పెద్ద మనసుకి హ్యాట్సాఫ్: సీఎం జగన్ బర్త్ డే కి రోజా సూపర్ గిఫ్ట్

పిల్లలందరూ చదువుకోవాలి, అందులోనా ముఖ్యంగా ఆడపిల్లలు చదవాలి అనే ముఖ్యమంత్రి జగన్ మోహన్ రెడ్డి పిల్లలందరికీ మేనమామగా మారారని, అందుకోసమని ఈ మంచి పనిని చేయడానికి  జన్మదినం నాడే శ్రీకారం చుడుతున్నట్టుగా చెప్పుకొచ్చారు రోజా. 

"మనకు నచ్చిన వారి పుట్టిన రోజున కేవలం బొకేలు ఇవ్వకుండా ఒక బంగారు తల్లి భవిష్యత్తుకి బాట వెయ్యడం ఎంతో సంతోషాన్ని ఇచ్చింది విద్యకు పెద్ద పీట వేస్తూ ఎంతోమంది చిన్నారులకు మేనమామగా మారిన మన జగనన్నకు ఇదే నా పుట్టినరోజు బహుమతి.. హ్యాపీ బర్త్ డే జగనన్న !!"  అంటూ తాను తీసుకున్న నిర్ణయాన్ని సోషల్ మీడియా వేదికగా అందరితో  పంచుకున్నారు. 

"మంచి మనిషి జన్మదినాన ఒక మంచి పని..!  మన అందరి ప్రియతమ నేత ఆంధ్రప్రదేశ్ ముఖ్యమంత్రి వర్యులు జగన్ అన్న పుట్టినరోజు సందర్భంగా ఒక మంచి పనికి శ్రీకారం చుట్టడం జరిగింది.   పి.పుష్పకుమారి అనే ఈ చిన్నారి పూర్తి చదువుకు నేను దత్తత తీసుకోవడం జరిగింది." అని మరొక ట్వీట్లో తెలిపారు రోజా. 

ముఖ్యమంత్రి బర్త్ డే సందర్భంగా అందరూ గిఫ్టులు ఇవ్వడం సహజమని, కానీ ఇలా ఆయన జన్మదినం నాడు ఒక చిన్నారి జీవితంలో వెలుగులు నింపి ఆయన కలను సాకారం చేసే దిశగా ముందడుగు వేయడం రొజాగారికే చెల్లిందంటూ ఆమె అభిమానులు తెగ సందడి చేస్తున్నారు.