కార్ అండ్ బైక్ అవార్డ్స్ 2021: కార్ ఆఫ్ ది ఇయర్ అవార్డ్ గెల్చుకున్న కియా సోనెట్..

కియా మోటర్స్ కార్పొరేషన్ కి చెందిన కియా సోనెట్‌కు ప్రతిష్టాత్మక 2021 సిఎన్‌బి కార్ ఆఫ్ ది ఇయర్ అవార్డు లభించింది. దక్షిణ కొరియా కార్ల తయారీ సంస్థ నుండి వచ్చిన పాపులర్ మోడల్ ఈ ఏడాది 2021 సిఎన్‌బి సబ్‌కాంపాక్ట్ ఎస్‌యూవీ ఆఫ్ ది ఇయర్ అవార్డును సొంతం చేసుకుంది. ఈ సంవత్సరం కియా సోనెట్ హ్యుందాయ్ ఐ20, మహీంద్రా థార్, హోండా సిటీ, వోక్స్వ్యాగన్ టి-ఆర్‌ఓసి, వోక్స్వ్యాగన్ టిగువాన్ ఆల్ స్పేస్, బిఎమ్‌డబ్ల్యూ 220డి వాటికి గట్టి పోటీగా నిలిచింది.

S Ashok Kumar

Hyderabad, First Published Mar 20, 2021, 11:39 AM IST | Last Updated Mar 20, 2021, 11:39 AM IST

కియా సోనెట్ మూడు పవర్‌ట్రెయిన్ ఆప్షన్స్ లో అందించబడుతుంది - 1.2-లీటర్ పెట్రోల్ ఇంజన్, 1.0-లీటర్ టి-జిడిఐ టర్బోచార్జ్డ్ పెట్రోల్ ఇంజన్, 1.5-లీటర్ డీజిల్ మోటారు డబ్ల్యుజిటితో మాన్యువల్‌ ఇంకా విజిటి ఆటోమేటిక్‌లో అందిస్తోంది. 1.2-లీటర్ పెట్రోల్ ఇంజన్ 6,300 ఆర్‌పిఎమ్ వద్ద 82 బిహెచ్‌పి అలాగే 4200 ఆర్‌పిఎమ్ వద్ద 115 ఎన్‌ఎమ్ గరిష్ట టార్క్ ఉత్పత్తి చేస్తుంది, దీనికి 5-స్పీడ్ మాన్యువల్ గేర్‌బాక్స్‌ స్టాండర్డ్ గా వస్తుంది. ఇప్పుడు మరింత శక్తివంతమైన టర్బోచార్జ్డ్ 1.0-లీటర్ జిడిఐ ఇంజన్ 6000 ఆర్‌పిఎమ్ వద్ద 118 బిహెచ్‌పి, 1500-4000 ఆర్‌పిఎమ్ వద్ద 172 ఎన్‌ఎమ్లను అందిస్తుంది. కియా ఈ ఇంజన్‌తో రెండు ట్రాన్స్‌మిషన్ ఆప్షన్లను అందిస్తుంది. ఇందులో ఒకటి 6-స్పీడ్ ఐఎమ్‌టి (ఇంటెలిజెంట్ మాన్యువల్ ట్రాన్స్‌మిషన్) మరొకటి 7-స్పీడ్ డిసిటి ఆటోమేటిక్.

డీజిల్-శక్తితో పనిచేసే కియా సోనెట్ రెండు వెర్షన్లను పొందుతుంది. ఇందులో 1.5-లీటర్ సిఆర్‌డిఐ డబ్ల్యుజిటి (వేస్ట్-గేట్ టర్బోచార్జర్) ఇంకా 1.5-లీటర్ సిఆర్‌డిఐ విజిటి (వేరియబుల్-జియోమెట్రి టర్బోచార్జర్). మొదటి వెర్షన్ 4000 ఆర్‌పిఎమ్ వద్ద 99 బిహెచ్‌పి, 1500 నుండి 2750 ఆర్‌పిఎమ్ వద్ద 240 ఎన్‌ఎమ్ గరిష్ట టార్క్ అందించడానికి ట్యూన్ చేయబడింది, దీనికి 6-స్పీడ్ మాన్యువల్ గేర్‌బాక్స్‌ స్టాండర్డ్ గా అందించారు. 1.5-లీటర్ సిఆర్‌డిఐ విజిటి ఇంజన్ 4000 ఆర్‌పిఎమ్ వద్ద 113 బిహెచ్‌పి, 1500-2750 ఆర్‌పిఎమ్ వద్ద 250 ఎన్ఎమ్ పీక్ టార్క్ ఇస్తుంది, దీనికి 6-స్పీడ్ ఆటోమేటిక్ టార్క్ కన్వర్టర్‌తో అందించారు.

కియా సోనెట్ రెండు ముఖ్యమైన ట్రిమ్‌లలో అందింస్తున్నారు. అందులో ఒకటి జిటి-లైన్ రెండోది టెక్-లైన్. మొదటిది టాప్-స్పెక్ వేరియంట్, జిటిఎక్స్ + లో మాత్రమే అందించబడుతుంది, తరువాత 5 కీ వేరియంట్‌లలో వస్తుంది ఇందులో హెచ్‌టిఇ, హెచ్‌టికె, హెచ్‌టికె + , హెచ్‌టి‌ఎక్స్ ఇంక్ హెచ్‌టి‌ఎక్స్ + ఉన్నాయి. ప్రస్తుతం భారతదేశంలో కియా సోనెట్ ప్రారంభ ధర రూ.6.79 లక్షల నుండి మోదలై రూ.13.19 లక్షల వరకు ఉంటుంది.