YS Jagan: చంద్రబాబు... నేను వదిలినా మావాళ్లు వదిలిపెట్టరు : జగన్ స్ట్రాంగ్ వార్నింగ్

17

Image Credit : Asianet News

ప్రజాస్వామ్య విలువలను

వైసీపీ అధినేత వైఎస్ జగన్ మోహన్ రెడ్డి, ఆంధ్రప్రదేశ్‌లో ఏర్పడిన కూటమి ప్రభుత్వంపై తీవ్ర స్థాయిలో విమర్శలు చేశారు. ముఖ్యమంత్రి చంద్రబాబు నాయుడు నేతృత్వంలోని ప్రభుత్వం ప్రజాస్వామ్య విలువలను తొక్కేస్తోందని ఆయన ఆగ్రహం వ్యక్తం చేశారు. ఎన్నికల సమయంలో ఇచ్చిన హామీలను అమలు చేయకపోవడం, ప్రతిపక్షానికి వేదికల మీదనైనా అవకాశమే ఇస్తే దాడులకు దిగడం చేస్తున్నారని విమర్శించారు.

27

Image Credit : X/YSR Congress Party

ఒక్కటి కూడా అమలు కాలేదు

"సూపర్ సిక్స్" పేరుతో చంద్రబాబు ఇచ్చిన ఆరు హామీలు గురించి జగన్‌ ప్రస్తావించారు.ఆరు హామీల్లో వాటిలో ఒక్కటి కూడా అమలు కాలేదని, అవి పూర్తిగా ఓట్లు సాధించేందుకే ఇచ్చిన గాలి మాటలుగా మిగిలిపోయాయని ఆరోపించారు. వాటిపై ప్రజల్లో తీవ్ర నిరాశ ఉంది అని పేర్కొన్నారు. తమ పార్టీ చేపట్టిన నిరసనలు, ర్యాలీలకు విశేష స్పందన రావడమే ప్రజలు ప్రస్తుత ప్రభుత్వానికి వ్యతిరేకంగా ఉన్నారనే సంకేతమని చెప్పారు.

37

Image Credit : our own

ప్రజల నెత్తిన మరింత భారం

రైతులు పెట్టుబడులపై భరోసా లేక ఇబ్బందులు ఎదుర్కొంటున్నారు, విద్యార్థులు చదువు మానేసి ఉద్యోగాల కోసం రోడ్లు పట్టుకుని తిరుగుతున్న దౌర్భగ్య స్థితి రాష్ట్రంలో ఉందని జగన్ వివరించారు. విద్యుత్ ఛార్జీలు ఏడాదిలోనే రూ.15 వేల కోట్ల మేర పెరిగినట్టు చెప్పారు. ఇది మామూలు ప్రజల నెత్తిన మరింత భారం మోపే చర్య అని జగన్‌ ఆవేదన వ్యక్తం చేశారు.

47

Image Credit : our own

పద్ధతి మార్చుకో బాబు

రేపు మేము అధికారంలోకి వచ్చాక నేను చెప్పినా కూడా మా వాళ్లు వినరు.చంద్రబాబు ఇప్పటికైనా తప్పుడు సంప్రదాయాలను మానుకోమని వైఎస్ జగన్ హెచ్చరించారు.రైతు భరోసా ఏమైందో సీఎం చంద్రబాబు చెప్పాలి.. ప్రతి మహిళకు ఏడాదికి రూ.18 వేలు ఇస్తామన్నారు, ఏమైంది?.. నిరుద్యోగ యువతకు ఏడాదికి రూ.36 వేలు ఇస్తామన్నారు, ఏమైంది?.. ఉచిత గ్యాస్ సిలిండర్లు ఏమయ్యాయి?.. 50 ఏళ్లు దాటితే పింఛన్ అన్నారు, ఏమైంది?.. ఫ్రీ బస్సు సంగతేంటి?.. ఉచితంగా వైద్యం అందని పరిస్థితి ఉందని జగన్‌ విమర్శించారు.

57

Image Credit : ANI

రాజకీయ కారణాలతో

తమ పాలనలో పోలీసు వ్యవస్థ ప్రజల రక్షణగా ఉండేదని, కానీ ఇప్పుడు రాజకీయ కక్ష సాధించేందుకు ఒక సాధనంగా మారిందని చెప్పారు. ఇప్పటి పరిస్థితుల్లో ముఖ్యమంత్రి మాట వినకపోతే అధికారులను జైలుకు పంపుతున్నారని ఘాటుగా వ్యాఖ్యానించారు. గతంలో అధికారులతో సంబంధం లేకుండా సమస్యలు పరిష్కరించామని, ఇప్పుడు పరిస్థితి పూర్తిగా భిన్నంగా ఉందని వివరించారు.

డీజీ స్థాయి అధికారిగా ఉన్న పీఎస్సార్ ఆంజనేయులు రాజకీయ కారణాలతో జైలుకు వెళ్లాల్సి వచ్చిందని జగన్ గుర్తు చేశారు. ఆ స్థాయిలో ఉన్న అధికారులే ఈ పరిస్థితిని ఎదుర్కొంటే, మిగిలిన ఉద్యోగుల పరిస్థితి ఎలా ఉంటుందో చెప్పాలంటూ ప్రశ్నించారు. పలువురు ఎస్పీలపై తప్పుడు కేసులు పెట్టి వేధింపులకు గురిచేస్తున్నారని తీవ్ర ఆరోపణలు చేశారు.

67

Image Credit : our own

ప్రజాస్వామ్యాన్ని అణచివేసే

ప్రజాస్వామ్యాన్ని అణచివేసే ప్రయత్నాలు ఎన్ని చేసినా, ప్రజలు గమనించకుండా ఉండరని చెప్పారు. ప్రజల నమ్మకాన్ని పొందలేకపోయిన పార్టీలు ప్రజాస్వామ్య విలువలను అణగదొక్కే ప్రయత్నం చేయడం సాధారణమని, కానీ ప్రజలు దీనికి తగిన సమాధానం తప్పకుండా ఇస్తారన్న నమ్మకం తమకు ఉందని జగన్ తెలిపారు.

ఇప్పుడు రాష్ట్రంలో పోలీస్ పరిపాలన నెలకొంది, ప్రజల స్వేచ్ఛను హరించేందుకు ప్రభుత్వ యంత్రాంగాన్ని అడ్డుపెట్టుకుంటున్నారని జగన్ ఆరోపించారు. చంద్రబాబు తన అధికారాన్ని దుర్వినియోగం చేస్తూ, అధికార వ్యవస్థపై నియంత్రణ సాధించేందుకు ప్రయత్నిస్తున్నారని విమర్శలు గుప్పించారు. నిజాయితీగా పనిచేసే అధికారులను బెదిరించి నిశ్శబ్దంగా మార్చాలన్నదే లక్ష్యంగా వ్యవహరిస్తున్నారని ఆరోపించారు.

77

Image Credit : ANI

ఇంటికి పంపే రోజు

ఇలాగే కొనసాగితే ప్రజలు అధికారం అణచివేసి ఇంటికి పంపే రోజు దూరంగా లేదని జగన్ అన్నారు. మరో మూడేళ్లలో ఈ కూటమి ప్రభుత్వం తప్పక పతనమవుతుందని స్పష్టం చేశారు. ప్రజల న్యాయం ఎప్పుడూ గెలుస్తుందని, ఇప్పుడు నిశ్శబ్దంగా ఉన్నవారే రేపు తేల్చే శక్తిగా మారతారని హెచ్చరించారు.

వైఎస్సార్ కాంగ్రెస్ పార్టీ ప్రజల పక్షాన నిలుస్తుందని, పోరాటం కొనసాగుతుందని తెలిపారు. ప్రజాస్వామ్యాన్ని నిలబెట్టేందుకు, ప్రజల హక్కులను రక్షించేందుకు తమ పార్టీ ఎలాంటి వెనుకాడకుండా ముందుకు సాగుతుందన్నారు.