Andhra Pradesh Jobs : ఎగ్జామ్ లేకుండానే డైరెక్ట్ జాబ్ ... వైద్యారోగ్య శాఖలో ఉద్యోగాలు పొందండిలా!

ఆంధ్ర ప్రదేశ్ లో మరికొన్ని ఉద్యోగాల భర్తీకి నోటిఫికేషన్ వెలువడింది. వైద్యారోగ్య శాఖలో ఇప్పటికే పలు పోస్టుల భర్తీ చేపడుతోంది ప్రభుత్వం. ఇప్పుడు మరిన్ని ఉద్యోగాలను భర్తీకి సిద్దమయ్యారు 

AP Staff Nurse Posts

AP Staff Nurse Posts : ఆంధ్ర ప్రదేశ్ వైద్యారోగ్య శాఖలో ఉద్యోగాల భర్తీకి నోటిఫికేషన్ వెలువడింది. రాష్ట్రంలోని వివిధ జిల్లాల్లోని ప్రాథమిక ఆరోగ్య కేంద్రాల్లో పనిచేసేందుకు స్టాఫ్ నర్స్ పోస్టులను భర్తీ చేస్తున్నారు. జోన్ల వారిగా ఈ ఉద్యోగాల భర్తీ చేపడుతున్నారు... ఇప్పటికే జోన్ 3 కి సంబంధించిన పోస్టుల భర్తీకి నోటిఫికేషన్ వెలువడింది. 

జోన్ 3 లో మొత్తం 44 పోస్టులను భర్తీ చేస్తున్నారు. ఇందులో తెనాలి 6, బాపట్ల 10, నరసరావుపేట 24, గురజాల 1, కందుకూరు 1, ఆత్మకూరు 1, రాపూరు 1 పోస్టును భర్తీ చేపట్టారు.అర్హత, ఆసక్తి కలిగిన అభ్యర్థుల నుండి ఇప్పటికే దరఖాస్తుల స్వీకరణ ప్రారంభమైంది. 

nursing jobs

స్టాఫ్ నర్స్ పోస్టులకు విద్యార్హతలు :

జనరల్ నర్సింగ్ ఆండ్ మిడ్వైఫరీ (GNM) లేదా బిఎస్సి నర్సింగ్ చేసినవారు అర్హులు. 

వయో పరిమితి :

18 నుండి 42 ఏళ్లలోపు వయసుగల అభ్యర్థులు ఈ స్టాఫ్ నర్స్ ఉద్యోగాలకు అర్హులు. జులై 1, 2024 నాటికీ అభ్యర్థుల వయసును పరిగణలోకి తీసుకుంటారు.

అయితే ఎస్సి, ఎస్టి, బిసి, ఈడబ్ల్యూఎస్ అభ్యర్థులకు 5 ఏళ్ల సడలింపు వుంటుంది. ఎక్స్ సర్వీస్ మెన్స్ కు అదనంగా మరో మూడేళ్ల సడలింపు వుంటుంది. దివ్యాంగులకు 10 ఏళ్ల సడలింపు వుంటుంది. ఇలా కనిష్ట వయో పరిమితి సడలింపు 52 ఏళ్లు.  

దరఖాస్తు ప్రక్రియ : 

ఏపీలోని జోన్ 3 కి ప్రాంతానికి చెందివుండి... పైన పేర్కొన్న  విద్యార్హతలు, వయసు కలిగిన  అభ్యర్థులు అధికారిక వెబ్ సైట్ http://cfw.ap.nic.in ను సందర్శించండి. 

అందులో స్టాఫ్ నర్స్ పోస్టుల భర్తీకి సంబంధించిన పూర్తి వివరాలతో పాటు అప్లికేషన్ ఫారం వుంటుంది. అది డౌన్లోడ్ చేసుకోవాలి. 

సంబంధిత పత్రాలను జతచేసి అప్లికేషన్ ఫారంను గుంటూరులోని మెడికల్ ఆండ్ హెల్త్ సర్విసెస్ రీజనల్ డైరెక్టర్ కార్యాలయంలో సమర్పించాలి. దరఖాస్తు స్వీకరించినట్లుగా అధికారులు రసీదును అందిస్తారు. దాన్ని జాగ్రత్తగా వుంచాలి...తర్వాత భర్తీ ప్రక్రియలో ఉపయోగపడుతుంది.

ఇప్పటికే దరఖాస్తుల స్వీకరణ ప్రారంభమైంది. జనవరి 15, 2025 వరకు అప్లికేషన్స్ స్వీకరిస్తారు.  జనవరి 17 నుండి 23 వరకు దరఖాస్తులను పరిశీలించి జనవరి 24న మెరిట్ లిస్ట్ ప్రచురిస్తారు. అప్పటినుండి జనవరి 27 వరకు అభ్యంతరాలను స్వీకరించి జనవరి 29న తుది మెరిట్ జాబితాను రెడీ చేస్తారు. జనవరి 30, 31 తేదీల్లో కౌన్సిలింగ్, దృవపత్రాల పరిశీలన చేపడతారు. ఆ తర్వాత ఎంపికైన అభ్యర్థులకు నియామక పత్రాలు అందిస్తారు. 

దరఖాస్తు ఫీజు : 

ఓసి అభ్యర్థులకు రూ.700 దరఖాస్తు ఫీజు చెల్లించాల్సి వుంటుంది.  ఎస్సి, ఎస్టి,బిసి,ఈడబ్ల్యూఎస్, దివ్యాంగులు, ఎక్స్ సర్వీస్ అభ్యర్థులు రూ.500 దరఖాస్తు ఫీజు చెల్లించాలి. 

ఈ దరఖాస్తు ఫీజును గుంటూరు రీజినల్ డైరెక్టర్ మెడికల్ ఆండ్ హెల్త్ సర్వీస్ పేరిట డిడి (డిమాండ్ డ్రాప్ట్) చేయాల్సి వుంటుంది. 

nurse health workers kerala

ఎంపిక ప్రక్రియ :  

జిఎన్ఎం లేదా బిఎస్సి నర్సింగ్ లో వచ్చిన మార్కుల ఆధారంగా అభ్యర్థులను ఎంపిక చేస్తారు. ఇలా అకడమిక్ మార్కులు 75 శాతంగా, అనుభవానికి 15 శాతం మార్కులు కేటాయిస్తారు. మరో 10 శాతం మార్కులు వివిధ అంశాలను పరిగణలోకి తీసుకుని కేటాయిస్తారు.  

 స్టాఫ్ నర్స్ పోస్టులకు ఎంపికైన అభ్యర్థులు ఎడాది కాలానికి కాంట్రాక్ట్ పద్దతిలో పనిచేయాల్సి వుంటుంది. ఈ పోస్టుల భర్తీకి సంబంధించి మరింత సమాచారం కోసం http://cfw.ap.nic.inవెబ్ సైట్ ను పరిశీలించండి. 

ఇవి కూడా చదవండి