Zodiac sign: బంధాల విలువ వీరికి తెలీదు..!

జీవితంలో ఎవరి తోడు లేకుండా ఒంటరిగా జీవించడం అనేది అతి పెద్ద శిక్ష అనే చెప్పాలి. కొందరు.. తమకంటూ ఎవరూ లేరని బాధపడుతూ ఉంటారు. కానీ కొందరు తమతో ఉన్న బంధాలను సరిగా నిలపెట్టుకోలేరు. దీర్ఘకాలిక సంబంధాలను వీరు భరించలేరు. జీవితాంతం ఒక వ్యక్తికి కట్టుబడి ఉండాలనే ఆలోచన వింటేనే వీరు దూరంగా పారిపోతారు. జోతిష్యశాస్త్రం ప్రకారం... ఈ కింద రాశుల వారు అర్థవంతమైన బంధాన్ని కాపాడుకోవడంలో వెనకపడతారు. మరి ఆ రాశులేంటో ఓసారి చూద్దాం...

1.వృషభ రాశి..

ఈ రాశి వారు చాలా మొండి పట్టుదలగలవారు. అందరిపై  డిమాండ్ చేస్తూ ఉంటారు. వీరు తమతో ఉన్న బంధాలని సరిగా నిలుపుకోలేరు. ఒకరి విషయంలో వీరు ఏదైనా  నిర్ణయం తీసుకుంటే.. వారు ఆ విషయంలో మళ్లీ వెనక్కి తగ్గరు. ముఖ్యమైన నిర్ణయాలు, కెరీర్‌ల పరంగా ఇది చాలా సానుకూల లక్షణం అయినప్పటికీ, ఇది సంబంధానికి చాలా హానికరం. ఈ రాశివారు తమ మొండి పట్టుదల కారణంగా.. తమ భాగస్వామి చెబుతున్న ఏ విషయాన్ని కూడా కనీసం వినాలని అనుకోరు. తమ నిర్ణయమే ఫైనల్ అన్నట్లుగా ప్రవర్తిస్తారు. 

2.మిథున రాశి..
ఈ రాశి వారు నిబద్ధతతో కూడిన సంబంధంలో ఎక్కువ కాలం ఉండలేరు. వారు ఎవరి గురించి పట్టించుకోరు. వారు తమ భాగస్వామి భావాలను వినడం లేదా అర్థం చేసుకోవడం మర్చిపోతారు. వారు తమ భాగస్వామిని తమ కంటే ఎక్కువగా పరిగణించాల్సిన అవసరం లేదని భావిస్తారు. దీని కారణంగా వీరు ఎక్కువగా విడాకుల బాట పడుతూ ఉంటారు.

3.వృశ్చిక రాశి..

వృశ్చిక రాశికి ఎవరినైనా విశ్వసించడం చాలా కష్టం. ఒక వ్యక్తి ఈ రాశికి తమ విధేయతను రుజువు చేసినప్పటికీ, వారిలో కొంత భాగం వారు ద్రోహం చేస్తారా లేదా అని ఎల్లప్పుడూ అనుమానిస్తూ ఉంటారు. ఈ చిన్నపాటి అభద్రతాభావాలు వారి మనసుల్లోకి ఎంతగానో వ్యాపించి, వారు ఇప్పటికే కలిగి ఉన్న మంచి సంబంధాన్ని నాశనం చేసుకుంటారు. వీరి అనుమానాన్ని భరించడం కష్టమే.
 

4.ధనస్సు రాశి..

ఈ రాశివారు స్వేచ్ఛా స్ఫూర్తిని కలిగి ఉంటారు. వారు కొత్త అవకాశాలను వెతకడానికీ,  ప్రయాణించడానికి, వెంచర్ చేయడానికి ఇష్టపడతారు. అందువల్ల, తమను తాము ఒక వ్యక్తికి అప్పగించి, ఒక ప్రదేశంలో చిక్కుకుపోవాలనే ఆలోచన వారిని అనంతంగా భయపెడుతుంది. ధనుస్సు రాశివారు అర్ధవంతమైన సంబంధాలను ఏర్పరచుకోలేరు.
 

5.కుంభ రాశి..
కుంభ రాశి వారు తమలోని భావోద్వేగ , వ్యక్తీకరణ భాగాన్ని దాచి ఉంచుతారు. ఎవరైనా తమ నిజస్వరూపాన్ని తెలుసుకునేందుకు వీలు కల్పించడంలో వారు చాలా అనుమానంగా ఉంటారు. ఈ రాశివారు తమ ఫీలింగ్స్ ని అస్సలు బయటపెట్టరు. తమ జీవిత భాగస్వామి అర్థం చేసుకంటే.. బాగానే ఉంటారు. కానీ.. అలా కాకుండా.. అర్థం చేసుకోకుండా ఇబ్బంది పెట్టేవారు లభిస్తే.. ఈ రాశివారు ఈ బంధంలో ఉండటానికి ఉత్సాహం చూపించరు. 

కాగా.. మేషం, కర్కాటకం, సింహం, కన్య, తుల, మకరం, మీనం రాశుల వారు సంబంధాల విషయంలో చాలా జాగ్రత్తగా ఉంటారు. దీర్ఘకాలంలో బలమైన సంబంధాలను కొనసాగించడం లో ప్రాముఖ్యతను వారు అర్థం చేసుకుంటారు. వారు సంబంధాలను నిలుపుకోవడానికి తమ వంతు ప్రయత్నం చేస్తారు.