస్తుంది. కారు మొత్తం లేఅవుట్ చాలా ఆధునికమైనది. 

ప్రపంచవ్యాప్తంగా Kia EV6 బ్యాటరీ 
ఈ మోడల్ అంతర్జాతీయంగా రెండు బ్యాటరీ ప్యాక్‌లలో అందించబడుతుంది, ఇందులో 58kWh యూనిట్ అండ్ 77.4kWh యూనిట్ ఉన్నాయి. అయితే, భారతీయ మార్కెట్లో విక్రయించే మోడల్  అధికారిక కాన్ఫిగరేషన్‌ను కంపెనీ ఇంకా ధృవీకరించలేదు. 

అంతర్జాతీయ ఫీచర్లు
ఈ కారులో రెండు 12.3-అంగుళాల స్క్రీన్‌లు (ఇన్‌స్ట్రుమెంట్ క్లస్టర్ అండ్ ఇన్ఫోటైన్‌మెంట్ సిస్టమ్‌కు ఒక్కో యూనిట్), రెండు-స్పోక్ మల్టీఫంక్షన్ స్టీరింగ్ వీల్, అలాగే రీజెన్ ఫంక్షన్ కోసం ప్యాడిల్ షిఫ్టర్‌లు అందించబడతాయి. ఎలక్ట్రిక్ సన్‌రూఫ్, డ్యూయల్-జోన్ క్లైమేట్ కంట్రోల్, UV-కట్ గ్లాస్, వెంటిలేటెడ్ ఫ్రంట్ సీట్లు, డ్రైవ్ మోడ్‌లు, ఆటో-హోల్డ్ ఫంక్షన్‌తో కూడిన ఎలక్ట్రిక్ పార్కింగ్ బ్రేక్ వంటి కొన్ని ఇతర కీలక క్యాబిన్ హైలైట్‌లు కారు లోపల ఉన్నాయి. ఈ ఫీచర్లు అండ్ స్పెసిఫికేషన్‌లు అంతర్జాతీయ-స్పెక్ మోడల్‌కు చెందినవి. ఇంకా భారతదేశంలో విక్రయించబడే EV6 కొన్ని విభిన్న ఫీచర్స్ తో ఉండవచ్చు.