యంగ్ హీరో సుశాంత్ వెబ్ సిరీస్ ల బాట పట్టాడు. కొల్లా ఏంటర్ టైన్మెంట్స్ పతాకంపై నిర్మిస్తున్న వెబ్ సిరీస్ షూటింగ్ హీరో సుశాంత్ జాయిన్ అయ్యారు.
అక్కినేని నాగేశ్వరరావు మనవడిగా కింగ్ నాగార్జున మేనల్లుడుగా ఫిల్మ్ ఇండస్ట్రీ ఎంట్రీ ఇచ్చాడు సుశాంత్. కాళిదాసు మూవీతో హీరోగా టాలీవుడ్ కు పరిచయమైన యంగ్ స్టార్ సుశాంత్..తను కెరీర్ మొదలుపెట్టిన తక్కువ సమయం లోనే కరెంట్, అడ్డా, దొంగాట, అటాడు కుందాం..రా , చి౹౹ల౹౹సౌ౹౹ వంటి హిట్ సినిమాలలో నటించి మాస్ ప్రేక్షకులకు దగ్గరయ్యారు.
హీరోగా అవకాశాలు తగ్గడంతో అల వైకుంఠ పురములో..సినిమాతో మంచి క్లాస్ క్యారెక్టర్ లో నటించి క్లాస్, మాస్ ప్రేక్షకులకు బాగా కనెక్ట్ అయ్యాడు. కరోనా టైం లో ఇచ్చట వాహనములు నిలుపరాదు సినిమాతో మంచి సక్సెస్ సాధించిన ఈ హీరో మరో అడుగు ముందు వేసి ఓటీటీ ఎంట్రీ ఇస్తుననాడు.
తాజాగా వెబ్ సిరీస్ ట్రెండ్ నడుస్తుండడంతో వెబ్ సిరీస్ లో అద్భుతమైన కథకు గ్రీన్ సిగ్నల్ ఇఛ్చాడు సుశాంత్. ఏంతో ఆసక్తి కరమైన కథ సుశాంత్ కు నచ్చడంతో ఫస్ట్ టైమ్ ZEE5 వెబ్ సిరీస్ ను సెలెక్ట్ చేసుకున్నాడు సుశాంత్. ప్రస్తుతం ZEE5 లో శరవేగంగా షూటింగ్ జరుపుకుంటున్న ఈ వెబ్ సిరీస్ ను కొల్లా ఏంటర్ టైన్మెంట్స్ పతాకంపై ప్రవీణ్ కొల్లా నిర్మిస్తున్నారు. వరుడు కావలేను ఫేమ్ డైరెక్టర్ లక్ష్మి సౌజన్య దర్శకత్వం వహిస్తున్నారు. అటు సినిమాల్లో నటిస్తూనే.. క్యారెక్టర్ రోల్స్ చేస్తూ.. ఇటు వెబ్ మూవీస్ వైపు కూడా అడుగులు వేస్తున్నాడు సుశాంత్. ఇక ఈ వెబ్ సిరీస్ షూటింగ్ లో జాయిన్ అయిన సుశాంత్ ను ZEE 5 టీం గ్రాండ్ వెల్ కం చెపుతూ పోస్టర్ ను రిలీజ్ చేశారు.
ఇప్పటి వరకు ప్రేక్షకులు సుశాంత్ ను పోలీస్ గెటప్ లో చూడలేదు. పోలీస్ జీప్ ముందు మఫ్టీ లో కూల్ గా నిల్చొని చూస్తున్న ఫోటో ను చూస్తుంటే..ఈ వెబ్ సిరీస్ లో ఒక పోలీస్ ఆఫీసర్ గా నటిస్తున్నాడని తెలుస్తుంది. త్వరలో ఈ వెబ్ సిరీస్ గురించి పూర్తి వివరాలు తెలియజేస్తామని యూనిట్ తెలియజేసింది.
