BYD EV Factory మరీ అంత పెద్ద ఈవీ ఫ్యాక్టరీనా? ప్రపంచంలోనే దీన్ని మించింది లేదు!

BYD to build largest EV factory : చైనా వాడిది బుర్రే బుర్ర. ఏం చేసినా ప్రపంచం అబ్బురపడేలా ఉంటుంది. బ్యాటరీ వాహనాల తయారీలో ఇప్పటికే ప్రపంచమంతటికీ వాహనాలు ఎగుమతి చేస్తున్న చైనా బీవైడీ సంస్థ ప్రపంచంలోనే అతి పెద్ద ఈవీ ఫ్యాక్టరీని కడుతోంది. దీనికి సంబంధించిన వీడియో సోషల్ మీడియాలో వైరల్ అవుతోంది.

ఈవీ కార్లు, బీవైడీ కార్లు

రోజురోజుకూ ఈవీల వాడకం, అవసరం పెరుగుతోంది. దీనివల్ల ఈవీ కంపెనీల ఉత్పత్తి కూడా పెరుగుతోంది. చైనాలోని జెంగ్‌జౌలో బీవైడీ కడుతున్న పెద్ద ఈవీ ఫ్యాక్టరీ వీడియో వైరల్ అవుతోంది. ఈ ఈవీ ఫ్యాక్టరీ శాన్ ఫ్రాన్సిస్కో ఉన్న ఫ్యాక్టరీ కంటే పెద్దది.

ఈ బీవైడీ ఫ్యాక్టరీ 32,000 ఎకరాలు లేదా 50 చదరపు మైళ్ల విస్తీర్ణంలో ఉంటుంది. చైనా ఈవీ ఉత్పత్తి సంస్థ బీవైడీ జెంగ్‌జౌలో తన ఈవీ ఫ్యాక్టరీని విస్తరిస్తోంది. వీడియోలో ఎత్తైన నివాస స్థలాలు, ఉత్పత్తి సదుపాయాలు, టెన్నిస్, ఫుట్‌బాల్ మైదానాలు ఉన్నాయి. ఇంకా, నిర్మాణానికి సంబంధించిన దృశ్యాలు కనిపిస్తున్నాయి.

ది సన్ పత్రిక ప్రకారం, టెస్లా నెవాడా గిగా ఫ్యాక్టరీ 4.5 చదరపు మైళ్ల కంటే పెద్దదిగా జెంగ్‌జౌలో కడుతున్న ఈవీ ఫ్యాక్టరీ 32,000 ఎకరాలు లేదా 50 చదరపు మైళ్ల విస్తీర్ణంలో ఉంటుంది. ఇది 46.9 చదరపు మైళ్ల శాన్ ఫ్రాన్సిస్కో ఫ్యాక్టరీ కంటే పెద్దది.

8 విభాగాలుగా కడుతున్న ఈ ఫ్యాక్టరీలో చివరి 4 దశలు ప్రస్తుతం జరుగుతున్నాయి. బీవైడీలో 900,000 మందికి పైగా ఉద్యోగులు ఉన్నారు. ఈ ఏడాదిలో బీవైడీ సంస్థ జెంగ్‌జౌలో 20,000 మంది కొత్త ఉద్యోగులను తీసుకుంది.

జెంగ్‌జౌ ఫ్యాక్టరీలో తయారైన మొదటి వాహనం సాంగ్ ప్రో డీఎం. దీని ధర రూ.19.7 లక్షలు. దీనికి మంచి స్పందన రావడంతో ఈవీ ఉత్పత్తి పెరిగింది. గత ఏడాది 3.6 మిలియన్ ఈవీ వాహనాలను అమ్మాలని లక్ష్యంగా పెట్టుకుంటే, సంవత్సరాంతానికి 4.25 మిలియన్లకు పెరిగింది. ఈ నేపథ్యంలో ఈవీ వాహనాల అమ్మకాలను పెంచడానికి బీవైడీ 2025లో 5.25 మిలియన్ కార్లను అమ్మాలని లక్ష్యంగా పెట్టుకుంది.