ఈ రాశుల వారికి కోపమెక్కువ.. మాట్లాడే ముందు ఆలోచించుకోవాల్సిందే..!

14

కొంతమందికి తమ భావోద్వేగాలను ఎలా నియంత్రించుకోవాలో బాగా తెలుసు. కానీ కొంతమంది తమ భావోద్వేగాలను అస్సలు నియంత్రించలేకపోతుంటారు. ఆవేశం వచ్చినా.. కోపం వచ్చినా అస్సలు కంట్రోల్ చేసుకోలేరు. ఇతరులపై అరుస్తూనే ఉంటారు. కానీ ఈ కోపం తగ్గిన తర్వాత తమ తప్పును తెలుసుకుంటారు. జ్యోతిష్య శాస్త్రం ప్రకారం.. కొన్ని రాశుల వారు కూడా ఇలాగే ఉంటారు. అంటే వీరికి విపరీతమైన కోపం వస్తుంది. ఆ సమయంలో కోపాన్ని అస్సలు కంట్రోల్ చేయలేరు. ఆ రాశుల వారెవరో ఇప్పుడు తెలుసుకుందాం పదండి. 

24

మేషరాశి

ఈ రాశి వారు చాలా ఉద్వేగభరితంగా ఉంటారు. అలగే ఎప్పుడూ అజాగ్రత్తగా ఉంటారు. వీళ్లకు ప్రతిదానికి కోపం వస్తుంటుంది. ఈ కోపమే ఎన్నో సమస్యలను తెచ్చిపెడుతుంది. కోపం కారణంగా వీరి సంబంధం ఎంతో ప్రభావితం అవుతుంది. వీళ్లకు కోపం వచ్చినప్పుడు ఎలాంటి కారణం కనిపించదు. అయినా ఇతరులపై అరుస్తూనే ఉంటారు. 

34

వృషభం

ఈ రాశి వారు చాలా మొండి వారు. అలాగే ఎప్పుడూ కోపంగా కూడా ఉంటారు. ఈ రాశి వాళ్లు చాలా త్వరగా కోపగించుకుంటారు. అలాగే వీళ్ల కోపాన్ని తమకు ఇష్టమైన, దగ్గరగా ఉన్న వ్యక్తిపైనే ప్రదర్శిస్తారు. వీళ్లు కోపాన్ని అస్సలు కంట్రోల్ చేసుకోలేరు. తమ భాగస్వామి తమను అర్థం చేసుకుంటారని, అలాగే సహనాన్ని కోల్పోయినందుకు వారిని క్షమిస్తారని వీళ్లు మనసులో అనుకుంటారు. కానీ అలా అస్సలు జరగదు. ఇదే వారికి ఎన్నో చిక్కులు  తెచ్చిపెడుతుంది.

44

సింహరాశి

సింహరాశి వారు ఎంతో దయగలవారు. అలాగే వీరిది మృదువైన స్వభావం కూడా. కానీ వీళ్లకు కోపం వచ్చినప్పుడు.. అస్సలు ప్రశాంతంగా ఉండలేరు. అలాగే ఎలాంటి కారణం లేకుండా కోపగించుకుంటారు. అలాగే ఈ వ్యక్తులు ఏ చర్చలోనూ వెనుకడుగు వేయరు. ఎందుకంటే వీరికి ఆ సామర్థ్యం ఉంది. అలాగే వీరు ఇతరులపై ఆధిపత్యం చేస్తారు.