భార్యభర్తల మధ్య గొడవలు రావద్దంటే ఏం చేయాలి?

భార్యాభర్తల మధ్య గొడవలు రావడం  చాలా సహజం. అయితే.. కొన్ని ఇళ్లల్లో ఆ గొడవలు మరింత ఎక్కువగా ఉంటాయి.  చిన్న విషయానికి కూడా పెద్ద పెద్ద గొడవలు జరుగుతూ ఉంటాయి. వీరి గొడవలు.. ఇంట్లోని ఇతర కుటుంబ సభ్యులపై కూడా ఉంటుంది. ఈ సమస్య నుంచి బయటపడటానికి జోతిష్యంలో చాలా పరిహారాలు ఉన్నాయి. వాటిని ఫాలో అయితే.. అసలు.. ఇంట్లో గొడవలే జరగవట. మరి, అవేంటో చూద్దామా...

సుఖమయ దాంపత్యం అందరి కోరిక. కానీ కొన్ని ఇళ్లలో భార్యాభర్తలు ప్రతిరోజూ గొడవ పడుతుంటారు. ఇంట్లో ప్రతిరోజూ గొడవలు జరగడం మంచిది కాదు, దీనివల్ల కుటుంబ శాంతికి భంగం కలుగుతుంది. భార్యాభర్తల గొడవలకు చాలా కారణాలు ఉండవచ్చు. జ్యోతిష్య శాస్త్రంలో సుఖీ దాంపత్యం కోసం చాలా పరిహారాలు చెప్పారు. అలాంటి 5 పరిహారాల గురించి తెలుసుకుందాం.

 చెట్టుకు నీళ్ళు పోయండి:

సుఖీ దాంపత్యం కోసం గురు గ్రహం మంచి స్థానంలో ఉండాలి. దీనికోసం ప్రతి గురువారం భార్యాభర్తలిద్దరూ కలిసి తులసి చెట్టుకు పసుపు కలిపిన నీళ్ళు పోయాలి. ఈ పరిహారాన్ని నిరంతరం చేస్తూ వస్తే మీ దాంపత్యంలో సంతోషం వస్తుంది, ప్రతిరోజూ జరిగే గొడవలు ఆగుతాయి.

బెడ్ రూంలో రాధాకృష్ణుల ఫోటో పెట్టండి:

ఇంటి ముఖ్య భాగం బెడ్ రూమ్. ఎందుకంటే భార్యాభర్తలిద్దరూ ఇక్కడ ఎక్కువ సమయం గడుపుతారు. బెడ్ రూంలో రాధాకృష్ణుల ఫోటో పెట్టడం వల్ల అక్కడ సానుకూల శక్తి పెరుగుతుంది, ప్రతికూల శక్తి తగ్గుతుంది. దీని ప్రభావం మీ ప్రేమ జీవితంపై కూడా ఉంటుంది, గొడవలు ఆగుతాయి.

ప్రతి గురువారం పసుపు రంగు దుస్తులు ధరించండి

భార్యాభర్తలిద్దరూ ప్రతి గురువారం పసుపు రంగు దుస్తులు ధరించి దగ్గర్లోని గురు (దేవగురు బృహస్పతి) దేవాలయానికి వెళితే గురు గ్రహం మంచి ఫలితాలను ఇస్తాడు. ఈ పరిహారం వల్ల ప్రేమ జీవితంలో ఉన్న సమస్యలు క్రమంగా తగ్గుతాయి.

భార్యాభర్తలు ప్రతిరోజూ ఈ మంత్రం చదవండి

భార్యాభర్తలిద్దరూ ప్రతిరోజూ ఉదయం కింద ఇచ్చిన మంత్రాన్ని 11 సార్లు చదివితే వారి జీవితంలో సానుకూల శక్తి పెరుగుతుంది, ఏ సమస్య రాదు.

మంత్రం- 'ఓం కామదేవాయ విద్మహే, రతి ప్రియాయై ధీమహి తన్నో అనంగ ప్రచోదయాత్'

పౌర్ణమి రోజు పాయసం చేయండి:

ప్రతి నెల వచ్చే పౌర్ణమి రోజు ఇంట్లో ఆవు పాలతో పాయసం చేయండి. ముందు దాన్ని లక్ష్మీదేవికి నైవేద్యంగా పెట్టండి. తర్వాత దాన్ని ప్రసాదంగా భావించి భార్యాభర్తలిద్దరూ కలిసి తినండి. ఇలా చేయడం వల్ల కూడా దాంపత్యంలో సంతోషం నెలకొంటుంది.