ప్రభుత్వ ఉద్యోగులకు బంపర్ ఆఫర్.. బైక్స్ పై మూడేళ్లపాటు మెయింటెనెన్స్ ఫ్రీ..
వాయు కాలుష్యం ప్రపంచం మొత్తనికి ఒక పెద్ద సవాలు. ప్రపంచవ్యాప్తంగా ఉన్న అన్నీ దేశాల ప్రభుత్వాలు వాయు కాలుష్యాన్ని తగ్గించేందుకు ప్రభావవంతమైన చర్యలు తీసుకుంటున్నాయి. వాటిలో ఒకటి కార్బన్ ఉద్గారాలను తగ్గించే లక్ష్యం.
Followఇందుకు ప్రపంచవ్యాప్తంగా ఉన్న ప్రభుత్వాలు తమ దేశాలలో ఎలక్ట్రిక్ వాహనాల (ఇవి) వాడకాన్ని ప్రోత్సహించడానికి విధానాలు రూపొందిస్తున్నాయి. ఇండియాలో ఎలక్ట్రిక్ వాహనాలను ప్రోత్సహించడానికి విధానాలను రూపొందించిన మొదటి రాష్ట్రం ఢీల్లీ. ఇప్పుడు ఆంధ్రప్రదేశ్ ప్రభుత్వం కూడా ఈ దిశగా ముందుకు వచ్చింది.
రాష్ట్రంలో విద్యుత్ వాహనాలను ప్రోత్సహించే ప్రయత్నంలో ఆంధ్రప్రదేశ్ ప్రభుత్వం కూడా పెద్ద అడుగు వేయబోతోంది. కేంద్ర ప్రభుత్వ సంస్థల సహాయంతో రాష్ట్ర ప్రభుత్వ ఉద్యోగులకు ఇఎంఐ ప్రాతిపదికన ఎలక్ట్రిక్ ద్విచక్ర వాహనాలను అందించే ప్రణాళికను ఆంధ్రప్రదేశ్ ప్రభుత్వం పరిశీలిస్తోంది. అయితే ఈ ప్రణాళికలు ప్రస్తుత ప్రభుత్వ ఉద్యోగులకు మాత్రమే కాకుండా సహకార సంస్థలు, ప్రభుత్వ రంగ సంస్థలు, పెన్షనర్లు కూడా అందించనుంది.
ఈ ఎలక్ట్రిక్ ద్విచక్ర వాహనాలు ఒకసారి ఫుల్ ఛార్జింగ్ తో 40 నుండి 100 కిలోమీటర్ల దూరం ప్రయాణించగలవు. అంతేకాకుండా ఈ ఎలక్ట్రిక్ వాహనాలపై మూడేళ్ల వరకు నిర్వహణ కూడా ఉచితంగా అందించనున్నారు. దీనివల్ల ఎలక్ట్రిక్ వాహనాల యజమానులకు నిర్వహణ భారం నుండి ఉపశమనం లభిస్తుంది. ఎలక్ట్రిక్ ద్విచక్ర వాహనాల మొత్తం ధరను 24 నుండి 60 నెలల్లో తిరిగి చెల్లించవచ్చు.
ఇఎంఐ పథకాన్ని నిర్వహించడానికి కొత్త, పునరుత్పాదక ఇంధన అభివృద్ధి కార్పొరేషన్ ఎపి లిమిటెడ్ (ఎన్‌ఆర్‌ఇడిసిఎపి) కు అధికారం ఉంటుందని ఆంధ్రప్రదేశ్ రాష్ట్ర ఇంధన కార్యదర్శి శ్రీకాంత్ నాగులపల్లి తెలిపారు. ఈ పథకాన్ని విజయవంతం చేయడానికి రాష్ట్ర ప్రభుత్వం ముఖ్యంగా గ్రామీణ ప్రాంతాలపై దృష్టి పెట్టనుంది. ఇక్కడ గ్రామ లేదా వార్డ్ సెక్రటేరియట్ సిబ్బంది, ఇతర తక్కువ వేతన ఉద్యోగులు ఈ పథకం పొందవచ్చు. ఈ పథకానికి సంబంధించి ఆంధ్రప్రదేశ్ ప్రభుత్వం త్వరలోనే అధికారిక నోటీసు జారీ చేయనుంది.
ఎనర్జీ ఎఫిషియెన్సీ సర్వీసెస్ లిమిటెడ్ (ఇఇఎస్ఎల్) ఈ ప్రాజెక్టులో చాలా సన్నిహిత భాగస్వామిగా ఉంటుంది. ఈ‌ఈ‌ఎస్‌ఎల్ అనేది భారతదేశం అంతటా విద్యుత్ ప్రోత్సహించడానికి పనిచేస్తున్న కేంద్ర ప్రభుత్వ సంస్థ.
ఆంధ్రప్రదేశ్ ఇప్పటికే ఎలక్ట్రిక్ వాహనాల విధానాన్ని విడుదల చేసింది. సరఫరా ఇంకా డిమాండ్ వైపు ఇ-మొబిలిటీ ఎకోసిస్టమ్ వాటాదారులను ప్రోత్సహించడం ద్వారా రాష్ట్రాన్ని ఎలక్ట్రిక్ మొబిలిటీ హబ్‌గా మార్చాలని లక్ష్యంగా పెట్టుకుంది. ఎలక్ట్రిక్ వాహనాల పార్కులను అభివృద్ధి చేయడానికి 500 నుండి 1,000 ఎకరాల భూమిని కేటాయించాలని ఆంధ్రప్రదేశ్ ప్రభుత్వం ప్రతిపాదించింది, ఇందులో ప్లగ్-అండ్-ప్లే ఇంటర్నల్ మౌలిక సదుపాయాలు, సాధారణ సౌకర్యాలు, ఔటర్ మౌలిక సదుపాయాలు కూడా ఉంటాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
