Andhra Pradesh: ఆంధ్రప్రదేశ్‌ ప్రభుత్వ ఉద్యోగులకు బంపరాఫర్.. ఇక అన్నీ ఉచితంగానే..!

ఏపీ ప్రభుత్వం ఉద్యోగుల బస పొడిగింపు, కాగ్నిజెంట్‌కు భూమి, సంసిద్ధత శిక్షణ, ఆర్టీఐహెచ్ స్పోక్‌ సెంటర్లు ఏర్పాటు వంటి నాలుగు కీలక నిర్ణయాలు తీసుకుంది. 

Image Credit : social media

ఉద్యోగుల సంక్షేమం

ఆంధ్రప్రదేశ్ ప్రభుత్వం పాలనతో పాటు అభివృద్ధికి ప్రాధాన్యం ఇస్తూ నాలుగు కీలక రంగాల్లో సమగ్ర చర్యలు ప్రారంభించింది. వీటిలో ఉద్యోగుల సంక్షేమం, ఐటీ రంగం, విద్యా పురోగతి, పరిశోధనల ప్రోత్సాహం ప్రధానంగా ఉన్నాయి.

Image Credit : our own

ఉచిత బస సదుపాయం మరో ఏడాది

ఉద్యోగులకు ఉచిత బస సదుపాయం మరో ఏడాది పాటు పొడిగింపు: అమరావతిలో విధులు నిర్వహిస్తున్న ప్రభుత్వ ఉద్యోగులకు ప్రభుత్వం ఉచిత బస కల్పిస్తోంది. ఈ సదుపాయం గడువు 2024 జూన్ 27తో ముగియగా, తాజాగా 2026 జూన్ 26 వరకు పొడిగిస్తూ ఉత్తర్వులు జారీ చేసింది.

Image Credit : our own

కాగ్నిజెంట్‌కు విశాఖలో భూమి

కాగ్నిజెంట్‌కు విశాఖలో భూమి కేటాయింపు: ఐటీ రంగ అభివృద్ధిలో భాగంగా మధురవాడలో 22.19 ఎకరాల భూమిని కాగ్నిజెంట్ సంస్థకు 99 పైసల లీజు రేటుతో కేటాయించారు. సంస్థ 2026 జూన్ నాటికి 500 మందికి ఉపాధి కల్పించే క్యాంపస్‌ను ప్రారంభించనుంది. మొత్తం రూ.1,582 కోట్ల పెట్టుబడితో 8 వేల ఉద్యోగాల లక్ష్యంగా పని చేయనుంది.

Image Credit : Business Today

పాఠశాలల్లో ‘సంసిద్ధత’ శిక్షణ

పాఠశాలల్లో ‘సంసిద్ధత’ శిక్షణ కార్యక్రమం: 1వ తరగతి నుంచి 6వ తరగతి విద్యార్థుల కోసం ప్రత్యేక శిక్షణ కార్యక్రమాన్ని ప్రభుత్వం ప్రారంభించనుంది. ఇది విద్యార్ధుల్లో పునాది విద్యా నైపుణ్యాలను మెరుగుపరచడం లక్ష్యంగా సాగనుంది.

Image Credit : google

ఆర్టీఐహెచ్ స్పోక్‌ సెంటర్ల ఏర్పాటు

ఆర్టీఐహెచ్ స్పోక్‌ సెంటర్ల ఏర్పాటుకు చర్యలు: టాటా ట్రస్ట్ భాగస్వామ్యంతో అమరావతిలో ప్రధాన కేంద్రాన్ని ఏర్పాటు చేయగా, అనంతపురం, తిరుపతి, విజయవాడ, రాజమహేంద్రవరం, విశాఖపట్నాల్లో స్పోక్‌ సెంటర్లు ఏర్పాటు చేయనున్నారు. ఆయా జిల్లాల జాయింట్ కలెక్టర్లు వీటి నిర్వహణ బాధ్యతలు చేపడతారు.

Image Credit : Social Media

హబ్‌ల పనితీరు

ప్రభుత్వం తెలిపిన ప్రకారం, జేసీలు ఆయా కేంద్రాల్లో మౌలిక సదుపాయాల ఏర్పాటుతో పాటు భాగస్వామ్య సంస్థలతో సమన్వయం చేస్తారు. అభివృద్ధికి తోడ్పడేలా హబ్‌ల పనితీరును పర్యవేక్షించే బాధ్యతను వారు నిర్వహిస్తారు.ఈ చర్యలన్నీ ఏపీ ప్రభుత్వం ఒకేసారి ప్రకటించడం విశేషం. ఉద్యోగుల సంక్షేమం నుంచి విద్యార్ధుల చదువుల సౌలభ్యం వరకు, ఐటీ రంగంలో పెట్టుబడులు, పరిశోధనలకు మద్దతు వంటి విభిన్న రంగాల్లో ప్రభుత్వం తీసుకుంటున్న సమన్విత చర్యలు రాష్ట్ర అభివృద్ధికి దోహదపడేలా కనిపిస్తున్నాయి.