Today Rasi Phalalu: ఈ రాశుల వారికి రియల్ ఎస్టేట్ లో లాభాలు.. ఉద్యోగంలో ప్రమోషన్స్!
ఈ రోజు రాశి ఫలాలు పంచాంగకర్త ఫణికుమార్ అందిస్తున్నారు. మేష, వృషభ, మిథున, కర్కాటక, సింహ, కన్య, తుల, వృశ్ఛిక, ధనుస్సు, మకర, కుంభ, మీన రాశుల దిన ఫలాలు ఇక్కడ తెలుసుకోండి. ఈ దిన ఫలాలు 9.07.2025 బుధవారానికి సంబంధించినవి.
మేష రాశి ఫలాలు
చిన్ననాటి మిత్రులతో సేవా కార్యక్రమాలలో పాల్గొంటారు. చేపట్టిన పనులు సకాలంలో పూర్తి చేస్తారు. వ్యాపారాల్లో ఆర్థిక పురోగతి సాధిస్తారు. కుటుంబ సభ్యులతో ఆనందంగా గడుపుతారు. వృత్తి, ఉద్యోగాల్లో అనుకూల వాతావరణం ఉంటుంది. విలువైన వస్తు, వాహనాలు కొనుగోలు చేస్తారు.
వృషభ రాశి ఫలాలు
ఆర్థిక వ్యవహారాలు నిరుత్సాహపరుస్తాయి. ప్రారంభించిన పనులు మందకొడిగా సాగుతాయి. దూర ప్రయాణాలు వాయిదా పడతాయి. కుటుంబ సభ్యులతో తొందరపడి మాట్లాడటం మంచిది కాదు. స్వల్ప అనారోగ్య సమస్యలు బాధిస్తాయి. వ్యాపారాలు నిదానంగా సాగుతాయి. సహోద్యోగులతో మాట పట్టింపులుంటాయి.
మిథున రాశి ఫలాలు
చేపట్టిన పనుల్లో అవరోధాలు కలుగుతాయి. ఇంటా బయట శ్రమ పెరుగుతుంది. ఆధ్యాత్మిక కార్యక్రమాలపై దృష్టి సారిస్తారు. దూర ప్రయాణాలు వాయిదా వేయడం మంచిది. నిరుద్యోగులకు కలిసిరాదు. వ్యాపార వ్యవహారాలు మందగిస్తాయి.
కర్కాటక రాశి ఫలాలు
ముఖ్యమైన వ్యవహారాల్లో సన్నిహితుల సహాయం లభిస్తుంది. కుటుంబ సభ్యులతో సేవా కార్యక్రమాల్లో పాల్గొంటారు. వృత్తి, వ్యాపారాల్లో ఆశించిన పురోగతి సాధిస్తారు. చేపట్టిన పనులు విజయవంతంగా పూర్తి చేస్తారు. ఉద్యోగంలో మీ పనితీరుతో అధికారుల నుంచి ప్రశంసలు అందుకుంటారు.
సింహ రాశి ఫలాలు
సన్నిహితులతో మాటపట్టింపులు ఉంటాయి. అవసరానికి డబ్బు అందక ఇబ్బంది పడతారు. వ్యాపారాలు నత్తనడకన సాగుతాయి. నూతన రుణ ప్రయత్నాలు చేస్తారు. కుటుంబ సభ్యుల ఆరోగ్య సమస్యలు బాధిస్తాయి. వృత్తి, ఉద్యోగాల్లో అదనపు బాధ్యతల వల్ల విశ్రాంతి ఉండదు.
కన్య రాశి ఫలాలు
రియల్ ఎస్టేట్ లో లాభాలు అందుకుంటారు. కుటుంబ సభ్యుల నుంచి ఆకస్మిక ధనలాభం పొందుతారు. సంఘంలో ప్రముఖులతో పరిచయాలు పెరుగుతాయి. చేపట్టిన పనులు సకాలంలో పూర్తి చేస్తారు. వృత్తి వ్యాపారాల్లో అనుకూల వాతావరణం ఉంటుంది. నిరుద్యోగులకు నూతన అవకాశాలు లభిస్తాయి.
తుల రాశి ఫలాలు
దీర్ఘకాలిక రుణ ఒత్తిడి పెరుగుతుంది. చిన్ననాటి మిత్రులతో పుణ్యక్షేత్రాలు సందర్శిస్తారు. వ్యాపార వ్యవహారాల్లో ఆలోచించి నిర్ణయాలు తీసుకోవడం మంచిది. ప్రయాణాల్లో ప్రమాద సూచనలు ఉన్నాయి. ఇంటా బయట కొందరి ప్రవర్తన ఆశ్చర్యం కలిగిస్తుంది. వృత్తి, ఉద్యోగాల్లో ప్రయత్నాలు కలిసిరావు.
వృశ్చిక రాశి ఫలాలు
సమాజంలో పెద్దలతో పరిచయాలు కలుగుతాయి. వృత్తి, వ్యాపారాల్లో కీలక సమాచారం సేకరిస్తారు. చిన్ననాటి మిత్రుల రాక ఆనందం కలిగిస్తుంది. సోదరులతో వివాదాలు పరిష్కారం దిశగా సాగుతాయి. ఉద్యోగాల్లో అనుకూల పరిస్థితులుంటాయి. నూతన వాహన కొనుగోలు ప్రయత్నాలు ఫలిస్తాయి.
ధనుస్సు రాశి ఫలాలు
చేపట్టిన పనుల్లో విజయం సాధిస్తారు. నిరుద్యోగ ప్రయత్నాలు వేగవంతం చేస్తారు. ప్రయాణాల్లో కొత్త వ్యక్తులతో పరిచయాలు పెరుగుతాయి. ఆప్తుల నుంచి అరుదైన ఆహ్వానాలు అందుతాయి. వృత్తి, వ్యాపారాలు లాభాల బాట పడుతాయి. ఉద్యోగంలో అదనపు బాధ్యతల నుంచి ఉపశమనం దక్కుతుంది.
మకర రాశి ఫలాలు
వృథా ఖర్చులు పెరుగుతాయి. ఆరోగ్యం విషయంలో మరింత జాగ్రత్తగా ఉండాలి. ముఖ్యమైన పనులు వాయిదా పడుతాయి. జీవిత భాగస్వామితో పుణ్యక్షేత్రాల దర్శనం చేసుకుంటారు. వృత్తి, వ్యాపారాల్లో ఊహించని సమస్యలు ఎదురవుతాయి. నిరుద్యోగ ప్రయత్నాలు నిరుత్సాహ పరుస్తాయి.
కుంభ రాశి ఫలాలు
చేపట్టిన వ్యవహారాలు మందకొడిగా సాగుతాయి. వృత్తి, వ్యాపారాల్లో ఆకస్మికంగా కొన్ని నిర్ణయాలు మార్చుకుంటారు. వ్యాపారంలో నూతన పెట్టుబడుల విషయంలో పునరాలోచన చేయడం మంచిది. దూరపు బంధువులతో స్వల్ప విభేదాలు ఉంటాయి. విద్యార్థులు పోటీపరీక్షల్లో మరింత కష్టపడాలి.
మీన రాశి ఫలాలు
వ్యాపారాలు లాభసాటిగా సాగుతాయి. ఉద్యోగంలో పదోన్నతులు పెరుగుతాయి. సన్నిహితులతో సఖ్యతగా వ్యవహరిస్తారు. సోదరుల నుంచి అరుదైన ఆహ్వానాలు అందుతాయి. వృత్తి, ఉద్యోగాల్లో నూతన ప్రోత్సాహకాలు అందుతాయి. ఆర్థిక వాతావరణం అనుకూలిస్తుంది.