ఇండియాలోకి ఇటాలియన్ బైక్ బెనెల్లి లియోన్సినో 500 లాంచ్.. ఈ సూపర్ బైక్ ధర, ఫీచర్స్ తెలుసా..
ఇటలీకి చెందిన సూపర్ బైక్ తయారీ సంస్థ బెనెల్లి ఇండియా గురువారం కొత్త లియోన్సినో 500 బిఎస్ 6 బైకుని విడుదల చేసింది. ఈ సూపర్‌బైక్‌ను సింగిల్ వేరియంట్, రెండు కలర్ ఆప్షన్స్ తో పరిచయం చేశారు. దీని ధర గతంలో లాంచ్ చేసిన బిఎస్ -4 కంటే 20,000 ఎక్కువ.
Followకొత్త బైకుల ధరలు పరిచయ ధర అని కంపెనీ తెలిపింది. కాబట్టి భవిష్యత్తులో బైక్ ధర పెరిగే అవకాశం ఉంది. ఇటాలియన్ మోటారుసైకిల్ సంస్థ బెనెల్లి ఇప్పుడు పూర్తిగా చైనా అతిపెద్ద ద్విచక్ర వాహనాల తయారీ సంస్థ కియాన్‌జియాంగ్ గ్రూప్ యాజమాన్యంలో ఉంది.
కలర్ ఇంకా ధర
బెనెల్లి లియోన్సినో 500 బిఎస్ 6 బైక్ రెండు కలర్ ఆప్షన్లతో అందిస్తున్నారు. ఇందులో స్టీల్ గ్రే, లియోన్సినో రెడ్ ఉన్నాయి. స్టీల్ గ్రే కలర్‌లో ఉన్న లియోన్సినో 500 బిఎస్ 6 బైక్ ఎక్స్-షోరూమ్ ధర రూ .4,59,900. లియోన్సినో రెడ్ కలర్‌లో ఉన్న బైక్ ఎక్స్-షోరూమ్ ధర రూ .4,69,900. కొత్త బైక్‌పై మూడేళ్ల, ఆన్ లిమిటెడ్ కిలోమీటర్ల వారంటీని కంపెనీ అందిస్తోంది.
బుకింగ్
లియోన్సినో 500 బిఎస్ 6 బైక్‌ను టోకెన్ మొత్తంలో రూ .10వెలతో బుకింగ్ ప్రారంభించింది. మీరు ఈ బైక్ కొనాలనుకుంటే మీరు ఆథరైజేడ్ బెనెల్లి డీలర్‌షిప్‌కు వెళ్లవచ్చు లేదా కంపెనీ వెబ్‌సైట్‌లో ఆన్‌లైన్ బుకింగ్ చేసుకోవచ్చు.
ఇండియాలో మూడవ మోడల్
బెనెల్లి ఇండియా లైనప్‌లో లియోన్సినో 500 బిఎస్ 6 మూడవ మోడల్. లియోన్సినో చాలా కాలంగా భారత మార్కెట్లో అమ్ముడవుతోంది. కానీ దేశంలో అమలు చేసిన కఠినమైన బిఎస్ 6 ఉద్గార ప్రమాణాలను అనుసరించి 2020 ఏప్రిల్ నుండి దీనిని నిలిపివేశారు.
ఇంజన్
కొత్త లియోన్సినో 500 బిఎస్ 6 బైక్ 500 సిసితో, ట్విన్ సిలిండర్ ఇంజన్ లభిస్తుంది. ఇప్పుడు బిఎస్ -6 ఇంధన ఉద్గార ప్రమాణాలతో వస్తుంది. ఈ ఇంజన్ గరిష్టంగా 8,500 ఆర్‌పిఎమ్ వద్ద 47.5 పిఎస్ శక్తిని, 6,000 ఆర్‌పిఎమ్ వద్ద 46 ఎన్‌ఎమ్ గరిష్ట టార్క్ ఉత్పత్తి చేస్తుంది. ఈ ఇంజన్‌కి 6-స్పీడ్ గేర్‌బాక్స్ అందించారు. ఆధునిక డిజైన్, పనితీరుతో బెనెల్లిలో లియోన్సినో 500కి చాలా ప్రత్యేకమైన స్థానం ఉంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
