చలికాలంలో... శరీరంలో వేడి పెంచే ఆహారాలు ఇవి...!
పిల్లల నుంచి పెద్దల వరకు అందరూ ఈ పానీయాలను ఇష్టపడతారు. ఈ హెల్తీ డ్రింక్స్ శరీరాన్ని చలి నుంచి కాపాడటమే కాకుండా వ్యాధులతో పోరాడే శక్తిని కూడా ఇస్తుంది. వీటిని తాగిన తర్వాత చలికాలంలో కూడా వేడిగా అనిపిస్తుంది.
 )
Follow
చలికాలంలో ఎక్కువ మంది జబ్బునపడుతూ ఉంటారు. ఈ కాలంలో రోగ నిరోధక శక్తి తక్కువగా ఉండటం వల్ల కూడా తొందరగా జబ్బున పడే అవకాశం ఎక్కువగా ఉంటుంది. అందుకే... ఈ కాలంలో రోగ నిరోధక శక్తిని పెంచే ఆహారాలు ఎక్కువగా తీసుకోవాలి. వీటిలో పాలు, హాట్ చాక్లెట్ , కాఫీ వంటి రుచికరమైన పానీయాలు కూడా ఉన్నాయి. పిల్లల నుంచి పెద్దల వరకు అందరూ ఈ పానీయాలను ఇష్టపడతారు. ఈ హెల్తీ డ్రింక్స్ శరీరాన్ని చలి నుంచి కాపాడటమే కాకుండా వ్యాధులతో పోరాడే శక్తిని కూడా ఇస్తుంది. వీటిని తాగిన తర్వాత చలికాలంలో కూడా వేడిగా అనిపిస్తుంది.
బాదం పాలు: చలికాలంలో బాదం పాలు చాలా ఆరోగ్యకరమైనవి. పాలు, బాదంలోని అనేక రకాల పోషకాలు మీకు అద్భుతమైన ప్రయోజనాలను అందిస్తాయి. ఈ పానీయాన్ని సిద్ధం చేయడానికి, బాదంపప్పును పాలలో కలిపి కొన్ని నిమిషాలు ఉడకబెట్టాలి. దాని రుచిని మెరుగుపరచడానికి కుంకుమపువ్వు, ఏలకులు వంటి రుచులను కూడా జోడించవచ్చు. ప్రతి ఒక్కరూ ఈ పానీయాన్ని ఇష్టపడతారు. చలికాలంలో ఈ డ్రింక్ తీసుకోవడం వల్ల శరీరం వెచ్చగా ఉంటుంది.
పసుపు పాలు: అనారోగ్యం పాలైన వెంటనే పసుపు పాలు తాగడం భారతదేశంలో చాలా సంవత్సరాలుగా వస్తున్న ఆచారం. ఇది ఆరోగ్యానికి చాలా రకాలుగా మేలు చేస్తుంది. ఈ పానీయం మిమ్మల్ని వెచ్చగా ఉంచుతుంది. మీ రోగనిరోధక శక్తిని పెంచుతుంది. పసుపు పాలు జలుబు, దగ్గును చాలా త్వరగా నయం చేస్తాయి. అందుకే చలికాలంలో వ్యాధులకు దూరంగా ఉండేందుకు పసుపు పాలు తాగడం మంచి అలవాటు.
కాశ్మీరీ కాఫీ: మీరు ఇప్పటివరకు ఆరోగ్యకరమైన , రుచికరమైన కాశ్మీరీ కాఫీని తీసుకోకుంటే, ఈ చలికాలంలో తప్పకుండా ఆస్వాదించండి. గ్రీన్-టీ, కుంకుమపువ్వు, దాల్చినచెక్క, తేనె, ఏలకులు వంటి ఆరోగ్యకరమైన, ప్రయోజనకరమైన పదార్థాలు ఉపయెగించి.. దీనిని తయారు చేయడానికి ఉపయోగిస్తారు. కాఫీని సర్వ్ చేసేటప్పుడు బాదంపప్పును కూడా కలుపుతారు. చల్లని వాతావరణంలో శరీరాన్ని పూర్తిగా వేడి చేయడానికి ఇది మీకు సహాయపడుతుంది.
హాట్ చాక్లెట్: హాట్ చాక్లెట్ పేరు వింటేనే చిన్నపిల్లల నుంచి పెద్దల వరకు నోళ్లలో నీళ్లు తిరుగుతాయి ఎందుకంటే అందరికీ చాక్లెట్ అంటే ఇష్టం. చలికాలంలో హాట్ చాక్లెట్ తాగడం వల్ల చాలా ప్రయోజనాలు ఉన్నాయి. ఇది శరీరాన్ని వేడెక్కించడం ద్వారా శక్తి స్థాయిని పెంచుతుంది. దాల్చిన చెక్కను జోడించడం ద్వారా మీరు దీన్ని మరింత రుచిగా , ఆరోగ్యంగా చేయవచ్చు.
డికాషన్: కోవిడ్ సమయంలో తర్వాత చాలా మంది వ్యాధి నిరోధక శక్తిని పెంచే డికాషన్‌ని ఆస్వాదించడానికి ఇష్టపడతారు. రుచితో పాటు మన శరీరానికి కావల్సినంత పోషకాహారాన్ని అందిస్తుంది. చలికాలంలో వ్యాధులకు దూరంగా ఉండాలంటే ఏలకులు, దాల్చిన చెక్క, అల్లం, ఎండుమిర్చి, కొన్ని తులసి ఆకులను నీటిలో వేసి మరిగించాలి. తర్వాత దాన్ని వడకట్టి టీలా తాగాలి. దీని రెగ్యులర్ వినియోగించడం వల్ల మీ రోగనిరోధక శక్తిని పెంచుతుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
