మీ కారు మైలేజీ పెరగాలంటే ఈ 10 ముఖ్యమైన విషయాలు, చిట్కాలు తెలుసుకోండి..

First Published Mar 2, 2021, 5:53 PM IST

పెట్రోల్, డీజిల్ ధరలు గత కొద్దిరోజులుగా వరుస పెంపుతో తార స్థాయికి పెరిగాయి. ఇంధన ధరలు పెరగడం వల్ల కారు లేదా ద్విచక్ర వాహనం నడపడం ఖర్చుతో కూడుకున్నదిగా మారింది. కొన్ని రాష్ట్రాల్లో పెట్రోల్ ధర లీటరుకు 100 రూపాయలకు చేరుకుంది. సామాన్య ప్రజలు, ప్రతిపక్షాలు దీనిని వ్యతిరేకిస్తున్నాయి. ఇలాంటి సమయంలో మీరు మీ డ్రైవింగ్ అలవాట్లను మెరుగుపరుచుకుంటే లేదా కొన్ని సాధారణ తప్పులు చేయకపోతే మీరు ఇంధన రూపంలో డబ్బు ఆదా చేయవచ్చు. ఇది మీ వాహనం మైలేజీని కూడా పెంచడానికి సహాయపడుతుంది. ఇందుకు మీకు సహాయపడే కొన్ని చిట్కాలు మీకోసం...

వాహనాన్ని స్థిరమైన వేగంతో నడపడం అనేది వాహనం మైలేజీని మెరుగుపరచడానికి ఒక ముఖ్యమైన మార్గంగా పరిగణించవచ్చు. వాహనం వేగం అకస్మాత్తుగా పెరగడం లేదా ఆకస్మిక బ్రేకింగ్ మైలేజ్ తగ్గడానికి కారణం కావచ్చు.

సరైన సమయంలో గేర్‌ను మార్చండి
మాన్యువల్ గేర్ ట్రాన్స్‌మిషన్ ఉన్న వాహనాల్లో స్పీడ్ తో పాటు గేర్‌ను మార్చడం అవసరం. కానీ ఈ రోజుల్లో వస్తున్న కొత్త కార్లలో గేర్‌ను ఏ స్పీడ్ లో మార్చాలి లేదా గేర్ డౌన్ చేయాలో డ్రైవర్ కి చూపిస్తుంది. కానీ పాత వాహనాల ఇంజన్లలో అనవసరమైన శబ్దం రాని విధంగా నడపాలి.

ట్రాఫిక్ సిగ్నల్ వద్ద 30 సెకన్ల కంటే ఎక్కువ సమయం ఉంటే అప్పుడు ఇంజిన్ ఆఫ్ చేయడం సరైనది. ట్రాఫిక్ సిగ్నల్ వద్ద ఇంజన్‌ను ఒక గంట పాటు ఆన్ లో ఉంచడం వల్ల 150 రూపాయల ఇంధనం వృధా అవుతుందని అధ్యయనాలు చెబుతున్నాయి. సిగ్నల్ వద్ద కారు ఇంజన్ ఆఫ్ చేయడం ఇంధనాన్ని ఆదా చేస్తుంది ఇంకా కాలుష్యానికి కూడా నివారిస్తుంది.

టైర్ లో గాలిని చెక్ చేయండి
వాహనం నడుపుతున్నప్పుడు డ్రైవర్ శ్రద్ధ వహించాలి. వాహనం టైర్ ప్రేజర్ ఎల్లప్పుడూ కంపెనీ తెలిపిన చేసిన ప్రకారం ఉండాలి. అలాగే వాహనాన్ని ఎక్కడికైనా తీసుకెళ్లే ముందు గాలిని తనిఖీ చేయడం మంచిది. లేకపోతే, కనీసం వారానికి ఒకసారి టైర్ యొక్క గాలి పీడనాన్ని తనిఖీ చేయడం ఎల్లప్పుడూ ప్రయోజనకరంగా ఉంటుంది. ఎందుకంటే వాహనం యొక్క ఇంజిన్‌పై తక్కువ ఒత్తిడి ఉంటుంది మరియు మైలేజ్ తగ్గుతుంది.

ఎసిని ఆఫ్ చేయడం
చాలా మంది కారులో అవసరం లేనప్పుడు కూడా ఎయిర్ కండీషనర్‌ను ఆన్‌లో ఉంచుతారు. ఇలా చేయడం ద్వారా కారు ఎక్కువ ఇంధనాన్ని వినియోగిస్తుంది. ఉదయం లేదా సాయంత్రం డ్రైవింగ్ చేసేటప్పుడు వాతావరణం బాగుంటే కారులో ఎయిర్ కండీషనర్ ఆఫ్ చేయాలి. ఇలా చేయడం ద్వారా మీరు ఇంధనాన్ని ఆదా చేయవచ్చు.

మీరు ప్రతిరోజూ ప్రయాణించే వారు అయితే ట్రాఫిక్ పర్యవేక్షణ కోసం ఏదైనా యాప్ ఉపయోగించండి . మీరు జి‌పి‌ఎస్ నావిగేషన్‌ను ఆన్ చేస్తే ట్రాఫిక్ ఇబ్బందులు లేకుండా చాలా సహాయపడుతుంది ఇంకా అధిక ట్రాఫిక్ రోడ్లలో ప్రయాణించడాన్ని నివారించవచ్చు. ట్రాఫిక్ యాప్ లో వాహనదారులకు ట్రాఫిక్ ఏ మార్గాల్లో అధికంగా ఉందో చూపిస్తుంది, అలాగే అతి తక్కువ దూరం ఉన్న మార్గాన్ని సూచింస్తుంది, అలాగే వాహన ఇంధనాన్ని ఆదా చేయడంలో సహాయపడుతుంది.

సర్వీసింగ్
మీకు కారు మైలేజ్ పడిపోకుండా ఉండాలంటే మీ కారు ఇంజిన్, క్లచ్, గేర్ మొదలైనవి సరిగ్గా పనిచేయడం చాలా ముఖ్యం. ఇందుకు కారుని ఎప్పటికప్పుడు సర్వీసింగ్ చేయించాల్సి ఉంటుంది. ఆథరైజేడ్ వర్క్‌షాప్ లేదా మెకానిక్ చేత సర్వీసింగ్‌ను ఎప్పటికప్పుడు చేపించండి. వాహనం ఇంజిన్ ఆయిల్‌ను కూడా ఎప్పటికప్పుడు మార్చడం, ఇంధన వ్యవస్థను తనిఖీ చేయడం, పాత ఫిల్టర్‌లను మార్చడం వంటి వాటి ద్వారా వాహనం మైలేజ్ మెరుగుపడుతుంది.

ఇంధన నాణ్యత
మీ వాహనాన్ని షాపులలో విక్రయించే పెట్రోల్ లేదా రోడ్‌సైడ్ పెట్రోల్ తో నింపడం మానుకోండి. ఎందుకంటే ఈ ప్రదేశాలలో ఇంధన కల్తీ చేసే అవకాశాలు మనం చూస్తుంటాం. ఎక్కువగా రాత్రి లేదా ఉదయం సమయంలో పెట్రోల్ నింపడానికి ప్రయత్నించండి. ఎందుకంటే పెట్రోల్ లేదా డీజిల్ రాత్రి సమయంలో మందంగా ఉంటుంది.

ఫాస్ట్ ట్యాగ్
ప్రస్తుతం ఫాస్ట్ ట్యాగ్ వాహనాలకు తప్పనిసరి, ఎందుకంటే ఈ ఆర్‌ఎఫ్‌ఐ‌డి ఫాస్ట్ ట్యాగ్ స్టిక్కర్లు మీ కారును టోల్ ప్లాజా వద్ద ఎక్కువసేపు ఆగకుండా నివారిస్తాయి. ఇంకా క్యాష్ పేమెంట్ మార్గాల ద్వారా వెళ్లడం నివారించవచ్చు, ఎందుకంటే ఇక్కడ కారు మొదటి గేర్‌లో నెమ్మదిగా కదలాలి ఇంకా ఇది ఇంధన వినియోగాన్ని పెంచుతుంది.