Zodiac sign: ప్రేమించిన అమ్మాయి రాఖీ చేత పట్టుకొని వస్తే...!

రాఖీ పర్వదినం దగ్గరకు వచ్చేస్తోంది. ఈ పర్వదినాన.. ప్రతి ఒక్కరూ తమ సోదరీమణులతో సంతోషంగా గడపాలని అనుకుంటూ ఉంటారు. అయితే.. ఈ రాఖీ రోజున కొందరు అమ్మాయిలు.. తమ సొంత సోదరులకు మాత్రమే కాదు.. తమ వెంట పడే కొందరు ఆకతాయిలకు కూడా రాఖీ కట్టేయాలని చూస్తూ ఉంటారు. అలాంటివాళ్లు.. రాఖీ పండగ పేరు చెబితనే భయపడిపోతూ ఉంటారు. నిజంగా.. మీరు ప్రేమించిన అమ్మాయి.. మీ క్రష్.. మీకు రాఖీ కట్టాలని చూస్తే.. ఏ రాశి అబ్బాయిలు ఎలా రియాక్ట్ అవుతారో ఓసారి చూద్దాం..
 

1.మేష రాశి..
ఈ రాశి వారు చాలా తెలివిగల వారు. తమ క్రష్ తమకు రాఖీ  కట్టాలి అనుకుంటుందో లేదో వీరు ముందుగానే తెలుసుకుంటారు. అంతే.. ఆమె తమ దగ్గరకు రాకముందే.. వీరు అక్కడి నుంచి పారిపోతారు.
 

2.వృషభ రాశి..
ఈ రాశివారు తాము ప్రేమించిన అమ్మాయి కనుక రాఖీ కట్టడానికి వస్తే.. అవసరం లేదు.. నో థ్యాంక్స్.. రాఖీ కట్టడానికి నాకు సిస్టర్ ఆల్రెడీ ఉన్నారు. మీరు కట్టాల్సిన అవసరం లేదు అని చెప్పేస్తారు.

3.మిథున రాశి..
ఈ రాశివారు తాము ప్రేమించిన అమ్మాయి కనుక రాఖీ కట్టడానికి వస్తే.. మొహమాటంతో కట్టించేసుకుంటారు కూడా. ముఖంపై ఒక ఫేక్ నవ్వు పెట్టి.. రాఖీ కట్టించుకుంటారు. కానీ.. తర్వాత జీవితంలో మళ్లీ వాళ్ల ముఖం కూడా చూడటానికి ఇష్టపడరు.

4.కర్కాటక రాశి..
ఈ రాశివారు.. తాము ఇష్టపడిన అమ్మాయి తమకు రాఖీ కట్టాలని అనుకుంటుంది అనే ఊహ కూడా భరించలేరు. అది కేవలం జోక్  అయితే తప్ప వీరు నార్మల్ అవ్వలేరు. ఆ వార్త విన్నా.. నిజంగానే ఆ అమ్మాయి వచ్చి రాఖీ కట్టినా.. వీరు జీవితంలో అన్నీ కోల్పోయినట్లుగా భావిస్తారు. ప్రపంచం తల్లకిందులైనట్లు ఫీలౌతారు

5.సింహ రాశి..
సింహ రాశివారికి కాస్త ధైర్యం ఎక్కువే. తాము ఇష్టపడిన అమ్మాయి చేతిలో రాఖీ చూసినా వీరు అక్కడి నుంచి తప్పించుకుంటారు. లేదు.. ఏకంగా ఆ అమ్మాయి వచ్చి రాఖీ కడతాను అని అడిగితే... నిర్మోహమాటంగా నో చెప్పి.. తమ ప్రేమ విషయం వారికి తెలియజేస్తారు.

6.కన్య రాశి..
ఈ రాశివారు అన్ని విషయాల్లోనూ చాలా ప్రశాంతంగా ఉంటారు. వీళ్లు చాలా కంపోస్డ్ గా కూడా ఉంటారు. కానీ.. తాము ఇష్టపడిన అమ్మాయి తమకు రాఖీ కట్టాలి అని చూస్తే మాత్రం వీరు భరించలేరు. సున్నితంగా వారికి రాఖీ కట్టించుకోవడం ఇష్టం లేదని చెప్పి.. అక్కడి నుంచి వెళ్లిపోతారు.

7.తుల రాశి..
తుల రాశివారు  జీవితంలో దేనినీ సీరియస్ గా తీసుకోరు. కాబట్టి.. వీరు.. తమ క్రష్ వచ్చి రాఖీ కట్టాలి అని అనుకుంటున్నట్లు చెబితే.. వెంటనే అదో జోక్ లా తీసుకుంటారు. వెంటనే గట్టిగా నవ్వేసి.. ఇలాంటివి తాను పెద్దగా పట్టించుకోనని చెప్పి అక్కడి నుంచి వెళ్లిపోతారు.

8.వృశ్చిక రాశి..
వృశ్చిక రాశివారికి తమ క్రష్ కనుక రాఖీ కట్టడానికి వస్తే.. ఒక రకమైన లుక్ ఇస్తారు. ఆ లుక్ చూస్తే.. వారు ఆమెను ఎంతగా ప్రేమిస్తున్నారనే విషయం ఇట్టే అర్థమైపోతుంది. ఆ లుక్కు చూశాక ఎవరూ ఆయనకు రాఖీ కట్టరు.
 

9.ధనస్సు రాశి..
ధనస్సు రాశివారు.. తాము ఇష్టపడిన అమ్మాయి చేతిలో రాఖీ చూసినా.. తమ కోసమేనేమో అని భయపడతారు. అయితే.. ఆ భయాన్ని కానీ.. వారిపై తమకు ఉన్న ఇష్టాన్ని కానీ..  ఏమీ తెలియజేయకుండా.. కామ్ అక్కడి నుంచి వెళ్లిపోతారు.
 

10.మకర రాశి..
మకర రాశివారికి ధైర్యం చాలా ఎక్కువ. తాము ఇష్టపడిన అమ్మాయి.. రాఖీ కట్టడానికి వస్తే.. ఎలాంటి భయం, సందేహాలు లేకుండా నో చెప్పేస్తారు. ఆ తర్వాత.. అదే సమయంలో ప్రపోజ్ చేసి.. డేట్ కి రమ్మని పిలిచే అవకాశం కూడా ఎక్కువగా ఉంది.
 

11.కుంభ రాశి..
కుంభ రాశివారు.. తాము ప్రేమించిన వారు వచ్చి తమకు రాఖీ కట్టాలి అని చూస్తే.. మనసు చంపుకొని రాఖీ కట్టించుకుంటారు. కానీ... తర్వాత.. తమను ఎలా మిస్ చేసుకున్నామని.. తమ క్రష్ బాధపడేలా చేస్తారు.
 

12.మీన రాశి..
మీన రాశివారు.. తాము ఇష్టపడిన అమ్మాయి రాఖీ కట్టడానికి వస్తే.. వెంటనే కట్టించుకుంటారు. కానీ... ఆ తర్వాత నుంచి వారు మీకు కనిపించరు. ఒకవేళ కనిపించినా.. మిమ్మల్ని పూర్తిగా ఎవాయిడ్ చేసేస్తారు.